ບຸນດົນຕຣີຝຣັ່ງປະຈຳປີ 2013 ຈະຈັດຂຶ້ນໃນວັນທີ 8 ມິຖຸນານີ້

   ສະຖາບັນຝຣັ່ງ, ໄດ້ຖະ ແຫລງຂ່າວກ່ຽວກັບການຈັດບຸນດົນຕຣີປະຈຳປີ 2013 ໃນ ວັນທີ 5 ມີຖຸນາ 2013 ທີ່ສະຖາບັນ ດັ່ງກ່າວໂດຍໃຫ້ກຽດຖະແຫລງ ຂ່າວຂອງທ່ານ ໂລຣັອງ ມົງຕີເຢ ຮອງອຳນວຍການສະຖາບັນ ຝຣັ່ງ, ມີພະນັກງານກ່ຽວຂ້ອງ ເຂົ້າຮ່ວມ.

    ຮອງອຳນວຍການສະຖາ ບັນຝຣັ່ງ ກ່າວວ່າ: ສະຖາບັນ ຝຣັ່ງຈະຈັດງານບຸນດົນຕຣີປະ ຈຳປີ 2013 ຂຶ້ນ ເພື່ອ​ສະ​ເຫລີ​ມ ສະຫລອງ​ວັນ​ແຫ່ງດົນຕີ (21/6/ 1982), ສ້າງ​ໂອກາດ​ໃຫ້​ທຸກ​ຄົນ​​ກ້າ​ຄິດ​ກ້າ​ສະ​ແດງ​ອອກ, ສ້າງ​ໂອກາດ​ໃຫ້​ສິລະ​ປິນ​ໄດ້​ມີ​ສ່ວນ​ຮ່ວມ​ໃນ​ການສະ​ແດງທັງ​ເປັນ​ການ​ສົ່ງ​ເສີມ​ໃຫ້​ມີ​ເທສະການ​ດົນຕຣີ​ນັບ​ມື້ຫລາຍ​ຂຶ້ນ. ເຊິ່ງງານ​ດັ່ງກ່າວຈະ​ຈັດຂຶ້ນໃນວັນເສົາທີ 8 ມິຖຸນາ 2013 ຢູ່ສະຖາບັນຝຣັ່ງ ເລີ່ມແຕ່ເວລາ11:00 - 16:00 ໂມງ ແມ່ນ​ສະ​ແດງ​​ດົນຕຣີ​ພື້ນ​ເມືອງ; ຢູ່ຮ້ານ​ອາຫານ​ຂອບ​ໃຈ​ເດີ​ເລີ່​ມ​ແຕ່​​ເວລາ 19:30 - 23:00 ໂມງ, ສ​ະແດງ​ຕົນ​ຕຣີ​ທົ່ວ​ໄປ ແລະ ຢູ່ສູນບູໂດລາວ-ຍີ່ປຸນ ​ເລີ່​ມ​ແຕ່​ເວລາ 18:00 - 23:00 ​ໂມງ. ໃນບຸນດົນຕຣີ​ຝຣັ່ງ​ໃນ​ປີນີ້​ໄດ້​ເຊີນ​ເອົາກຸ່ມສິລະ​ປິນໂປນີ້ ໂປນີ້ລັນລັນ ຈາກປະເທດຣັ່ງເຂົ້າຮ່ວມນອກຈາກ​ນີ້ ຍັງ​ມີ​ສິລະ​ປິນລາວ​ເຂົ້າຮ່ວມນຳດ້ວຍ, ພິ​ເສດ​ບຸນ​ດັ່ງກ່າວ​ເຂົ້າ​ຊົມ​ໂດຍ​ບໍ່​ເສຍ​ຄ່າ.