ມອບ-ຮັບໂຄງການສ້າງສະຫນາມບິນສາກົນຫລວງພະບາງ

      ພິທີມອບ-ຮັບ ໂຄງການກໍ່ ສ້າງສະຫນາມບິນສາກົນຫລວງ ພະບາງຄືນໃຫມ່  ໄດ້ມີຂຶ້ນໃນວັນ ທີ 1 ມິຖຸນານີ້ ຢູ່ສະ ຫນາມບິນດັ່ງ ກ່າວ ລະຫວ່າງທ່ານນາງ ລົວ ຢ້ຽນ  ຜູ້ອຳນວຍການໃຫຍ່ບໍລິ ສັດແຄມຊີຈີນ ແລະ ທ່ານ ຢ່າກົ່ວ  ລໍປາງກາວ  ຫົວ ຫນ້າກົມການ ບິນພົນລະເຮືອນ  ໂດຍການໃຫ້ ກຽດ ເຂົ້ຮ່ວມຂອງທ່ານ ສົມສະ ຫວາດ ເລັ່ງສະຫວັດ ຮອງນາຍົກ ລັດຖະ ມົນຕີ, ທ່ານ ສົມມາດ ພົນ ເສນາ ລັດຖະ ມົນຕີວ່າການກະ ຊວງໂຍ ທາ ແລະ ຂົນສ່ົງ, ທ່ານ ສົມດີ ດວງດີ ລັດຖະມົນຕີວ່າ ການກະຊວງແຜນການ ແລະ ການລົງ ທຶນ, ທ່ານ ຄຳແພງ ໄຊສົມແພງ ເຈົ້າແຂວງຫລວງ ພະບາງ ແລະ ຜູ້ຕາງຫນ້າເອກອັກ ຄະລັດທະທູດ ຈີນປະຈຳລາວ ກໍໄດ້ເຂົ້າຮ່ວມ.

       ໃນພິທີມອບ-ຮັບ ທ່ານ ຢ່າ ກົ່ວ ລໍປາງກາວ  ຫົວຫນ້າກົມການບິນພົນລະເຮືອນກ່າວວ່າ : ໂຄງການກໍ່ສ້າງສະຫນາມ ບິນຫລວງພະບາງ ແມ່ນໂຄງການ ຫນ່ຶງທີ່ນອນຢູ່ໃນແຜນພັດທະນາເສດຖະກິດ-ສັງຄົມແຫ່ງຊາດຕາມນະໂຍບາຍຫັນປະ ເທດບໍ່ມີທາງອອກສູ່ທະເລມາເປັນປະເທດໃຫ້ການບໍລິການທາງຜ່ານ,  ຈຸດປະສົງຂອງໂຄງການນີ້ແມ່ນເພື່ອປັບປຸງຍົກລະ ດັບຄວາມສາມາດຂອງສະຫນາມບິນອັນເປັ ການຕອບສະຫນອງຕາມຄວາມຕ້ອງການຂອງຕະຫລາດການທ່ອງທ່ຽວສ ຳ

ລັບແຂວງຫລວງພະບາງໃນປັດຈຸບັນ ແລະ ຈະເປັນການຊຸກຍູ້ສົ່ງເສີມທາງດ້ານການພັດທະນາເສດຖະກິດສັງຄົມ, ການຄ້າ ແລະ ການທ່ອງ ທ່ຽວຂອງປະເທດລາວໃນອະນາ ຄົດດີຂຶ້ນ.

      ໂຄງການນີ້ ເປັນໂຄງການ ທຳອິດທີ່ລັດຖະບານຈີນໃຫ້ທຶນ ກູ້ຢືມ ໃນອັດຕາດອກເບ້ຍພິເສດ ແກ່ຂະແຫນງການບິນ ພົນລະເຮືອນລາວ ເຊິ່ງມີມູນຄ່າຫລາຍ ກວ່າ 86 ລ້ານໂດລາສະຫະລັດ ແລະ ໄດ້ເລີ່ມລົງມືປະຕິບັດມາແຕ່ ວັນທີ 27 ເມສາ 2010, ໂດຍຕາມ ແຜນການແລ້ວຈະໃຊ້ເວລາ 52 ເດືອນ, ແຕ່ໃນການປະຕິບັດໂຕ ຈິງໃຊ້ເວລາພຽງ 37 ເດືອນກໍສຳ ເລັດ ເຊິ່ງປະກອບມີທາງແລ່ນ ຂຶ້ນ-ລົງ ເທດ້ວຍເບຕົງຍາວ 2,900 ແມັດ ກວ້າງ 45 ແມັດ, ທາງກິ້ງ 2 ເສັ້ນຂະຫນານກັນ ແລະ ລານຈອດເຮືອບິນໃຫມ່ ທີ່ ສາມາດຈອດເຮືອບິນຂະຫນາດ B737/A320 ໄດ້ ແລະ ATR72/ MA60 ໄດ້ 3 ລຳພ້ອມ ກັນ, ອາ ຄານຜູ້ໂດຍສານຫລັງໃຫມ່ເນື້ອທີ່ 9,800 ຕາແມັດ ແລະ ຫ້ອງການ ຄຸ້ມຄອງເຕັກນິກຈຳນວນຫນຶ່ງພ້ອມລະບົບໄຟ ຟ້າສະຫນາມບິນ ໃຫມ່ ແລະ ສິ່ງອຳນວຍຄວາມ ສະດວກອື່ນໆອີກ.