ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ
ຮ່ວມກັບ ສູນ ກາງຊາວໜຸ່ມປະຊາຊົນ ປະຕິວັດລາວ (ຊປປ ລາວ) ຈັດສຳມະນາວິທະຍາ ສາດ ເນື່ອງໃນໂອກາດສະເຫລີມ
ສະຫລອງວັນສິ່ງ ແວດລ້ອມ ໂລກໃນວັນທີ 5 ມິຖຸນາ 2013 ພາຍໃຕ້ຫົວຂໍ້ “ຈົ່ງພ້ອມກັນຄຳ ນຶງເຖິງການ
ກິນຢູ່ຢ່າງປະຢັດ ແລະ ປອດ ໄພ”ພ້ອມນີ້ຍັງໄດ້ ຈັດພິທີມອບສິ່ງພິມຕ່າງໆ ໃຫ້ 17 ແຂວງ 147 ເມືອງໃນຂອບ ເຂດທົ່ວປະເທດ ໂດຍເປັນກຽດເຂົ້າ ຮ່ວມຂອງທ່ານ ອາຊາງ ລາວລີ ຮອງນາຍົກ ລັດຖະ ມົນຕີ, ປະທານຄະນະກຳມະການສິ່ງແວດ
ລ້ອມແຫ່ງຊາດ, ມີທ່ານ ນູລິນ ສິນບັນດິດລັດຖະມົນຕີວ່າການກະຊວງຊັບພະຍາ ກອນທຳມະຊາດ ແລະ ສິ່ງແວດ
ລ້ອມ,ທ່ານ ດຣ ວິໄລວົງ ບຸດດາ ຄຳ ເລຂາຄະນະບໍລິຫານງານສູນກາງ ຊປປ ລາວ, ມີບັນດາ ຫົວໜ້າກົມ,
ຜູ້ຕາງໜ້າອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈຳນວນຫລວງຫລາຍ.
ທ່ານຮອງນາຍົກລັດຖະມົນຕີ, ປະທານຄະນະກຳມະການ
ສິ່ງ ແວດລ້ອມແຫ່ງຊາດໄດ້ມີຄຳ ເຫັນບາງເນື້ອໃນສຳຄັນວ່າ: ການສະເຫລີມສະຫລອງວັນສິ່ງ ແວດລ້ອມໂລກໃນປີ
2013 ນີ້ ກໍຄືກັບທຸກໆປີ ໂດຍຖືເອົາໂອ ກາດດັ່ງກ່າວເປັນການທົບ ທວນ, ສະຫລຸບຜົນງານທີ່ຍາດມາໄດ້ໃນ
ໜຶ່ງປີຜ່ານມາ,ຕີລາຄາດ້ານດີ, ດ້ານອ່ອນ,ຂໍ້ຄົງຄ້າງ ແລະ ຖອດ ຖອນບົດຮຽນ
ໄປພ້ອມໆກັບການ ໂຄສະນາເຜີຍແຜ່,
ການສ້າງຂະບວນການປຸກລະດົມ,ການສ້າງຈິດສຳນຶກໃຫ້ປະຊາ ຊົນລາວບັນ ດາເຜົ່າໃນທົ່ວປະເທດເຫັນໄດ້ບົດ
ບາດ ແລະ ທ່າແຮງອັນສຳຄັນ ຂອງຊັບພະຍາກອນທຳມະຊາດ ແລະ ສິ່ງແວດ ລ້ອມໃນການປະ ກອບສ່ວນເຂົ້າໃນຂະບວນການ
ພັດທະນາເສດຖະກິດ-ສັງຄົມ ທີ່ຍືນຍົງແລະ ຈົ່ງຮ່ວມແຮງຮ່ວມ ໃຈກັນ ຢ່າງຈິງຈັງຫັນພຶດຕິກຳ ໂດຍເລີ່ມຈາກຕົນເອງ
ເພື່ອຫລຸດ ຜ່ອນການກິນຢູ່ແບບຟູມເຟືອຍ, ການນຳໃຊ້ຊັບພະຍາກອນທຳມະ ຊາດແບບປະຢັດ, ສົມເຫດສົມຜົນ
ໄປພ້ອມໆກັບການສ້າງໂອກາດ ໃຫ້ແກ່ຜູ້ທຸກຍາກ ແລະ ຜູ້ດ້ອຍໂອກາດໄດ້ເຂົ້າເຖິງປັດ ໄຈພື້ນຖານໃນການກິນຢູ່ແນໃສ່ຮັບປະ
ກັນທາງດ້ານສະບຽງອາຫານທີ່ມີໂພສະນາການ ແລະ ປອດໄພ ສຳລັບທຸກໆຄົນ ເພື່ອ ນຳໄປສູ່ການລຶບລ້າງຄວາມທຸກຍາກ.ໃນການສະໜອງສິ່ງພິມຕ່າງໆເປັນຕົ້ນເອກະສານດ້ານນະໂຍບາຍ,
ຍຸດທະສາດ, ນິຕິກຳ, ບັນດາຄູ່ມື ແນະນຳດ້ານວິຊາການ ແລະ ວາ ລະສານຕ່າງໆໃຫ້ແກ່ 17 ແຂວງ
147 ເມືອງໃນຂອບເຂດທົ່ວປະເທດນັ້ນກໍເພື່ອ ເປັນການຮັບປະ ກັນການເຂົ້າເຖິງຂໍ້ມູນ-ຂ່າວສານ
ແລະ ໄດ້ຍົກລະດັບຄວາມຮູ້, ຄວາມສາມາດຕິດພັນກັບການສ້າງຄວາມ ເຂັ້ມແຂງໃຫ້ທ້ອງຖິ່ນມີຄວາມຮັບຜິດຊອບຢ່າງເປັນເຈົ້າການຫລາຍຂຶ້ນໃນວຽກງານຄຸ້ມຄອງຊັບພະຍາກອນທຳມະຊາດ
ແລະ ປົກປັກຮັກສາສິ່ງແວດລ້ອມບໍ່ໃຫ້ບົກແຫ້ງເປັນຈັກເທື່ອຈົນເຖິງເຊັ່ນລູກເຊັ່ນຫລານ.
No comments:
Post a Comment