ຂໍແຮງໃຈຈາກຜູ້ມີຈິດສັດທາຮ່ວມສົມທົບທຶນສ້າງຕຶກປິ່ນປົວສຸຂະພາບຕາຢູ່ທົ່ງປົ່ງ

       ໃນວັນທີ 1 ມິຖຸນາທີ່ຜ່ານມາ ກະຊວງສາທາລະນະສຸກສົມທົບກັບສູນປິ່ນປົວ ແລະ ຮັກສາສຸຂະພາບຕາທົ່ງປົ່ງພ້ອມ ດ້ວຍ ປະທານສະມາຄົມຊາວຄ້າຂາຍ ອັນຍະ ມະນີນະຄອນຫຼວງວຽງຈັນໄດ້ຈັດຖະແຫຼງຂ່າວເພື່ອປຸກລະດົມສັງຄົມຜູ້ມີຈິດ ສັດທາ ເຂົ້າຮ່ວມສົມທົບທຶນຮອນສືບຕໍ່ການກໍ່ສ້າງຕຶກປິ່ນປົວຕາສຳລັບພະສົງ ແລະ ຜູ້ທ່ີ ທຸກຍາກທີ່ໄດ້ກໍ່ສ້າງ ແລະ ສຳເລັດ ພຽງ 60 % ຍ້ອນຍັງຂາດເຂີນທຶນຮອນດັ່ງນັ້ນ, ທາງເຈົ້າຂອງໂຄງການຈ່ຶງມີຄວາມຈຳເປັນຮ້ອງຂໍມາຍັງອົງການຈັດຕັ້ງທັງພາກລັດ ແລະ ເອກະຊົນ, ຫົວໜ່ວຍທຸລະກິດຕະຫຼອດເຖິງຊາວຄ້າຂາຍ ແລະ ປະຊາຊົນຜູ້ມີຈິດສັດທາຮ່ວມສົບທົບທືນເພື່ອສືບຕໍ່ ກໍ່ສ້າງອາຄານດັ່ງ ກ່າວໃຫ້ສຳເລັດຕາມກຳນົດທີ່ວາງໄວ້.

         ໃນການຖະແຫຼງຂ່າວຄັ້ງນີ້

ທ່ານ ດຣ ຄຳພົ້ວ ສຸດທິສົມບັດ ຫົວໜ້າສູນປິ່ນປົວ ແລະ ຮັກສາ ສຸຂະພາບຕາທົ່ງປົ່ງ ແລະ ທ່ານ ພູວົງ ພະມີສິດ ປະທານສະ ມາ ຄົມຊາວຄ້າຂາຍອັນຍະມະນີນະ ຄອນຫຼວງວຽງຈັນໃນນາມຜູ້ປະກອບທຶນຫຼັກຂອງໂຄງການກໍ່ສ້າງໄດ້ຊີ້ໃຫ້ເຫັນເຖິງສະ ພາບຄວາມເປັນຈິງ ແລະ ຄວາມຈຳ ເປັນຂອງການກ່ໍສ້າງຕຶກປິ່ນປົວສຸຂະພາບຕາສະເພາະຂອງພະສົງ ແລະ ຜູ້ທີ່ທຸກຍາກຢູ່

ທີ່ສູນປິ່ນປົວດັ່ງກ່າວເນື່ອງຈາກປັດຈຸບັນຈຳນວນຄົນເຈັບທີ່ເຂົ້າມາປິ່ນປົວນັບມື້ເພີ່ມຂຶ້ນ  ໂດຍສະເພາະປະ ຊາຊົນຜູູ້ທີ່ທຸກ ຍາກ ແລະ ພະສົງ ດັ່ງນັ້ນ, ເພື່ອໃຫ້ຕຶກບໍລິການປິ່ນປົວພຽງພໍ ແລະ ບໍ່ສັບສົນປົນເປ, ໂດຍສະເພາະແມ່ນການແຍກຕຶກ ປິ່ນ ປົວພະສົງບໍ່ໃຫ້ປົນກັບຄາລະວາດທົ່ວໄປ, ທາງສູນປິ່ນປົວສຸຂະພາບຕາຂອງກະຊວງສາທາລະນະສຸກໄດ້ສົມທົບກັບຜູ້ໃຫ້ ທຶນຫຼັກໄດ້ຮ່ວມກັນລະດົມທຶນຮອນຈາກພາກສ່ວນຕ່າງໆ, ຜູ້ທີ່ມີຈິດສັດທາເພື່ອດຳເນີນການກໍ່ສ້າງໃຫ້ມີຄວາມຄືບໜ້າ ແລະ ສຳເລັດຜົນໄວຂຶ້ນ ແລະ ມາຮອດປັດຈຸບັນມີຜູ້ຮ່ວມບໍລິຈາກ ແລ້ວ 10 ກວ່າລ້ານກີບ.