ເຝິກອົບຮົມວຽກງານຕ້ານອາດຊະຍາກຳທາງດ້ານເຕັກໂນໂລຊີ

         ພິທີເປີດຊຸດເຝິກອົບຮົມ ວຽກງານຕ້ານອາດຊະຍາກຳ ທາງ ດ້ານເທັກໂນໂລ ຊີ ໄດ້ໄຂຂຶ້ນ ຢ່າງ ເປັນທາງການ ໃນຕອນ ເຊົ້າຂອງວັນທີ 3 ມິຖຸນາ 2013 ທີ່ໂຮງ ແຮມລ້ານຊ້າງ ນະຄອນຫລວງ ວຽງຈັນ ໂດຍການເປັນກຽດ ເຂົ້າ ຮ່ວມ ຂອງທ່ານ ນາງ ລິນດາ ວໍ ທາຍຊົງ ເອກອັກຄະລັດຖະທູດ ວິສາມັນ ຜູ້ມີອຳ ນາດເຕັມຂອງ ອົດ ສະຕຣາລີ ປະຈຳລາວ, ມີ ທ່ານ ພັທ ວິໄລ ວັນ ບຸດດາຄຳ ຫົວຫນ້າກົມຕຳຫລວດ ສາ ກົນ ແລະ ທ່ານ ເຄວ ແມນເຟວ ຜູ້ຕາງ ຫນ້າຕຳຫລວດອົດສະ ຕຣາລີ ປະຈຳ ຮ່າ ໂນ້ຍ ສສ ຫວຽດນາມ   ການເຝິກອົບຮົມຄັ້ງນີ້ ຈະດຳເນີນ ໄປເປັນເວລາ 5 ວັນ ແຕ່ວັນທີ 3 - 7 ມິຖຸນາ 2013.

             ການເຝິກອົບຮົມດັ່ງກ່າວ ແມ່ນການຮ່ວມມືລະຫວ່າງກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ ຂອງ ສປປ ລາວ ແລະ ຕຳຫລວດອົດສະຕຣາລີ ໂດຍພາຍໃຕ້ໂຄງການຊ່ວຍເຫລືອຂອງຕຳຫລວດອົດສະຕຣາລີ ແກ່ຕຳ ຫລວດລາວ ປະຈຳສົກ ປີ 2013 - 2015.

          ຜູ້ເຂົ້າຮ່ວມເຝິກອົບຮົມ ຄັ້ງ ນີ້ມີທັງ ຫມົດ 24 ທ່ານ ທີ່ມາຈາກ ບັນດາກົມກອງອ້ອມຂ້າງກະ ຊວງ ປ້ອງກັນຄວາມ ສະຫງົບ, ນະຄອນຫລວງວຽງຈັນ ແລະ ຈາກບັນດາແຂວງຈຳນວນຫນຶ່ງ ທີ່ເຮັດວຽກງານ ຕ້ານ ແລະ ສະ ກັດກັ້ນ ອາດຊະຍາ ກຳທາງດ້ານ ເທັກໂນ ໂລຊີແລະ ຄູເຝິກຈຳນວນ 3 ທ່ານ ທີ່ເປັນຊ່ຽວຊານຕຳ ຫລວດຈາກອົດສະຕຣາລີ.

          ການຝຶກອົບຮົມກ່ຽວກັບ ການ ຕ້ານອາດຊະຍາກຳທາງ ດ້ານ ເທັກໂນໂລຊີ  ໃນຄັ້ງນີ້ ມີ ຄວາມສຳ ຄັນເປັນຢ່າງຍິ່ງສຳ ລັບເຈົ້າຫນ້າ ທີ່ຕຳຫລວດຂອງ ສປປ ລາວ ເພາະນອກຈາກຈະ ເປັນການ ແລກປ່ຽນບົດຮຽນ ເຊິ່ງກັນ ແລະ ກັນແລ້ວ ຍັງຈະ ໄດ້ຮຽນຮູ້ບົດຮຽນອັນໃຫມ່ຈາກຜູ້ ຊ່ຽວຊານເປັນຕົ້ນສະພາບລວມ ຂອງ ອາດຊະຍາກຳດ້ານເທັກ ໂນໂລຊີ ແລະ ອາດຊະຍາ ກຳທາງດ້ານຄອມພິວເຕີ ທີ່ເກີດຂຶ້ນໃນປັດຈຸບັນ. ສິ່ງທ້າທາຍຕໍ່ກັບ ອົງການບັງຄັບໃຊ້ກົດຫມາຍໂດຍສະເພາະເທັກໂນໂລ ຊີ ດ້ານການສື່ສານ, ການຮັກສາຫລັກຖານຈາກເຄື່ອງມືທາງດ້ານອິເລັກໂທຣນິກ, ເຄື່ອງມືວິເຄາະຫລັກຖານທາງດ້ານອິເລັ ກໂທຣນິກ, ການນຳສະເຫນີຫລັກຖານໃຫ້ແກ່ສານ, ໄອຍະການ ແລະ ບົດຮຽນ ອື່ນໆຈຳນວນຫນຶ່ງ.