ຊຽງຂວາງ-ແທງຮວ່າ ເພີ່ມທະວີການພົວພັນຮ່ວມມືສອງຝ່າຍ

     ສັນຍາຮ່ວມມືລະຫວ່າງ ແຂວງຊຽງຂວາງ ແລະ ແຂວງ ແທງຮ່ວາ ສສ ຫວຽດ ນາມ ສຳ ລັບສົກປີ 2013-2014 ໄດ້ມີຂຶ້ນໃນ ໄລຍະການຢ້ຽມຢາມລາວຂອງ ຄະ ນະຜູ້ແທນຂັ້ນສູງຂອງແຂວງ ແທງຮ່ວາ ເມື່ອວັນທີ 30 ພຶດສະ ພາຫາ 2 ມິຖຸນານີ້ ເຊິ່ງນຳໂດຍ ທ່ານ ມາຍວັນນິງ ກຳມະການ ສູນກາງພັກ, ເລຂາພັກແຂວງ, ປະທານ ຄະນະກຳມະການປະຊາ ຊົນແຂວງດັ່ງກ່າວ ພາຍຫລັງການພົບປະຂອງຄະນະນຳ ສອງຝ່າຍ.

    ສັນຍາດັ່ງກ່າວໄດ້ເນັ້ນໃສ່ເພີ່ມ ທະວີຮັດແໜ້ນສາຍພົວພັນຮ່ວມມື ສອງຝ່າຍໃຫ້ມີປະສິດທິຜົນສູງຂຶ້ນ ໂດຍສະເພາະຈະ ໄດ້ເລັ່ງໂຄສະນາປຸກລະດົມ ແລະ ສຶກສາອົບ ຮົມກ່ຽວກັບການເສີມຂະຫຍາຍ ມູນເຊື້ອສາມັກຄີແບບພິເສດ ແລະ ການຮ່ວມ ມືຮອບດ້ານລະຫວ່າງ ສອງທ້ອງຖິ່ນ ກໍຄືສອງປະເທດ ລາວ-ຫວຽດນາມ ທີ່ມີມາແຕ່ດົນ ນານແລ້ວນັ້ນ ໃຫ້ນັບມື້ແຕກດອກ ອອກຜົນງອກງາມຍິ່ງໆຂຶ້ນ. ພ້ອມນັ້ນ ສອງຝ່າຍຈະໄດ້ເພີ່ມທະ ວີຊ່ວຍເຫລືອເຊິ່ງກັນ ແລະ ກັນ ໃຫ້ຫລາຍຂຶ້ນໃນການກໍ່

ສ້າງຊັບພະຍາກອນມະນຸດ ແລະ ສ້າງ ເງື່ອນໄຂອຳນວຍຄວາມສະດວກ ໃຫ້ແກ່ນັກທຸລະກິດສອງຝ່າຍໄດ້ ມີໂອກາດເຂົ້າມາລົງ ທຶນ ແລະ ຮ່ວມທຸລະກິດນຳກັນໃຫ້ມີປະສິດ ທິຜົນສູງຂຶ້ນ ແລະ ສະໜັບສະໜູນ ໃຫ້ການຈັດຕັ້ງປະຕິບັດໂຄງການຮ່ວມມື ຕ່າງໆໃຫ້ເປັນຮູບປະທຳ ຫລາຍຂຶ້ນ. ສະເພາະປີ 2013 ແຂວງແທງຮ່ວາໄດ້ຊ່ວຍແຂວງຊຽງຂວາງ 3 ຕື້ດົງຫວຽດນາມເພື່ອ ສ້າງເຮືອນຢູ່ໃຫ້ແກ່ພະນັກ ງານປະຕິວັດອາວຸໂສບຳນານ ແລະ ນັກຮົບວິລະຊົນຈຳນວນ ໜຶ່ງ.

    ຮ່ວມລົງນາມໃນສັນຍາດັ່ງ ກ່າວ ຝ່າຍລາວໂດຍທ່ານ ສົມກົດ ມັງໜໍ່ເມກ ກຳມະການສູນກາງ ພັກ, ເລຂາພັກແຂວງ, ເຈົ້າແຂວງ ຊຽງຂວາງ ແລະ ຝ່າຍແຂວງ ແທງຮ່ວາແມ່ນທ່ານ ມາຍວັນນິງ ເລຂາພັກແຂວງດັ່ງກ່າວ.