ບໍລິສັດຜະລິດ-ໄຟຟ້າລາວ ມະຫາຊົນ ຈັດພິທີປູກຕົ້ນໄມ້ ແລະ ປ່ອຍປາສູ່ແມ່ນ້ຳທຳມະຊາດ

        ບໍລິສັດ ຜະລິດ-ໄຟຟ້າລາວ ມະຫາຊົນ (ຜ-ຟຟລ) ໄດ້ຈັດພິທີ ປູກຕົ້ນໄມ້ ແລະ ປ່ອຍປາລົງສູ່ ສາຍນ້ຳທຳມະຊາດຢູ່ ເຂື່ອນໄຟຟ້ານ້ຳມັງ 3 ບ້ານນ້ຳຍາມ ເມືອງ ທຸລະຄົມ ແຂວງວຽງຈັນ ໃນວັນ ທີ 1 ມິຖຸນານີ້ ໂດຍການເຂົ້າຮ່ວມ ຂອງທ່ານ ຄຳ ມະນີ ອິນທິລາດ ລັດຖະມົນຕີຊ່ວຍວ່າການກະຊວງ ພະລັງງານ ແລະ ບໍ່ແຮ່ ທັງເປັນ ປະທານສະພາຜູ້ອຳນວຍການ ບໍລິສັດ ຜະລິດ-ໄຟຟ້າລາວ ມະຫາ ຊົນ,ທ່ານເຈົ້າ ເມືອງທຸລະຄົມ ແຂວງວຽງຈັນ ພ້ອມດ້ວຍ ພະ ນັກງານຂອງບໍລິສັດດັ່ງກ່າວເຂົ້າ ຮ່ວມຢ່າງເປັນຂະບວນຟົດຟື້ນ.

            ໄມ້ທີ່ນຳມາປູກຄັ້ງນີ້ມີປະ ມານ 2 ພັນເບ້ຍປະກອບມີ:ໄມ້ ປາມ,ໄມ້ແຕ້ ແລະ ໄມ້ດູ່ ແລະ ປ່ອຍປາຈຳນວນ 20 ພັນໂຕ ລົງ ສູ່ສາຍນ້ຳທຳມະຊາດໃກ້ກັບ ເຮືອນຈັກຂອງເຂື່ອນດັ່ງກ່າວ.

            ທ່ານອຳນວຍການໃຫຍ່ ບໍລິສັດຜະລິດ-ໄຟຟ້າລາວ ມະຫາ ຊົນ ບຸນອູ້ມ ສີວັນເພັງ ກ່າວວ່າ: ວັນທີ 1 ມິຖຸນາ ເປັນ ວັນປູກຕົ້ນ ໄມ້ແຫ່ງຊາດແລະວັນເດັກນ້ອຍສາກົນເຊິ່ງເປັນວັນໜຶ່ງທີ່ມີຄວາມໝາຍສຳຄັນຂອງຊາດລາວ ເຮົາດັ່ງນັ້ນປະຊາຊົນ ບັນດາເຜົ່າໄດ້ຮ່ວມແຮງຮ່ວມໃຈກັນ ສ້າງຂະບວນປູກຕົ້ນໄມ້ເພື່ອໃຫ້ ເປັນປ່າ,ປັດຈຸບັນຢູ່ທົ່ວໂລກໄດ້ ໃຫ້ຄວາມສຳຄັນ ແລະ ເອົາໃຈ ໃສ່ໃນການປົກປັກຮັກສາສິ່ງ ແວດລ້ອມ ແລະ ຊີວະນາໆພັນ ເພື່ອຄວາມອຸດົມສົມບູນຂອງທຳ ມະຊາດຢ່າງຢືນຍົງ,

ດັ່ງນັ້ນ ບໍລິສັດຂອງພວກເຮົາຈຶ່ງມີຄວາມມຸ່ງໝາຍໃນການສົ່ງເສີມການອານຸລັກຊັບພະຍາກອນປ່າໄມ້ ຢ່າງຕໍ່ເນື່ອງ ຄຽງຄູ່ກັບ ການພັດທະນາໄຟຟ້າປະກອບສ່ວນເຂົ້າໃນການພັດທະນາເສດຖະກິດ-ສັງ ຄົມຂອງຊາດໃຫ້ໝັ້ນຄົງ ແລະ ຍືນຍົງ.

      ໃນໄລຍະຜ່ານມາການອານຸ ລັກຮັກສາສິ່ງແວດລ້ອມໄດ້ດຳ ເນີນຫລາຍກິດຈະກຳເປັນຕົ້ນ: ການເອົາໃຈໃສ່ຄຸ້ມຄອງບັນດາ ບ້ານທີ່ຖືກກະທົບໃນການກໍ່ສ້າງ ເຂື່ອນຢ່າງເປັນປົກກະຕິລວມທັງ ມີສ່ວນຮ່ວມໃນການສົມທົບທຶນ ເພື່ອປົກປັກຮັກສາປ່າ ສະຫງວນ ແຫ່ງຊາດ ທີ່ຕິດກັບບັນດາເຂື່ອນ ແລະ ບັນດາບໍລິເວນອ່າງໂຕ່ງ ຂອງບັນດາເຂື່ອນດັ່ງກ່າວ,ນອກ ຈາກນີ້ ຜ-ຟຟລ ໄດ້ເອົາໃຈໃສ່ ວຽກງານພັດທະນາຊຸມຊົນໃນ ເຂດໂຄງການຄື ປີ 2012 ຜ່ານ ມາໄດ້ສົມທົບທຶນກັບເຂື່ອນນ້ຳ ງື່ມ 2 ຈຳກັດ ຊື້ເຄື່ອງໂທລະໂຄ່ງ ຈຳນວນ 13 ຊຸດ ມອບໃຫ້13 ບ້ານ ທີ່ອາໄສຢູ່ກ້ອງເຂດເຂື່ອນນ້ຳງື່ມ ແຂງວຽງຈັນ ແລະ ກິດຈະກຳ ຊ່ວຍສັງ ຄົມອື່ນໆເຊັ່ນ: ໃນຕົ້ນປີນີ້ ໄດ້ສ້າງຄອງລະບາຍນ້ຳຂ້າງ ທາງ,ປັບປຸງລະບົບນ້ຳລີນ, ສ້າງວິດຖ່າຍໃຫ້ປະຊາຊົນທີ່ອາໄສຢູ່ບໍລິ ເວນເຂື່ອນເຊເສັດ 1-2 ບ້ານຄຽງຕາດສູງ, ເມືອງເລົ່າງາມແຂວງສາລະວັນ.

           ທ່ານ ລັດຖະມົນຕີຊ່ວຍວ່າ ການກະຊວງພະລັງງານ ແລະ ບໍ່ແຮ່ກ່າວວ່າ: ລັດຖະບານໄດ້ຫລິງ ເຫັນຄວາມສຳຄັນ ຂອງການອານຸ ລັກຮັກສາປ່າໄມ້ ແລະ ສິ່ງແວດ ລ້ອມ ໂດຍໄດ້ມີການປຸກລະດົມ ທຸກພາກສ່ວນໃນສັງຄົມໃຫ້ເອົາ ໃຈໃສ່ປູກ ຕົ້ນໄມ້ໃນແຕ່ລະປີ,ເພື່ອ ໃຫ້ປະເທດລາວມີເນື້ອທີ່ປ່າປົກ ຫຸ້ມເພີ່ມຂຶ້ນເຖິງ 65% ໃນປີ 2015 ແລະ 70% ໃນປີ 2020, ແນວໃດ ກໍຕາມການທີ່ຈະເຮັດໃຫ້ເນື້ອທີ່ປ່າໄມ້ກັບມາມີອັດຕາສ່ວນປົກ ຄຸມດ້ວຍຄວາມອຸດົມສົມບູນຄືດັ່ງ ຜ່ານມາ ລັດຖະ ບານຈຶ່ງຖືສຳຄັນການປູກໄມ້ໃຫ້ເປັນປ່າ ແລະ ປົກປັກຮັກສາປ່າໄມ້ໂດຍສະເພາະ ເມື່ອປູກແລ້ວກໍບົວລະບັດເພື່ອໃຫ້ປ່າໄມ້ມີ ຄວາມອຸດົມສົມບູນ, ມີ ແຫລ່ງນ້ຳ ແລະ ເຕັມໄປດ້ວຍຊີ ວະນາໆພັນ.