ເທສະການທາງວັດທະນະທຳທີ່ ຍິ່ງໃຫຍ່ທີ່ສຸດຂອງມາເລເຊຍ Colours of 1 Malaysia 2013 ສ້າງຄວາມປະທັບໃຈໃຫ້ນັກທ່ອງທ່ຽວ

    ເທສະການທາງວັດທະນະ ທຳມາເລເຊຍ  ປະຈຳປີ 2013 ຫລື  “ Colours of 1 Malaysia 2013 ” ໄດ້ຈັດຂຶ້ນໃນ ຕອນແລງຂອງວັນທີ 25 ພຶດສະພາ 2013 ຢູ່ຈະຕຸລັດ ເມີເດກາ ( ສະຖານ ທີ່ປະກາດເອກະລາດຂອງມາ ເລເຊຍ ) ສາມາດ ເອີ້ນໄດ້ວ່າ ເປັນງານທ່ອງທ່ຽວທີ່ໃຫຍ່ທີ່ສຸດຂອງມາເລເຊຍເຊິ່ງຈັດຂຶ້ນທຸກໆ ປີທີ່ສາ ມາດດຶງດູດນັກທ່ອງ ທ່ຽວ, ສື່ມວນຊົນ ທັງພາຍໃນ ແລະ ຕ່າງປະເທດໃຫ້ເຂົ້າ ຮ່ວມງານດັ່ງກ່າວ ເປັນຈຳນວນ ຫລາຍຮ້ອຍຄົນດ້ວຍຄວາມຫຼາກຫລາຍຂອງການສະ ແດງ ເຊັ່ນ : ງານສະແດງພື້ນເມືອງ, ງານສີມື, ງານສະແດງສິລະປະ ລວມໄປເຖິງແສງສີສຽງ ແລະ ຂະບວນພາເລດຕ່າງໆທີ່ ໃຊ້ນັກສະແດງຫລາຍພັນຄົນ  ແລະ ປິດທ້າຍງານດ້ວຍການຍິງບັ້ງໄຟດອກທີ່ສວຍງາມ ແລະ ຍິ່ງໃຫຍ່ທີ່ສຸດເຮັດໃຫ້ຜູ້ຊົມໄດ້ ເພີດເພີນ, ຕື່ນຕາຕື່ນໃຈໄປກັບງານດັ່ງກ່າວຢ່າງອີ່ມອົກອີ່ມໃຈ.

      ສຳລັບງານນີ້  ນອກຈາກ ຈະເປັນງານເທສະການທາງວັດທະນະທຳ ດັ່ງກ່າວແລ້ວອົງ ການທ່ອງທ່ຽວມາເລເຊຍຍັງມີຈຸດ

ປະສົງເພື່ອເຊີນເອົາໂຕແທນບໍລິສັດທ່ອງທ່ຽວຈາກ 248 ບໍລິ ສັດທົ່ວໂລກ ແລະ ສື່ມວນຊົນ ຈາກ 23 ປະເທດ ເຊັ່ນ : ບັງ ກາລາເທດ, ບຣູໄນ, ກຳປູເຈຍ, ການາດາ, ຈີນ, ເອຢິບ, ຝຣັ່ງ, ເຢຍລະມັນ, ອິນເດຍ, ອິນໂດເນ ເຊຍ, ອີຣ່ານ, ຍີ່ປຸ່ນ, ລາວ, ນີວ ຊີງລັງ, ຊາອຸດິ ອາຣາບີ, ສິງກະ ໂປ, ອາຟຣິກກາ ໃຕ້, ສ.ເກົາຫລີ, ສີລັງກາ, ໄທ, ຟີລິບປິນ, ຕວກກີ ແລະ ຫວຽດນາມ ເພື່ອ ພົບປະປຶກສາຫາລືໃນການວາງແຜນງານກ່ຽວກັບສະຖານທີ່ທ່ອງທ່ຽວໃນປີຕໍ່ໄປພ້ອມດ້ວຍມອບໃບຢັ້ງຢືນການເຂົ້າຮ່ວມງານດັ່ງກ່າວນຳອີກ.