ໂຮງຮຽນປະຖົມສົມບູນລາວ-ຈີນ ບ້ານຫນອງປິງ

          ວັນທີ 31 ພຶດສະພານີ້ໄດ້ມີ ພິທີມອບ-ຮັບ ​ແລະ ​ເປີດ​ນຳ​ໃຊ້ ໂຮງຮຽນປະ ຖົມສົມບູນລາວ-ຈີນບ້ານໜອງປີງ, ເມືອງ ຈັນທະບູລີ, ນະຄອນຫຼວງວຽງຈັນ ​ໂດຍ​ການ​ເຂົ້າຮ່ວມ​ຂອງ ທ່ານ ສາຍທອງ ແກ້ວດວງດີ ຮອງເຈົ້າຄອນນະຄອນຫຼວງວຽງ ຈັນ, ທ່ານ ຫວູຊີ້ ຫວູ ອຸປະທູດ ສປ ຈີນ ປະຈຳ ລາວ.

     ໂຮງຮຽນປະຖົມສົມບູນລາວ- ຈີນບ້ານໜອງປີງໄດ້ຮັບການກໍ່ ສ້າງພາຍໃຕ້ການ ຮ່ວມມືລະ ຫວ່າງຄະນະສັນຕິພາບ ແລະ ສາ ມັກຄີຂອງລາວ  ແລະ ກອງທຶນ ຈີນ ເພື່ອສັນຕິພາບ ແລະ ການ ພັດທະນາໃນມູນຄ່າ 4 ແສນກວ່າ ໂດລາສະຫະລັດ, ​ແລະ ເລີ່ມລົງມືກໍ່ສ້າງມາແຕ່ເດືອນຕຸລາ 2012 ເປັນອາຄານຮຽນ 2 ຊັ້ນ, ລວມມີ 8 ຫ້ອງຮຽນ, ພ້ອມຫ້ອງປະຊຸມ, ຫ້ອງຜູ້ອຳນວ ການ, ຫ້ອງພັກຄູ, ຫ້ອງ ສະໝຸດ ແລະ ຫ້ອງນ້ຳ 12 ຫ້ອງປະກອບດ້ວຍສິ່ງອຳນວຍຄວາມສະດວກອື່ນໃນເນື້ອທີ່ 1060 ຕາແມັດ, ສາມາດຮອງ ຮັບ ນັກຮຽນໄດ້ 300- 400 ຄົນ, ນອກຈາກຈະນຳໃຊ້ເປັນຫ້ອງ ຮຽນແລ້ວ ໂຮງຮຽນດັ່ງກ່າວຍັງສາມາດໃຊ້ເປັນບ່ອນສຶກສາ ຄວາມຮູ້ ແລະ ຈັດກິດຈະກຳຕ່າງໆນຳ​ອີກ.

            ການຊ່ວຍເຫຼືອຄັ້ງນີ້​ເປັນ ຄັ້ງທິດອິດພາຍຫຼັງມີການສ້າງ ກອງຄະນະສັນຕິພາບ ແລະ ສາ ມັກຄີລາວ ແລະ ກອງທຶນ ຈີນ ເພື່ອສັນຕິພາບ ແລະ ພັດທະນາ, ນອກຈາກຊ່ວຍສ້າງໂຮງຮຽນ ແລ້ວທາງຈີນ ຍັງຈະຊ່ວຍເຫຼືອ ລ້າທາງດ້າຍອຸປະກອນ ການຮຽນ, ການສອນ ແລະ ອຸປະກອນອື່ນໆອີກຈຳນວນໜິ່ງ.