“ ວັດຖ້ຳບາຕູ ” ສະຖານທີ່ສັກສິດຂອງຊາວຮິນດູທີ່ໃຫຍ່ທີ່ສຸດໃນມາເລເຊຍ

     “ ວັດຖ້ຳບາຕູ ” ຕັ້ງຢູ່ທາງ ຕອນເຫນືອຂອງນະຄອນຫລວງກົວລາລຳເປີ ໄປປະ ມານ 13 ກິ ໂລແມັດ ຢູ່ໃນລັດ ສະລັງງໍ ເປັນຖ້ຳຫີນ​ປູນທີ່ມີຂະຫນາດໃຫຍ່ຫລາຍ ຖ້ຳເຊື່ອມຕໍ່ກັນຍາວ ເຖິງ 400 ແມັດ ບາງບ່ອນດ້ານ ເທິງເປັນຮູຂະຫນາດໃຫຍ່ມີ ຄວາມສູງ ເຖິງ 100 ແມັດ, ສ້າງ ສຳເລັດເມື່ອປີ ພສ. 2549.

    “ວັດຖ້ຳບາຕູ” ( Batu Cave Temple ) ແມ່ນສະຖານທີ່ປະກອບພິທີທາງ ສາສະຫນາຮິນດູ  ເປັນສູນລວມຊາວຮິນດູ ທີ່ໃຫຍ່ທີ່ສຸດຂອງມາເລເຊຍ, ຈຸດເດັ່ນ ຂອງສະຖານທີ່ແຫ່ງນີ້ຄືຮູບປັ້ນ ຂອງພະຂັນທະກຸມມານ ສີຄຳ ຕັ້ງຢູ່ຫນ້າຖ້ຳມີຄວາມ ສູງ  42 ແມັດ ຖືເປັນພະຂັນທະກຸມ ມານ ທີ່ສູງທີ່ສຸດໃນໂລກ, ພະຂັນທະ ກຸມມານນີ້ ເປັນໂອລົດອົງທີ ສອງ ແຫ່ງ ພະສີວະ ແລະ ພະແມ່ອຸມາ ປາຣະວະຕີເປັນ ນ້ອງພະພິດຄະເນດພະອົງໄດ້ຮັບການແຕ່ງຕັ້ງ ໃຫ້ເປັນແມ່ທັບແຫ່ງກອງທັບສະຫວັນເພື່ອ ປົກປ້ອງສະຫວັນຈາກການຄຸກຄາມ ຂອງເຫລົ່າອາສູນຮ້າຍ ຕາມຄວາມເຊື່ອຂອງຊາວ ຮິນດູ. ຖ້ຳແຫ່ງນີ້ ມີຂັ້ນໄດຂຶ້ນສູ່ຖ້ຳເຖິງ 272 ຂັ້ນ ແບ່ງເປັນ ສອງແຖວ ທາງ ຂຶ້ນ ແລະ ທາງລົງ ກວ້າງຂວາງສະດວກສະບາຍ. ໃນລະຫວ່າງການຂຶ້ນຂັ້ນໄດຈະມີລີງ ຈຳນວນຫລາຍຢູ່ ຕາມຮາວຂັ້ນໄດອອກ

ມາກິນອາຫານຈາກນັກທ່ອງທ່ຽວ ສະນັ້ນ, ເຮົາກໍຕ້ອງໄດ້ລະມັດລະວັງເຄື່ອງຂອງທີ່ ຈະນຳຂຶ້ນໄປຖ້າ​ບໍ່​ກໍອາດຈະເປັນອັນຕະ ລາຍຈາກ ລີງກັດໄດ້. ມີຄວາມເຊື່ອກັນວ່າ ຖ້າໃຜສາມາດຂຶ້ນໄປຮອດຖ້ຳດັ່ງກ່າວໄດ້ ຈະຖືວ່າມີບຸນມີວາດສະຫນາ ​ແລະ ຜ່ານ​ມາ​ມັກ​ຈະ ເຫັນຄູ່ບ່າວສາວທີ່ກຽມຈະແຕ່ງດອງຄວງຄູ່ກັນມາເຮັດພິທີຂໍພອນສິ່ງ​ສັກສິດເຊັ່ນດຽວກັບໃນຖ້ຳແຫ່ງນີ້ ຈະເຕັມໄປ ດ້ວຍຮ້ານ ຄ້າຂາຍເຄື່ອງສັກກາລະບູຊາ ຕ່າງໆໄວ້ຄອຍບໍລິການໃຫ້ນັກທ່ອງ ທ່ຽວ ແລະ ຜູ້ມີຈິດສັດທາມາກາບໄຫວ້ຮູບປັ້ນ ເທບຕ່າງໆຢູ່ໃນຖ້ຳດັ່ງກ່າວ.

      ທີ່ເດັ່ນໄປກວ່ານັ້ນ ໃນເດືອນ ມັງກອນ ຫລື ກຸມພາທຸກໆປີຖ້ຳ ແຫ່ງນີ້ຈະມີພິທີກຳສຳຄັນທາງສາສະຫນາຮິນດູທີ່ມີຊື່ ສຽງຫຼາຍຄືເທສະການໄທປູຊາມ    ( Thai pusam ) ເຊິ່ງຈະຈັດຍິ່ງໃຫຍ່ຫລາຍມື້ເປັນພິທີກຳແປກໆທີ່ທ້າທາຍຄວາມເຊື່ອ ໄລຍະນີ້ ກໍຢ່າຫວັງວ່າຈະໄດ້ເຂົ້າໄປງ່າຍໆ ເພາະຈະມີຊາວຮິນດູ ແລະ ນັກທ່ອງທ່ຽວ ແອອັດເຕັມຂັ້ນໄດ, ເຕັມຖ້ຳ ແລະ ເຕັມ ລານລົ້ນໄປ ເຖິງຖະຫນົນດ້ານນອກ.

       ຫລັງອິດເມື່ອຍຈາກການທ່ຽວຊົມດັ່ງກ່າວ, ດ້ານລຸ່ມ ຂອງຖ້ຳຍັງມີແຫລ່ງນ້ຳຕົກ ແລະ ນ້ຳພຸທີ່ໄຫລມາຈາກຖ້ຳພ້ອມທັງ ລະອອງນ້ຳ​​ເຢັນໆ​ທົ່ວ​ບໍລິ​ເວນເປັນທິວທັດທີ່ງົດງາມເຫມາະຕໍ່ການຖ່າຍຮູບເປັນຢ່າງຍິ່ງ.