ພະແນກສຶກສານະຄອນຫລວງສະເຫລີມສະຫລອງວັນເດັກນ້ອຍ ສາກົນຢ່າງຄຶກຄື້ນ

      ພິທີສະເຫຼີມສະຫຼອງວັນເດັກ ນ້ອຍສາກົນທີ 1 ມິຖຸນາ ໄດ້ຈັດ ຂຶ້ນຢ່າງຄຶກຄື້ນ ໃນຕອນເຊົ້າຂອງວັນ 31 ພຶດສະພາ 2013 ນີ້ ຢູ່ພະ ແນກສຶກສາທິການ ແລະ ກີລາ ນະຄອນຫຼວງວຽງຈັນ ໂດຍໄດ້ ຮັບການສະໜັບສະໜູນຈາກ ບໍລິ ສັດ ຊູຊູກິລາວ ຈຳ ກັດ. ເປັນກຽດ ເຂົ້າຮ່ວມໃນງານດັ່ງກ່າວມີທ່ານ ສຈ.ດຣ ກອງສີ ແສງມະນີ ລັດຖະ ມົນຕີຊ່ວຍວ່າການກະຊວງ ສຶກສາທິການ ແລະ ກີລ, ມີທ່ານ ຊົມພູ ແກ້ວປັນຍາ ຫົວໜາພະແນກສຶກສາທິການ ແລະ ກີລາ ນະຄອນຫຼວງຕະຫຼອດຮອດພະ ນັກງານ ຄູ, ອາຈານ, ພໍ່ແມ່ຜູ້ປົກ ຄອງນັກຮຽນ ແລະນ້ອງໆນັກຮຽນຈາກໂຮງຮຽນຕ່າງໆໃນນະຄອນຫຼວງເຂົ້າຮ່ວມດ້ວຍບັນຍາກາດອັນ ຟົດຟື້ນ.   ໃນງານດັ່ງກ່າວໄດ້ມີຫຼາຍ ກິດຈະກຳທີ່ຈັດຂຶ້ນເພື່ອໃຫ້ແກ່ ນ້ອງໆເຍົາວະຊົນເຊິ່ງເປັນໜໍ່ແໜງອັນລ້ຳຄ່າຂອງຊາດ ເປັນ ຕົ້ນແມ່ນການສະແດງສິລະປະ - ວັນນະຄະດີ (ສະແດງບົດຟ້ອນ, ບົດເພັງ ແລະ ບົດລະຄອນເທິງ ເວທີ), ການແຂ່ງຂັນ ກີລາດຶງ ເຊືອກຂອງນ້ອງໆເຍົາວະຊົນຈາກໂຮງຮຽນຕ່າງໆ ແລະ ມີ ການຈັດບູດວາງສະແດງເຄື່ອງ ຫຼິ້ນປະເພດຕ່າງໆຂອງເດັກ ນ້ອຍ, ພິເສດໃນປີນີ້ ບໍລິສັດ ຊູຊູກິລາວຜູ້ສະໜັບສະໜູນໃນ ການຈັດງານດັ່ງກ່າວໄດ້ມີກິດ ຈະກຳແຂ່ງຂັນແຕ້ມຮູບສຳລັບ

ນ້ອງໆເຍົາວະຊົນເພື່ອສົ່ງເສີມ ທັກສະ ແລະ ພອນສະຫວັນດ້ານສິລະປະການແຕ້ມຮູບ. ທ່ານ ຊົມພູ ແກ້ວປັນຍາ ຫົວ ໜາພະ ແນກສຶກສາທິການ ແລະ ກີລານະຄອນຫຼວງກ່າວວ່າ: ພາຍໃຕ້ການປົກຄອງຂອງສັກດີນາ ແລະ ນາຍທຶນໃນເມື່ອກ່ອນ ເດັກ ນ້ອຍຈາກປະເທດຕ່າງໆໃນໂລກໄດ້ຕົກຢູ່ໃນສະພາບຄວາມ ທຸກຍາກ, ລຳບາກ ແລະ ທໍລະມານຢ່າງໂຫຍດຮ້າຍຍ້ອນການ ກວາດລ້າງເຊື້ອຊາດຜິວພັນ ແລະ ການກໍ່ອາດຊະຍາກຳສົງ ຄາມຕ່າງໆເປັນເຫດເຮັດໃຫ້ເດັກນ້ອຍຫຼາຍພັນ, ຫຼາຍແສນຄົນ ໃນໂລກສູນເສຍໂອກາດໃນການຮຽນຮູ້ ແລະ ພັດທະນາຕົນເອງ ຢ່າງຮອບດ້ານ. ປະເທດລາວກໍເປັນໜຶ່ງໃນບັນດາປະ ເທດ ທີ່ໄດ້ຮັບເຄາະຮ້າຍຢ່າງໂຫດຮ້າຍປ່າເຖືອນຈາກການກະທຳດັ່ງກ່າວ ເພາະສະນັ້ນການສະເຫຼີມສະຫຼອງວັນເດັກນ້ອຍ ສາກົນປີ ນີ້ສຸດທີ່ມີຄວາມໝາຍ ແລະ ສຳຄັນເປັນຢ່າງຍິ່ງສຳລັບເຍົາວະຊົນລາວທີ່ເປັນເດັກໃນວັນນີ້ຈະກາຍເປັນຜູ້ໃຫຍ່ໃນວັນໜ້າທັງ ເປັນມື້ທີ່ຄູ, ອາຈານ, ພໍ່ແມ່ຜູ້ປົກຄອງ ແລະ ສັງຄົມຕ່າງໆຕ້ອງມີສ່ວນຮ່ວມໃນການກໍ່ສ້າງ ແລະ ພັດທະນາອະນາຄົດຂອງລູກ ຫຼານລາວໃຫ້ມີຄວາມຈະເລີນກ້າວໜ້າ ໂດຍສະເພະຢ່າງຍິ່ງແມ່ນການ ໃຫ້ໂອກາດແກ່ເຂົາເຈົ້າໃນການ ຮຽນຮູ້ ແລະ ພັດທະນາ ຕົນເອງຢ່າງຮອບດ້ານເພື່ອໃຫ້ເຂົາເຈົ້າໄດ້ມີໂອກາດໃນການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາ ປະເທດ ຊາດໃນອະນາຄົດອັນແນ່ນອນ. ຫົວໜາພະແນກສຶກສາທິການ ແລະ ກີລາ ນະຄອນຫຼວງ ຍັງກ່າວອີກວ່າ: ໃນສົກ ຮຽນ 2012 - 2013 ນີ້ ທົ່ວນະຄອນຫຼວງວຽງຈັນມີຈຳນວນໂຮງຮຽນທັງໝົດ 881 ແຫ່ງ (ລວມ ທັງພາກລັດ ແລະ ເອກະ ຊົນ) ໃນນັ້ນໂຮງຮຽນລ້ຽງເດັນ, ອະນຸ ບານມີທັງໝົດ 233 ແຫ່ງ, ໂຮງຮຽນປະຖົມມີ 501 ແຫ່ງ, ມັດທະ ຍົມ 147 ແຫ່ງ, ມີຈຳນວນນັກ ຮຽນທັງໝົດ 177.459 ຄົນ, ເປັນ ຍິງ 85.522 ຄົນ. ໃນຈຳນວນນັກຮຽນດັ່ງກ່າວນີ້ທຸກຄົນລ້ວນແລ້ວແຕ່ມີ ບົດບາດສຳຄັນໃນການກຳ

ນົດຊາຕາກຳ ແລະ ອະນາຄົດຂອງຊາດ ເພາະສະນັ້ນການສົ່ງເສີມພັດທະນາຄວາມຮູ້, ຄວາມສາມາດ, ປະກອບອາຊີບ ແລະ ວຽກເຮັດງານທຳທີ່ໝັ້ນຄົງພາຍຫຼັງເຂົາເຈົ້າຮຽນຈົບແມ່ນມີຄວາມສຳຄັນ ແລະ ຈຳເປັນຕໍ່ ອະນາຄົດຂອງຊາດ ແລະ ຂອງ ເຂົາເຈົ້າເພື່ອໃຫ້ເຂົາເຈົ້າໄດ້ອຸທິດຕົນເຂົ້າໃນການພັດທະນາປະເທດຊາດ.