ດ່ານສາກົນວັງເຕົ່າເປັນແຫລ່ງລາຍຮັບຫລາຍຂອງທ້ອງຖິ່ນ

     ດ່ານສາກົນວັງເຕົ່າເປັນດ່ານ ຊາຍແດນທາງບົກທີ່ຕິດຈອດກັບ ດ່ານຖາວັນຊ່ອງ ເມັກ ອຸບົນລາດ ຊະທານີ (ປະເທດໄທ) ແລະ ເປັນ ເສັ້ນທາງຄົມມະນາຄົມເຊື່ອມ ຕໍ່ຫາກັນຢ່າງສະດວກສະບາຍ ນັບ ທັງການແລກປ່ຽນສິນຄ້າ ແລະ ຊື້-ຂາຍຮ່ວມ ກັນລະຫວ່າງປະຊາ ຊົນສອງປະເທດ, ແຕ່ຄຽງຄູ່ກັນນັ້ນກໍມີປາກົດການຫຍໍ້ທໍ້ ເກີດຂຶ້ນ ຫລາຍຢ່າງເຊັ່ນ: ການລັກລອບ ນຳເຂົ້າ ສິນຄ້າໜີພາສີ ແລະ ການຄ້າຂາຍ ທີ່ຜິດກົດໝາຍອື່ນໆ ລວມທັງການຄ້າຂາຍແຮງງານຂ້າມຊາດໂດຍສະເພາະເດັກ ນ້ອຍທີ່ຍັງບໍ່ເຕັມອາຍຸກະສຽນ, ແຕ່ຜ່ານມາ ໂດຍການຊີ້ນຳ-ນຳ ພາຢ່າງໃກ້ຊິດຂອງອົງຄະນະພັກແຂວງ ຈຶ່ງສາມາດແກ້ໄຂທຸກ ປາກົດການຫຍໍ້ທໍ້ທີ່ເກີດຂຶ້ນຊ່ວຍໃຫ້ດ່ານຜ່ານແດນແຫ່ງນີ້ມີຄວາມສະຫງົບປົກກະຕິດີຕະຫລອດມາ.

     ຮອງຫົວໜ້າດ່ານ ຍັງຊີ້ໃຫ້ ເຫັນວ່າ: ດ່ານສາກົນວັງເຕົ່າປັດ ຈຸບັນມີ 4 ພາກສ່ວນໃຫຍ່ ຄືຫ້ອງ ການຄຸ້ມຄອງດ່ານສາກົນ ວັງເຕົ່າ, ໜ່ວຍງານຕໍມໍ ແລະ VISA, ໜ່ວຍງານພາສີ ແລະ ໜ່ວຍງານ ກັກກັ້ນພືດ ແລະ ສັດ ມີພະນັກ ງານທັງໝົດ 86 ຄົນ ເຊິ່ງໃນ 6 ເດືອນຕົ້ນປີຜ່ານມານີ້, ດ່ານດັ່ງ ກ່າວສາມາດປະຕິບັດການເກັບ ລາຍຮັບພາສີ-ອາກອນໄດ້ຫລາຍ ກວ່າ 161 ຕື້ກີບ, ໃນນັ້ນ ຄ່າພາສີ 40 ຕື້ກວ່າກີບ, ຄ່າຊັກພິເສດ 1 ຕື້ ກວ່າກີບ, ຄ່າພາສີນຳເຂົ້ານ້ຳມັນ ເຊື້ອໄຟ 85 ຕື້ກວ່າກີບ. ນອກນັ້ນ ແມ່ນ

ລາຍຮັບອື່ນໆ ທຽບໃສ່ແຜນ ການໄດ້ 89,71%, ດ່ານສາກົນວັງເຕົ່າມີດ່ານປະເພນີ ທີ່ຂຶ້ນກັບອີກ 2 ດ່ານ ຄືດ່ານຊ່ອງຕະອຸ ເມືອງສຸຂຸ ມາ ແລະ ດ່ານປາກຕະພານ ເມືອງນະຄອນເພັງ ແຂວງສາລະວັນ ເຊິ່ງທັງ ໝົດແມ່ນນອນຢູ່ໃນຄວາມຮັບຜິດຊອບ ຂອງພາສີເຂດ IV ພາກໃຕ້. ສຳລັບການສົ່ງ ອອກສິນຄ້າຕາມສັນຍາ Contract Farming ບັນລຸໄດ້ທັງໝົດ 34.400 ກວ່າໂຕນ ເປັນເງິນ 34 ລ້ານກວ່າໂດລາສະຫະລັດ, ໃນ ນັ້ນ ສັນຍາ Contract Farming27 ປະຕິບັດໄດ້ 7,30 ລ້ານໂດລາສະ ຫະລັດ ແລະ ການສົ່ງອອກກາເຟ ບັນລຸໄດ້ຫລາຍກວ່າ 27 ລ້ານໂດ ລາສະ ຫະລັດ ທຽບໃສ່ໄລຍະ ດຽວກັນແມ່ນຫລຸດລົງ 8,50%, ແຕ່ທຽບໃສ່ຈຳນວນເງິນໃນການ ສົ່ງອອກແມ່ນເພີ່ມຂຶ້ນກວ່າຫ້າ ເທົ່າໂຕ, ສ່ວນວຽກງານກັກກັ້ນ ພືດ ແລະ ສັດ ເຊິ່ງໄດ້ຕິດຕາມ ແລະ ກວດກາສິນຄ້ານຳເຂົ້າ ກ່ຽວກັບສັດ ແລະ ເຄື່ອງບໍລິໂພກ ອື່ນໆ ມີມູນຄ່ານຳເຂົ້າທັງໝົດ 3 ລ້ານກວ່າກີບ ໂດຍຄາດຄະເນໃນ 6 ເດືອນທ້າຍປີຈະບັນລຸໄດ້ປະ ມານ 199 ຕື້ກວ່າກີບ.    ຄຽງຄູ່ກັບຈຸດດີດັ່ງກ່າວ ກໍຍັງມີຈຸດອ່ອນ ແລະ ຂໍ້ຄົງຄ້າງທີ່ ຄວນຈະໄດ້ຮັບການແກ້ໄຂເຊັ່ນ: ຍັງມີພະນັກງານວິຊາການ ແລະ ເຈົ້າໜ້າທີ່ຂອງດ່ານຈຳນວນໜຶ່ງຖືເບົາເອົາຜົນປະໂຫຍດສ່ວນຕົວ ຫລາຍກວ່າສ່ວນລວມ, ສອງ ໃຊ້ ໜ້າທີ່ຕຳແໜ່ງ ແລະ ວິ ຊາສະເພາະຊອກສະແຫວງຫາຜົນປະໂຫຍດສ່ວນຕົວ, ບໍ່ເຄັ່ງຄັດຕໍ່ການ ປະຕິບັດລະບຽບຫລັກການ ແລະ ມະຕິຄຳສັ່ງຂັ້ນ ເທິງເທົ່າທີ່ຄວນ ເຮັດໃຫ້ເກີດບັນຫາຫຍໍ້ທໍ້ຕ່າງໆ ໃນຂອບເຂດຮັບຜິດຊອບຂອງຕົນ ເຊິ່ງຜ່ານມາຄະນະພັກ ແລະ ການນຳດ່ານ ໄດ້ເອົາໃຈໃສ່ສຶກ ສາອົບຮົມທິດສະດີການເມືອງ ແນວທາງນະໂຍບາຍຂອງພັກ ແລະ ລັດວາງອອກໃນແຕ່ລະໄລຍະໃຫ້ພະນັກ ງານໄດ້ເຊື່ອມຊຶມ ທຸກມະຕິຄຳສັ່ງຂັ້ນເທິງວາງອອກ ແລະ ຕ້ານທຸກປາກົດການຫຍໍ້ທໍ້ທີ່ ອາດເກີດຂຶ້ນໃຫ້ທັນເວລາ ແລະ ປັບປຸງ ດ່ານໃຫ້ສົມກັບວ່າເປັນດ່ານສາກົນອັນດັບໜຶ່ງຂອງ ແຂວງທີ່ເປັນແຫລ່ງລາຍຮັບໃຫຍ່ ອີກແຫ່ງໜຶ່ງໃນການພັດທະນາ ເສດ ຖະກິດ-ສັງຄົມຂອງທ້ອງຖິ່ນໃຫ້ເຕີບໃຫຍ່ຂະຫຍາຍຕົວ.