ຫລວງນ້ຳທາປະກາດຈົບຊັ້ນກາງສຶກສາປະຖົມບຳລຸງທົ່ວແຂວງ

             ແຫລ່ງຂ່າວແຂວງຫລວງນ້ຳທາ ລາຍງານວ່າ: ໃນ ວັນທີ 28 ພຶດສະພາ 2013 ນີ້, ຢູ່ທີ່ຫໍວັດທະນະທຳ ຂວງຫລວງນ້ຳທາ ໄດ້ຈັດພິທີປ ະກາດຈົບຊັ້ນການສຶກສາປະຖົມບຳລຸງ ທົ່ວແຂວງ ໂດຍການ ໃຫ້ກຽດເຂົ້າຮ່ວມ ຂອງ ທ່ານ ດຣ. ພັນຄຳ ວິພາວັນ ກຳມະການກົມການເມືອງສູນກາງພັກ, ລັດ ຖະມົນຕີວ່າການກະຊວງສືກສາທິການ ແລະ ກິລາ ແລະ ທ່ານ ດຣ. ພິມມະສອນ ເລືອງຄຳມາ ກຳມະ ການສູນກາງພັກ, ເລຂາພັກ ແຂວງ, ເຈົ້າແຂວງໆ ຫລວງນ້ຳທາ,  ມີຜູ້ແທນຈາກ 5 ແຂວງພາກ ເໜືອຄື: ແຂວງຫລວງພະບາງ, ໄຊຍະບູລີ, ອຸດົມໄຊ, ບໍ່ແກ້ວ ແລະ ຜົ້ງສາລີ, ພ້ອມດ້ວຍຄູອາຈານ, ນັກຮຽນ ເຂົ້າຮ່ວມເປັນຈຳນວນຫລາຍ.

             ໃນພິທີທ່ານ ສົມແພງ ລາດຊະວົງ ຮອງຫົວໜ້າພະແນກ ສຶກສາທິການ ແລະ ກິລາແຂວງ ຫລວງນ້ຳທາ ໄດ້ຍົກໃຫ້ເຫັນ ວ່າ: ມາເຖິງປັດຈຸບັນຕາໜ່າງການສຶກສາໄດ້ຂະຫຍາຍຕົວໄປສູ່ຊົນນະບົດຫ່າງໄກ ຢ່າງທົ່ວ ເຖິງຄື: ສົກຮຽນ 2011-2012 ທ່ົວ ແຂວງ ມີໂຮງຮຽນລ້ຽງເດັກ-ອະ ນຸບານ ທັງໝົດ 114 ແຫ່ງ, ມີໂຮງຮຽນປະຖົມ 398 ແຫ່ງ, ປະ ຖົມສົມບູນ 228 ແຫ່ງ, ມີໂຮງ ຮຽນມັດທະຍົມສຶກສາ 50 ແຫ່ງ ແລະ ຈຳນວນນັກຮຽນໄດ້ເພ່ີມຂຶ້ນ ເປັນລຳດັບ.

            ນັບແຕ່ປີ 1976 ເປັນຕົ້ນ ມາ ພະແນກສຶກສາທິການ ແຂວງ ຫລວງ ນ້ຳທາ ໄດ້ຈັດການຮຽນ- ການສອນ ປະຊາສຶກສາ ແລະ ບຳລຸງຍົກລະດັບການສຶກສາຊັ້ນປະຖົມໃຫ້ກຸ່ມເປົ້າໝາຍເກນ ອາຍຸ 15-40 ປີ ຢ່າງເປັນຂະ ບວນກວ້າງຂວາງສາມາດປະກາດ ລົບລ້າງຄວາມບໍ່ຮູ້ໜັງສື ໃນວັນ ທີ 26 ພຶດສະພາ 1984. ມາເຖິງ ປັດຈຸບັນສັງ ລວມໄດ້ວ່າຍຸດທະສາດການສຶກສາແຕ່ປີ 1996- 2004 ກ່ຽວກັບວຽກງານການ ສຶກສານອກໂຮງຮຽນກໍໄດ້ມີ ການ ປັບປຸງນະໂຍບາຍຄືນໃໝ່ໂດຍຫັນເອົາການຮຽນ-ການສອນຄວບຄູ່ກັບການຝຶກອົບຮົມວິຊາຊີບ ເພຶຶ່ອເຮັດໃຫ້ກຸ່ມ ເປົ້າໝາຍສາມາດຍົກລະດັບຄຸນນະ ພາບດ້ານການສຶກສາໃຫ້ປະຊາຊົນໄດ້ດີຂຶ້ນເທື່ອລະກ້າວດ້ວຍການສົມທົບ ຫລາຍວິທີການ ແລະ ອາດເວົ້າໄດ້ວ່າ: ຕະຫລອດໄລ ຍະ 16 ປີ ຜ່ານມາຄື: ປີ 1996- 2012 ແຂວງຫລວງນ້ຳທາ ໄດ້ສ້າງຂະບວນການລົບລ້າງ ຄວາມບໍ່ຮູ້ໜັງສື ແລະ ບຳລຸງ ຊັ້ນປະຖົມຢ່າງ ຕໍ່ເນື່ອງສາມາດ ປະກາດຈົບຊັ້ນປະ ຖົມບຳລຸງໄດ້ 350 ບ້ານ, ກວມເອົາ 96,4%, ປັດ ຈຸບັນປະຊາກອນເກນ ອາຍຸ 15- 40 ປີ ມີທັງໝົດ 64.116 ຄົນ, ຍິງ 31.736 ຄົນ,ໃນນັ້ນປະຊາກອນ ຮູ້ໜັງສື 62.834 ຄົນ, ຍິງ 30.454 ຄົນ.

          ທ່ານ ສົມແພງ ລາດຊະວົງ  ກ່າວວ່າ: ສຳລັບທິດແຜນການ ການສຶກ ສາໃນຕໍ່ໜ້າຈະສ້າງເງື່ອນໄຂ ແລະ ປຸກລະດົມເດັກ ໃນເກນອາຍຸ 3-5 ປີ ໃຫ້ ເຂົ້າຮຽນ ຊັ້ນອະນຸບານ ແລະ ກຽມປະຖົມ ໃຫ້ໄດ້ 39%, ປະຕິບັດລະ ບົບການສຶກສາຊັ້ນປະຖົມພາກບັງຄັບໃຫ້ປະກົດຜົນເປັນຈິງໃນປີ 2015 ເຮັດໃຫ້ອັດຕາການເຂົ້າຮຽນສຸດທິຊັ້ນປະ ຖົມ ເກນອາຍຸ 6-10 ປີບັນລຸ 98%, ອັດຕາຄ້າງ ຫ້ອງຊັ້ນປະຖົມໃຫ້ເຫລືອ 2%, ອັດຕາ ປະລະການຮຽນໃຫ້ ເຫລືອ 2%, ອັດຕາລອດເຫລືອຮອດ ຫ້ອງ ປ.5 ໃຫ້ໄດ້ 95%, ອັດຕາ ເຂົ້າຮຽນ ຂອງນັກຮຽນທີ່ຈົບ ປ.5 ເຂົ້າ ຮຽນ ຕໍ່ຊັ້ນມ.1 ໃຫ້ໄດ້ 98%, ອັດຕາເຂົ້າຮຽນ ລວມຊັ້ນ ມັດທະຍົມຕອນຕົ້ນໃຫ້ໄດ້ 96% ແລະ ມັດທະຍົມ ຕອນປາຍໃຫ້ໄດ້ 96%, ດຳເນີນການຮຽນການ- ການ ສອນລົບລ້າງຄວາມບໍ່ຮູ້ ໜັງສື ແລະ ສືບ ຕໍ່ບຳລຸງຍົກລະ ດັບການສຶກສາ ຊັ້ນປະຖົມບຳ ລຸງ ໃຫ້ແກ່ປະຊາຊົນໃນກຸ່ມ ເປົ້າ ໝາຍອາຍຸ 15-40 ປີໃຫ້ໄດ້ 99%.

       ໃນໂອກາດດຽວກັນນີ້  ທ່ານ ດຣ. ພັນຄຳ ວິພາວັນ ກໍໄດ້ມອບ ໃບຢັ້ງຢືນປະກາດຈົບຊັ້ນປະຖົມ ບຳລຸງທົ່ວ ແຂວງ ໃຫ້ ທ່ານ ດຣ. ພິມມະສອນ ເລືອງຄຳມາ  ແລະ ປະດັບຫລຽນໄຊແຮງງານ ຊັ້ນ I ໃຫ້17 ທ່ານ, ຊັ້ນ II ໃຫ້ 55 ທ່ານ 8 ກົມ ກອງ, ຊັ້ນ III ໃຫ້ 94 ທ່ານ ແລະ 15 ກົມກອງ, ປະດັບຫລຽນ ກາແຮງງານ ໃຫ້ 114 ທ່ານ 26 ກົມກອງ, ມອບໃບ ຍ້ອງຍໍລັດຖະ ບານ ໃຫ້ 107 ທ່ານ 31 ກົມກອງ ແລະ ໃບຍ້ອງຍໍເຈົ້າແຂວງ  ໃຫ້ ບ້ານ 15 ບ້ານ ແລະ ບຸກຄົນດີເດັ່ນ 26 ທ່ານ ທ່ີໄດ້ປະກອບສ່ວນຢ່າງ ຫ້າວ ຫັນໃຫ້ແກ່ວຽກງານດັ່ງ ກ່າວ. ຕອນທ້າຍທ່ານ ດຣ. ພັນ ຄຳ ວິພາວັນ ໄດ້ສະແດງຄວມ ຍ້ອງຍໍຊົມເຊີຍຕໍ່ຜົນງານອັນ ໃຫຍ່ຫລວງທ່ີ ແຂວງ ຫລວງນ້ຳ ທາ ຍາດມາ ໄດ້ເປັນປະຫວັດ ສາດຂອງແຂວງ ແລະ ທ່ານຍັງ ໄດ້ຮຽກຮ້ອງໃຫ້ອົງການປົກ ຄອງທຸກຂັ້ນຕະຫລອດຮອດ ພະ ນັກງານ, ທະຫານ, ຕຳຫລວດ ແລະ ປະຊາຊົນ ບັນດາເຜົ່າ ທົ່ວ ແຂວງ ຈົ່ງສືບຕໍ່ຈັດຕັ້ງປະຕິບັດບຳລຸງ-ຍົກ ລະດັບ ການສຶກສາຂອງຕົນໃຫ້ສູງຂຶ້ນ, ຮຽນຈົບປະ ຖົມ ແລ້ວໃຫ້ ສືບຕໍ່ບຳລຸງຍົກລະດັບຈົບຊັ້ນມັດທະຍົມ ຕອນຕົ້ນ, ຕອນປາຍ ຫລື ສູງກວ່ານັ້ນ, ຖືເອົາການຮຽນຮູ້ບໍ່ມີວັນສິ້ນສຸດ, ຮຽນແລ້ວຮຽກອີກ, ຮຽນເລື້ອຍໆໄປ.