ປະທານສະພາແຫ່ງຊາດ ສປປ.ລາວ ຢ້ຽມຢາມສັນທະວະໄມຕີ ສປ.ຈີນ

         ໂດຍຕອບສະໜອງຕາມຄຳເຊີນຂອງທ່ານ ຈາງເຕີຈຽງ ປະທານຄະນະປະຈຳສະ ພາຜູ້ແທນປະຊາຊົນແຫ່ງຊາດຈີນ, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ ພ້ອມຄະນະຜູ້ແທນຂັ້ນສູງຂອງສະພາແຫ່ງຊາດລາວ ໄດ້ເຄື່ອນ ໄຫວຢ້ຽມ ຢາມ ສປ ຈີນ ໃນລະຫວ່າງວັນທີ 2-8 ມີຖຸນາ 2013 ເພື່ອສືບຕໍ່ເສີມຂະຫຍາຍ ແລະ ຮັດແໜ້ນສາຍພົວພັນມິດ ຕະພາບ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ,ໂດຍສະເພາະລະຫວ່າງ ການຮ່ວມມືສອງອົງການ ນິຕິບັດຍັດຂອງສອງປະເທດໃຫ້ກ້າວສູ່ລວງເລີກ.    

      ການຢ້ຽມຢາມຂອງຄະນະຜູ້ແທນຂັ້ນສູງຂອງສະພແຫ່ງ ຊາດລາວຄັ້ງໄດ້ຮັບການ ຕ້ອນ ຮັບທີ່ເຕັມໄປດ້ວຍບັນຍາກາດແຫ່ງໄມຕີຈິດມິດຕະພາບອັນອົບອຸ່ນ ແລະ ສົມກຽດ ເຊິ່ງການພົບປະຢ່າງເປັນທາງການລະຫວ່າງການນຳຂັ້ນສູງສອງຝ່າຍ ນຳໂດຍທ່ານນາງ ປານີ ຢາທໍ່ຕູ້ ປະທານສະພາແຫ່ງ ຊາດ ລາວກັບທ່ານ ຈາງເຕີຈຽງ ປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນ ໄດ້ມີຂຶ້ນໃນຕອນບ່າຍຂອງວັນທີ 3 ມີຖຸນານີ້, ທີ່ຫໍສະພາປະ ຊາຊົນ ນະຄອນຫຼວງປັກກິ່ງ ສາທາລະນະ ລັດປະຊາຊົນຈີນ.

        ການພົບປະກັນຄັ້ງນີ້ເປັນການທົບທວນຄືນໝາກຜົນ ແລະ ແຜນການຮ່ວມມືຂອງສອງອົງການ ນິຕິບັນຍັດລາວ-ຈີນ, ໂດຍ ທ່ານປະທານສະພາແຫ່ງຊາດລາວ ໄດ້ກ່າວສະແດງຄວາມຂອບໃຈສະຫາຍຈາງເຕີຈຽງ ທີ່ໄດ້ເຊື້ອເຊີນ ແລະ ໃຫ້ການ

ຕ້ອນຮັບຄະນະຜູ້ແທນຂັ້ນສູງສະພາແຫ່ງຊາດລາວຢ່າງອົບອຸ່ນຖານສະຫາຍອ້າຍນ້ອງນັບຕັ້ງແຕ່ເວລາທີ່ມາເຖິງດິນແດນທີ່ ສວຍສົດງົດງາມ, ອຸດົມຮັ່ງມີ ແລະ ລືຊື່. ນີ້ເປັນການສືບຕໍ່ຜັນຂະຫຍາຍຜົນການຢ້ຽມຢາມຂອງການນຳຂັ້ນສູງ ພັກ-ລັດ ຂອງ ສອງປະເທດລາວ-ຈີນ,ຈີນ-ລາວໃຫ້ຈະເລີນງອກງາມຍິ່ງໆຂຶ້ນ. ການຢ້ຽມຢາມ ສປ ຈີນ ຄັ້ງນີ້ຈະເປັນການສືບຕໍ່ປະກອບ ສ່ວນ ສຳຄັນເຂົ້າໃນການເສີມສ້າງສາຍພົວພັນມິດຕະພາບ, ການຮ່ວມມືແບບຍຸດທະສາດຮອບດ້ານ, ຄວາມສາມັກຄີທີ່ ເປັນມູນເຊື້ອ ຖານສະຫາຍທີ່ໃກ້ຊິດສະໜິດສະໜົມ, ມີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນລະຫວ່າງສອງພັກ, ສອງລັດ ແລະ ປະຊາ ຊົນສອງຊາດລາວ- ຈີນ,ຈີນ -ລາວ ໃຫ້ແໜ້ນແຟ້ນ ແລະ ເລິກເຊິ່ງຂຶ້ນຕື່ມ.

               ສຳລັບ ການຮ່ວມມື ລະ ຫວ່າງສອງອົງການນິຕິບັນຍັດ ລາວ-ຈີນໃນໄລຍະຜ່ານມາ ເຫັນ ວ່າໄດ້ຮັບການເສີມຂະ ຫຍາຍຂຶ້ນ ຢ່າງບໍ່ຢຸດຢັ້ງ,ເຊິ່ງໄດ້ສະແດງ ອອກໃນການຢ້ຽມຢາມ ແລະ ພົບປະແລກປ່ຽນບົດຮຽນເຊິ່ງ ກັນແລະກັນຂອງສອງ ອົງການນິຕິບັນຍັດໃນຂັ້ນຕ່າງໆຢ່າງເປັນປົກກະຕິ. ພິເສດ, ສະພາຜູ້ແທນປະຊາຊົນແຫ່ງຊາດຈີນໄດ້ໃຫ້ການຊ່ວຍເຫລືອທຶນ ຮອນ ແລະ ວັດຖຸ ອຸປະກອນພ້ອມທັງສົ່ງຄະນະຜູ້ແທນເຂົ້າຮ່ວມກອງປະຊຸມລະ ດັບພາກພື້ນ ແລະ ສາກົນທີ່ ສປປ ລາວ ເປັນ ເຈົ້າພາບ ແລະ ໃຫ້ການ ສະໜັບສະໜູນເຊິ່ງກັນ ແລະ ກັນ ໃນກອງປະຊຸມລັດຖະສະພາລ ດັບພາກພື້ນ ແລະ ສາກົນ ແລະ ໃນປີ 2014ນີ້, ສະພາຜູ້ແທນປະຊາຊົນແຫ່ງຊາດຈີນຍັງມີແຜນຊ່ວຍທືນສະໜັບສະໜູນພັດທະນາຊັບພະຍາກອນ ມະນຸດໃຫ້ແກ່ສະພາແຫ່ງຊາດລາວຕື່ມອີກ.

         ສຳລັບແຜນການຮ່ວມມື ໃນຕໍ່ໜ້າ ສອງຝ່າຍເຫັນດີສືບຕໍ່ ເພີ່ມ ທະວີການຢ້ຽມຢາມ ແລກ ປ່ຽນບົດຮຽນເຊິ່ງກັນ ແລະ ກັນ ນັບຕັ້ງແຕ່ສູນກາງຮອດທອ້ງຖິ່ນ ກ່ຽວກັບວຽກງານລັດຖະສະພາ ທີ່ສອງຝ່າຍມີຄວາມສົນໃຈ,ສືບຕໍ່ ຮວ່ມມືກັນຊຸກ ຍູ້ ແລະ ຕິດຕາມກວດກາການຈັດຕັ້ງປະຕິ ບັດບັນ ດາໂຄງການຊ່ວຍເຫລືອລ້າ,ການ ກູ້ຢືມທີ່ລັດຖະບານສອງປະເທດ ໄດ້ ເຊັນກັນ, ກໍຄືການຊຸກຍູ້ ແລະ ຕິດຕາມກວດກາບັນດາໂຄງການລົງທືນຕ່າງໆຂອງຈີນຢູ່ ລາວໃຫ້ມີປະສິດທິຜົນຕາມຈຸດປະ ສົງ ແລະ ລະດັບຄາດໝາຍ, ສືບຕໍ່ສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນເພື່ອເສີມຂະຫຍາຍສາຍພົວ ພັນມິດຕະພາບ ແລະ ການຮ່ວມມືຮອບດ້ານປະກອບສ່ວນເຂົ້າໃນການປົກປັກຮັກສາສັນຕິພາບ, ສະຖຽນ ລະພາບ ແລະ ການພັດທະນາແບບຍືນຍົງໃນພາກພື້ນ ແລະ ໃນໂລກ.

        ໃນວັນດຽວກັນທ່ານນາງ ປານີ ຢາທໍ່ຕູ້ ປະທານສະພາແຫ່ງ ຊາດລາວ ກໍໄດ້ພົບປະໂອລົມກັບ ທ່ານນາງ ຢຽນຈວນຊີ ຮອງປະ ທານຄະນະປະຈຳສະພາ ຜູ້ແທນ ປະຊາຊົນແຫ່ງຊາດຈີນ,ທີ່ນະ ຄອນຫລວງປັກ ກິ່ງ,ດ້ວຍບັນຍາ ກາດອັນອົບອຸ່ນ ສະໜິດສະໜົມ ເຊິ່ງຖືວ່າການເຄື່ອນໄຫວຢ້ຽມ ຢາມ ສປ ຈີນ ຂອງຄະນະຜູ້ແທນ ຂັ້ນສູງຂອງສະພາແຫ່ງຊາດລາວ ແມ່ນການ ສືບຕໍ່ຜັນຂະຫຍາຍໝາກຜົນຂອງການຢ້ຽມຢາມ ຂອງການນຳຂັ້ນສູງພັກ-ລັດ ຂອງສອງປະເທດລາວ-ຈີນ, ຈີນ- ລາວເຂົ້າໃນ ຂົງເຂດນິຕິບັນຍັດຂອງສອງປະເທດໃຫ້ຈະເລີນງອກງາມຍິ່ງໆຂື້ນ.

       ໃນຕອນເຊົ້າຂອງວັນທີ 3 ມິ ຖຸນາ 2013 ທ່ານປະທານສະພາ ແຫ່ງຊາດ ລາວພອ້ມຄະນະກໍໄດ້ ເຄື່ອນໄຫວຢ້ຽມຢາມ ສຳນັກງານ ບໍລິສັດ ແຊັດທີອີ (ZTE) ເຊິ່ງເປັນບໍລິສັດ ລັດວິສະຫະກິດ ຂະໜາດໃຫຍ່ຜະລິດອຸປະກອນ ການສື່ສານ,ໂທລະ ຄົມມະນາຄົມ ແລະ ສາຍສົ່ງໄຟ້ຟ້າ, ບໍລິສັດດັ່ງກ່າວໄດ້ ໄປລົງທຶນແລະ ເປີດສຳນັກງານຜູ້ຕາງໜ້າຢູ່ລາວ ແລະ ໄດ້ມີການຮ່ວມ ມືສະໜອງອຸປະກອນໂທລະຄົມມະນາຄົມແລະ ການສື່ສານໃຫ້ແກ່ລັດວິສະຫະກິດດ້ານໂທລະຄົມມະນາຄົມລາຍ ໃຫຍ່ຢູ່ ລາວເຊັ່ນ:ລັດວິສາຫະກິດ ລາວໂທລະຄົມ,ໂທລະຄົມລາວ ແລະ ຢູນີແທວ, ພອ້ມນີ້ທາງບໍລິສັດຍັງ ໄດ້ສະໜອງສາຍສົ່ງ​ໄຟ ຟ້າໃຫ້ແກ່ບໍລິສັດສ້າງເຂື່ອນ ໄຟ ຟ້າຂອງ ຈີນ ທີ່ໄປລົງທືນຢູ່ ລາວ ແລະ ຮ່ວມມືກັບກະຊວງປ້ອງ ກັນຄວາມສະຫງົບ ກ່ຽວກັບ ຄວາມປອດໄພດ້ານການສື່ ສານ ແລະ ສູນອິນເຕີເນັດແຫ່ງຊາດ ນອກຈາກນີ້,ທ່ານນາງ ປານີ ຢາ ທໍ່ຕູ້ ປະທານສະພາແຫ່ງຊາດ ລາວ ພອ້ມຄະນະກໍໄດ້ເຄື່ອນ ໄຫວຢ້ຽມຢາມສະໜາມກິລາໂອ ແລັມປິກ,ປັກກິ່ງ 2008 ຫລື ສະໜາມກິລາຮັ່ງນົກ ເຊິ່ງເລີ່ມ ສາງສະໜາມປີ 2003 ແລະ ສຳເລັດ ການກໍ່ສ້າງໃນເດືອນມິນາປີ 2008 ໃນມູນຄ່າການກໍ່ສ້າງສອງພັນສອງຮອ້ຍຫົກສິບ ເຈັດ ລ້ານຢວນ (2,267 ລ້ານຢວນ) ສະ ໜາມມີເນື້ອທີ່ສອງຮອ້ຍຫ້າ ສິບແປດພັນຕາແມັດສາມາດບັນຈຸຜູ້ຊົມໄດ້ເຖິງແປດ ສິບພັນຄົນ, ສະໜາມກິລາແຫ່ງນີ້ໄດ້ສ້າງຊື່ ສຽງໃຫ້ແກ່ ສປ ຈີນ ໃນໂອກາດ ທີ່ຈີນໄດ້ຮັບກຽດເປັນເຈົ້າພາບຈັດງານມະຫາກຳ ກິລາໂອແລມປິກປັກກິ່ງເກມປີ 2008 ປັດຈຸບັນ ລັດຖະບານຈີນໄດ້ນຳໃຊ້ສະໜາມກິລາແຫ່ງນີ້ໃຫ້ເກີດປະໂຫຍດສູງສຸດ, ມັນໄດ້ກາຍເປັນແຫຼ່ງທອ່ງ ທ່ຽວທີ່ສຳຄັນ,ສາມາດດຶງດູດນັກ ທ່ອງທ່ຽວມາທ່ຽວຊົມ ແລະ ທັດ ສະນະສຶກສາໃນສະຖານ ທີ່ແຫ່ງນີ້ເປັນຈຳນວນຫລວງຫລາຍ.