ຮອງຫົວໜ້າລັດວິສາຫະກິດໄຟຟ້ານະຄອນຫຼວງວຽງຈັນ
ໃຫ້ຮູ້ວ່າ: ໃນປີຜ່ານມານີ້ ໄຟຟ້ານະຄອນຫຼວງວຽງຈັນ ໄດ້ເອົາໃຈໃສ່ເຄື່ອນໄຫວຕິດຕາມການຊົມໃຊ້ກະແສໄຟຟ້າທີ່ບໍ່ຖືກຕ້ອງ
ແລະ ຜິດກັບລະ ບຽບກົດໝາຍໄຟຟ້າລາວ ແລະ ໄດ້ກວດເຫັນການລັກລອບນຳໃຊ້ກະແສໄຟຟ້າຢູ່ຕາມເຂດຕ່າງໆຫຼາຍກວ່າ
130 ກໍລະນີ ໂດຍທາງໄຟຟ້ານະຄອນຫຼວງ ວຽງຈັນ ໄດ້ເອີ້ນມາຕັກເຕືອນ ແລະ ປັບໃໝຜູ້ກະທຳຜິດ
ເປັນເງີນ 170 ລ້ານກ່ວາກີບ ຂອງຈຳນວນກະແສໄຟຟ້າທີ່ຕົກ ເຮ່ຍທັງໝົດ 231.630
KWh.
ນະຄອນຫຼວງວຽງຈັນ ແມ່ນໃຈກາງທາງດ້ານເສດຖະ
ກິດ - ສັງຄົມ ແລະ ວັດທະນະທຳຂອງຊາດແຕ່ລະປີມີການຊົມໃຊ້ໄຟຟ້າເພີ່ມຂື້ນເປັນຈຳນວນ
ຫຼວງຫຼາຍໂດຍສະເພາະໃນໄລຍະ 5 ປີຜ່ານມາເຫັນວ່າການຊົມໃຊ້ໄຟຟ້າໃນສັງຄົມເພີ່ມຂື້ນປະມານ
10%, ແຕ່ເພື່ອສາມາດຮອງຮັບ ຄວາມຕ້ອງການທີ່ເພີ່ມຂື້ນດັ່ງ ກ່າວ ນະຄອນຫຼວງ ຕ້ອງໄດ້ນຳເຂົ້າກະແສໄຟຟ້າຈາກພາຍນອກຕື່ມອີກຄື:
ໃນປີ 2012 ຢູ່ ນະຄອນ ຫຼວງວຽງຈັນ ຈຳໜ່າຍ ກະແສໄຟຟ້າໄດ້ຫຼາຍກ່ວາ 1 ລ້ານ KWh, ຂະນະ
ນັ້ນກໍມີກະແສໄຟຕົກ ເຮ່ຍຫຼາຍເຖີງ 171,778 KWh ສົ່ງຜົນເຮັດໃຫ້ລັດວິສາຫະກິດໄຟຟ້າ
ນະຄອນຫຼວງວຽງຈັນ ມີໜີ້ຕ້ອງຮັບ 64 ຕື້ກ່ວາກີບ.
ທ່ານ ສຸຄົນ ຈັນທອນ ຮອງຫົວໜ້າລັດວິສາຫະກິດໄຟ
ຟ້າ ນະຄອນຫຼວງວຽງຈັນ ກ່າວວ່າ: ປັດຈຸບັນການຊົມໃຊ້ໄຟຟ້າໃນສັງຄົມເພີ່ມຂື້ນ
ແລະ ຍັງພົບເຫັນວ່າມີການລັກໃຊ້ໄຟຟ້າດ້ວຍການຕໍ່ໄຟ ແລະ ດັດແປງໝໍ້ໄຟ ເພື່ອເຮັດໃຫ້ການເສຍຄ່າຊົມໃຊ້ໄຟຟ້າຖືກລົງ
ເຊິ່ງເຮັດໃຫ້ຜິດຕໍ່ ກົດລະບຽບ, ແນວໃດກໍດີເຫັນວ່າ ຍ້ອນມີການປ່ຽນ, ສ້ອມແປງໝໍ້ໄຟທີ່ເປ່ເພ
ຈຶ່ງເປັນອີກສາເຫດໃຫ້ເກີດມີໄຟຟ້າຕົກເຮ່ຍ ພ້ອມດຽວກັນເຖີງວ່າຈະມີການລົງທວງໜີ້ເປັນປະຈຳຢູ່ແຕ່ລະສາຂາ,
ຍັງເຫັນວ່າ ໜີ້ຄ່າພະລັງ ງານຊົມໃຊ້ຍັງເພີ່ມຂື້ນຕາມສັດ ສ່ວນການຊົມໃຊ້ໃນແຕ່ລະເດືອນ
ເນື່ອງຈາກ ຟຟລ ໄດ້ປັບປຸງຄ່າກະແສໄຟຟ້າໃນໄລຍະຕົ້ນປີ, ການໂອນໜີ້ຄ່າພະລັງງານທາງພາກລັດ
ແລະ ລູກຄ້າບໍ່ທັນເດືອນ ຈຶ່ງເຮັດໃຫ້ມີການສູນເສຍລາຍຮັບເປັນຈຳນວນຫຼາຍ.
No comments:
Post a Comment