ລະວັງປາກົດການປອມແປງເອກະສານເພື່ອສໍ້ໂກງຊັບພົນລະເມືອງ

        ປັດຈຸບັນ ກຳລັງມີປະກົດການປອມແປງ ເອກກະສານຕ່າງໆເພື່ອລັກລອບ ແລະ ສໍ້ໂກງ ເອົາຊັບຂອງພົນລະເມືອງ ແລະ ພວມເປັນບັນ ຫາຫຍໍ້ທໍ້ໜຶ່ງທີ່ພົບເຫັນຫລາຍໃນສັງຄົມອັນ ໄດ້ສ້າງຄວາມສູນເສຍໃຫ້ແກ່ວັດຖຸ ແລະ ຊັບ ສີນເງິນຄຳຂອງພົນ ລະເມືອງ ແລະ ຂອງສ່ວນລວມ ເປັນຈຳນວນບໍ່ໜ້ອຍເຊິ່ງການກະທຳດັ່ງກ່າວມັກມີສ່ວນຮ່ວມຂອງເຈົ້າໜ້າທີ່ຂອງລັດຈຳນວນ ໜຶ່ງ.

           ດັ່ງເຫດການຄະດີໜຶ່ງທີ່ສານປະຊາຊົນຊັ້ນຕົ້ນນະຄອນຫລວງວຽງຈັນຫາກໍໄດ້ຕັດສີນເມື່ອບໍ່ດົນມານີ້ ຄື ສານໄດ້ ຕັດສີນຈຳຄຸກ ຜູ້ຕ້ອງຫາລາຍໜຶ່ງ ເປັນເວລາ 5 ປີ ແລະ ປັບໃໝເງິນ ຈຳ ນວນ 9 ລ້ານກີບໃນຂໍ້ຫາຍັກຍອກຊັບຂອງພົນລະ ເມືອງ, ການໃຫ້ສີນບົນ, ການປອມແປງ ແລະ ນຳໃຊ້ເອກກະສານປອມ ແລະ ຕັດສີນຈຳຄຸກພະນັກງານທີ່ດິນ ເມືອງ ສີສັດຕະ ນາກ ຜູ້ໜຶ່ງເປັນເວ ລາ 2 ປີ ແລະ ປັບໃໝເງິນຈຳນວນ 1 ລ້ານກີບໃນຂໍ້ຫາສວຍໃຊ້ອຳນາດ ແລະ ການຮັບສີນບົນ ແລະ ພ້ອມ ກັບລົງໂທດດັດສ້າງໂດຍບໍ່ຕັດອິດສະຫລະພາບ ແຕ່ ຫັກເອົາເງິນ 5% ຂອງເງິນຄ່າແຮງງານເຂົ້າເປັນລາຍໄດ້ຂອງ ລັດຈາກ ພະນັກງານທີ່ດິນອີກ 4 ຄົນ ແລະ ພະນັກງານລັດ 2  ຄົນ ພາຍໃນກຳນົດໜຶ່ງປີໃນຂໍ້ຫາເລີ່ນເລີ້ຕໍ່ການປະຕິບັດໜ້າທີ່.