ໃນຕອນເຊົ້າວັນທີ 6 ມິຖຸນານີ້, ໄດ້ມີພິທີວາງສີລາເລີກໂຄງການກໍ່ສ້າງອະນຸ ສາວະລີທ່ານ
ສີທົນ ກົມມະດຳ ຢູ່ເມືອງປາກຊ່ອງ ແຂວງຈຳປາສັກ ໂດຍການເຂົ້າຮ່ວມຂອງທ່ານ ບຸນຍັງ
ວໍລະຈິດ ກຳມະການກົມການເມືອງສູນກາງພັກ, ຜູ້ປະຈຳ ການຄະນະເລຂາທິການສູນກາງພັກ,
ຮອງປະທານປະເທດ ແຫ່ງ ສປປ ລາວ, ມີບັນດາເຈົ້າແຂວງ ແລະ ມວນຊົນເຂົ້າຮ່ວມຢ່າງຫລວງຫລາຍ.
ທ່ານ ສົມສະໜິດ ບຸດຕິວົງ ຮອງເລຂາພັກແຂວງ,
ຮອງເຈົ້າແຂວງຈຳປາສັກ ກ່າວວ່າ: ໂຄງການກໍ່ສ້າງດັ່ງກ່າວມີຄວາມໝາຍສຳຄັນທາງປະຫວັດສາດການເມືອງຢ່າງເລິກເຊິ່ງ
ອັນໄດ້ສະແດງເຖິງຄວາມກະຕັນຍູ ແລະ ຮູ້ບຸນຄຸນຂອງພັກ ແລະ ລັດ ຖະບານຕໍ່ຜົນງານຂອງທ່ານ
ສີທົນ ກົມມະດຳ ອະດີດຜູ້ນຳທີ່ແສນເຄົາລົບຮັກ, ທ່ານແມ່ນນັກປະຕິວັດຮຸ່ນທຳອິດທີ່ໄດ້ອອກເຫື່ອເທແຮງ,
ສະຕິປັນຍາ ແລະ ອຸທິດຕົນເອງຕະຫລອດຊີວິດຢ່າງບໍ່ຮູ້ອິດຮູ້ເມື່ອຍໃນພາລະກິດການປະຕິວັດຂອງພັກເຮົາ.
ທ່ານ ສີທົນ ກົມມະດຳ ເກີດເມື່ອວັນທີ
13 ສິງຫາ 1910 ຢູ່ບ້ານທົ່ງຫວາຍ ຕາແສງໜອງເມັກ ເມືອງປາກຊ່ອງ ແຂວງຈຳປາສັກ
ໃນຄອບຄົວເຈົ້າກົກເຈົ້າເຫລົ່າເຜົ່າລະເວນ ເປັນລູກຂອງພະຍາຂອມ ກົມມະດຳ ແລະ
ນາງ ແພງສີ ກົມມະດຳ. ເມື່ອອາ ຍຸໄດ້ 15 ປີ, ທ່ານໄດ້ເຂົ້າເປັນທະ ຫານຂອງພໍ່ພະຍາຂອມ
ເພື່ອລຸກ ຂຶ້ນຕໍ່ສູ້ກັບການກົດຂີ່ຂູດຮີດຂອງຈັກກະພັດຝຣັ່ງ ດ້ວຍຄວາມເດັດດ່ຽວກ້າຫານ.
ຕໍ່ມາໃນປີ 1945 ໄດ້ສະໝັກໃຈເຂົ້າເປັນທະຫານຂອງກອງທັບລາວອິດສະລະ ແລະ ໄດ້ເຂົ້າ
ຮ່ວມຂະບວນການປະຕິວັດລາວນັບແຕ່ນັ້ນເປັນຕົ້ນມາ, ທ່ານແມ່ນນັກຮົບປະຕິວັດທີ່ມີຄວາມສາມາດພິເສດໃນການຕໍ່ສູ້ກັບສັດຕູຜູ້ຮຸກຮານດ້ວຍກຳ
ລັງອາວຸດທີ່ມີພິກໄຫວ ແລະ ສະຫລຽວສະຫລາດຄ່ອງແຄ້ວ, ແຕ່ໃນເວລາ ຫລື ຕົກຢູ່ໃນສະພາບຄັບຂັນ
ທ່ານກໍມີຄວາມເຊື່ອໝັ້ນຕໍ່ການນຳພາຂອງພັກ ແລະ ມີອຸດົມການອັນສູງສົ່ງເດັດຂາດຍອມຕາຍ
ແຕ່ບໍ່ຍອມຈຳນົນຕໍ່ສັດຕູ.
ສຳລັບໂຄງການກໍ່ສ້າງດັ່ງ ກ່າວຕັ້ງຢູ່ໃຈກາງເທສະບານເມືອງປາກຊ່ອງ
ແຂວງຈຳປາສັກ, ມີເນື້ອທີ່ 11,45 ຕາແມັດໂດຍ ແມ່ນບໍລິສັດ KSC ສຳຫລວດອອກແບບ
ແລະ ກໍ່ສ້າງຈຳກັດຜູ້ດຽວ ເປັນຜູ້ສຳປະທານການກໍ່ ສ້າງໃນມູນຄ່າ 17 ຕື້ກວ່າກີບ
ເຊິ່ງປະກອບມີການກໍ່ສ້າງແຖ່ນ ແລະ ຕິດຕັ້ງຮູບຫລໍ່ໝົດຄີງສູງ 4,50 ແມັດ, ກໍ່ສ້າງອາຄານບໍລິ
ຫານ, ສວນສາທາລະນະ, ເດີ່ນຈອດລົດ ແລະ ການກໍ່ສ້າງຈະໃຫ້ສຳເລັດພາຍໃນ 18 ເດືອນ.
No comments:
Post a Comment