ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
(ຖວທ) ຮ່ວມກັບກົມພິທີການທູດກະຊວງການຕ່າງປະເທດໄດ້ຈັດຊຸດເຝິກອົບຮົມຍົກລະດັບກ່ຽວກັບວຽກງານພິທີການໃຫ້ພະນັກງານຫ້ອງການຈາກກົມກອງຕ່າງໆອ້ອມຂ້າງກະ
ຊວງ ຖວທ ຈຳ ນວນ 50 ກວ່າຄົນ ເພື່ອມີຄວາມຮູ້ຢ່າງຖືກຕ້ອງ ແລະ ໄດ້ຮຽນຮູ້ພິທີການຕ່າງໆເຊັ່ນ:ການຕ້ອນ
ຮັບຄະນະຜູ້ແທນຂັ້ນສູງຂອງຕ່າງປະເທດທີ່ມາຢ້ຽມຢາມ ສປປ. ລາວຢ່າງເປັນທາງການ,
ການຈັດໂຕະປະຊຸມ ແລະ ໂຕະງານລ້ຽງ, ມາລະ ຍາດໃນການເຂົ້າຮ່ວມປະຊຸມ ແລະ ງານລ້ຽງ,
ການຕ້ອນຮັບຄະນະຜູ້ແທນຂັ້ນ ສູງຂອງຕ່າງປະເທດໃນພິທີງານລ້ຽງຕ່າງໆ ແລະ ການໃຊ້ອາ
ຫານ, ເຄື່ອງດື່ມໃນງານລ້ຽງ ແລະ ການມອບຂອງຂວັນພ້ອມນີ້ບັນດາຜູ້ເຂົ້າຮ່ວມຍັງໄດ້ພ້ອມກັນສົນທະນາຖາມ-ຕອບຄວາມຂ້ອງໃຈກ່ຽວກັບວຽກງານພິທີການ
ຊຸດສຳມະນາວຽກງານດັ່ງກ່າວໄດ້ຈັດ ຂຶ້ນໃນວັນທີ 5 ມິຖຸນາ 2013 ຢູ່ທີ່ກະຊວງ
ຖວທ ໂດຍການເປັນປະທານຂອງ ທ່ານ ສະຫວັນຄອນ ຣາຊມຸນຕີ ລັດຖະ ມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ, ທ່ານ ປະສິດ ໄຊຍະສິດ ຫົວໜ້າກົມພິທີການທູດ ກະ ຊວງການຕ່າງປະເທດ,
ມີບັນດາຫົວໜ້າກົມ, ຮອງກົມ ແລະ ພະນັກງານວິຊາການຕ່າງໆອ້ອມຂ້າງກະຊວງ ຖວທ ຈຳນວນໜຶ່ງເຂົ້າຮ່ວມ.
ໃນໂອກາດນີ້ ທ່ານ ສະຫວັນ ຄອນ ຣາຊມຸນຕີ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການຈັດຕັ້ງຊຸດສຳມະນາໃນຄັ້ງ
ນີ້ວ່າ ວຽກງານພິທີການແມ່ນວຽກງານໜຶ່ງທີ່ສຳຄັນທີ່ຕິດພັນ ແລະ ເກາະຫ້ອຍກັບວຽກງານທຸກພາກສ່ວນນັບແຕ່ການດຳລົງຊີວິດກໍຄືສ່ວນລວມແມ່ນລ້ວນແລ້ວແຕ່ມີພິທີການທັງໝົດດັ່ງນັ້ນ
ໃນຂະບວນການໂລກາພິວັດເຊື່ອມໂຍງກັບສາກົນຈຶ່ງຮຽກ ຮ້ອງໃຫ້ພວກເຮົາຕ້ອງໄດ້ມີຄວາມຮູ້ພື້ນຖານທາງດ້ານພິທີ
ການຈຳນວນໜຶ່ງເຊັ່ນ:ການຕ້ອນ ຮັບຄະນະຜູ້ແທນແຕ່ລະຂັ້ນຂອງກົມກອງ ຫລື ຂອງກະຊວງ,
ການຈັດກອງປະຊຸມແຕ່ລະຂັ້ນ, ງານລ້ຽງແຕ່ລະຂັ້ນ, ການນຸງຖືໄປງານສຳຄັນຕ່າງໆຂອງຊາດຊຶ່ງລ້ວນແລ້ວແຕ່ພົວພັນທາງດ້ານພິທີການທັງໝົດພ້ອມນີ້ທ່ານລັດ
ຖະມົນຕີຊ່ວຍວ່າການກະຊວງ ຖວທ ໄດ້ຮຽກຮ້ອງໃຫ້ບັນດາຜູ້ເຂົ້າຮ່ວມຈົ່ງໄດ້ພ້ອມກັນເອົາໃຈໃສ່ຄົ້ນຄ້ວາຮ່ຳຮຽນ
ແລະ ແລກ ປ່ຽນບົດຮຽນນຳກັນເພື່ອນຳເອົາບົດຮຽນດັ່ງກ່າວໄປນຳໃຊ້ເຂົ້າໃນວຽກງານຂອງຕົນຮັບຜິດ
ຊອບໃຫ້ເກີດປະສິດທິຜົນຍິ່ງຂຶ້ນ.
No comments:
Post a Comment