ໃນວັນທີ 10 ພຶດສະພາ 2013 ເຈົ້າໜ້າທີ່ຕຳຫລວດ
ແຂວງອຸດົມໄຊ ສປປ ລາວ ໄດ້ກັກຕົວຄົນເກົາຫລີ ຈຳ ນວນ 11 ຄົນ ແລະ ໄດ້ສົ່ງພວກກ່ຽວ ມານະຄອນຫລວງວຽງຈັນ
ເພື່ອສືບ ສວນ-ສອບສວນ. ຜ່ານການສືບສວນ ຮູ້ໄດ້ວ່າ 9 ຄົນ ແມ່ນພົນລະເມືອງ ສປປ ເກົາຫລີ ທີ່ເຂົ້າເມືອງຜິດກົດໝາຍ
ທີ່ມີ ອາຍຸພຽງແຕ່ 14-18 ປີ ແລະ 2 ຄົນ ແມ່ນພົນລະເມືອງ ສ.ເກົາຫລີ ທີ່ກະທຳຜິດໃນຖານຄ້າມະນຸດ.
ໂດຍປະຕິບັດຕາມກົດໝາຍ ຂອງ ສປປ ລາວ, ໂດຍສະເພາະແມ່ນດຳລັດ
ນາຍົກລັດຖະມົນຕີ ເລກທີ 136 ວ່າ ດ້ວຍ ການເຂົ້າ-ອອກເມືອງ ແລະ ຄຸ້ມຄອງຄົນຕ່າງປະເທດ ແລະ
ຜ່ານການປະສານງານລະຫວ່າງ ເຈົ້າໜ້າທີ່ທີ່ກ່ຽວຂ້ອງຂອງ ລາວ ແລະ ສະຖານທູດກ່ຽວຂ້ອງ ຢູ່ນະຄອນຫລວງວຽງຈັນ,
ຝ່າຍລາວ ຈຶ່ງໄດ້ມອບ-ສົ່ງ ຄົນ ສປປ ເກົາຫລີ 9 ຄົນ ໃນວັນທີ 27 /5/2013 ແລະ ອີກ 2 ຄົນທີ່ເປັນພົນລະເມືອງ
ສ.ເກົາຫລີ ໃນວັນທີ 28/5/2013.
No comments:
Post a Comment