ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ
VII ໄດ້ສຳເລັດລົງຢ່າງຈົບງາມ ໃນວັນທີ 26 ກໍລະ ກົດ 2013 ນີ້ ຢູ່ຫໍສະພາແຫ່ງຊາດ
ພາຍຫລັງດຳເນີນມາເປັນເວລາ 15 ວັນ ໂດຍການໃຫ້ກຽດເຂົ້າຮ່ວມຂອງທ່ານ ຈູມມາລີ
ໄຊຍະສອນ ປະທານປະເທດແຫ່ງ ສປປ ລາວ; ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ
ສປປ ລາວ, ມີບັນດາຄະ ນະລັດຖະບານ, ອະດີດການນຳຂັ້ນສູງ, ຜູ້ຕາງໜ້າອົງການຈັດຕັ້ງມະຫາຊົນພ້ອມດ້ວຍສະມາຊິກສະພາແຫ່ງຊາດປະຈຳເຂດເລືອກຕັ້ງຕ່າງໆໃນທົ່ວປະເທດເຂົ້າຮ່ວມ.
ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ
ໄດ້ກ່າວສູນທອນພົດປິດກອງປະຊຸມຢ່າງເປັນທາງການວ່າ: ກອງປະຊຸມຄັ້ງນີ້ ມີຄວາມໝາຍຄວາມສຳຄັນຍິ່ງ
ເຊິ່ງໄດ້ພິຈາລະນາບັນຫາສຳຄັນຕ່າງໆຂອງຊາດ ເຊັ່ນ: ພິຈາລະນາ ແລະ ຮັບຮອງເອົາບົດລາຍງານຂອງລັດຖະບານ
ກ່ຽວກັບການຈັດ ຕັ້ງປະຕິບັດກາງສະໄໝຂອງແຜນພັດທະນາເສດຖະກິດ- ສັງຄົມແຫ່ງຊາດ
5 ປີຄັ້ງທີ VII, ການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມແລະແຜນງົບປະມານ
ແຫ່ງລັດ 6 ເດືອນຕົ້ນສົກປີ 2012-2013, ວຽກງານຈຸດສຸມ 6 ເດືອນທ້າຍສົກປີ
20152-2013 ແລະ ທິດທາງແຜນການສົກປີ
2013-2014; ພິຈາ ລະນາ ແລະ ຮັບຮອງເອົາການເຄື່ອນໄຫວວຽກງານຂອງອົງການກວດສອບແຫ່ງລັດ
ປະຈຳສົກປີ 2012- 2013, ທິດທາງວຽກງານສົກປີ 2013-2014 ແລະ ຜົນການ ກວດສອບ
ສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ
ສົກປີ 2010-2011; ພິຈາລະນາ ແລະ ຮັບຮອງເອົາບົດລາຍງານການເຄື່ອນໄຫວ ປະຈຳສົກປີ
2012-2013 ແລະ ທີດທາງວຽກງານສົກປີ 2013-2014 ຂອງອົງການໄອຍະການປະຊາຊົນສູງສຸດແລະ
ສານປະຊາຊົນສູງສຸດ; ພິຈາລະນາ ແລະ ຮັບຮອງເອົາຜົນ ການເຄື່ອນໄຫວວຽກງານກາງສະໄໝ
ກໍຄື ປະຈຳສົກປີ 2012-2013 ແລະ ທິດທາງວຽກງານຈຸດສຸມແຕ່ນີ້ເຖິງທ້າຍສະໄໝຂອງສະພາແຫ່ງຊາດຊຸດທີ
VII; ພິຈາລະນາ ແລະ ຮັບຮອງເອົາກົດໝາຍ 5 ສະບັບ, ໃນນີ້ກົດ ໝາຍສ້າງໃໝ່ 3 ສະບັບ
ຄື ກົດ ໝາຍວ່າດ້ວຍວິທະ ຍາສາດ ແລະ ເຕັກໂນໂລຊີ, ກົດໝາຍວ່າດ້ວຍສະຫະພັນແມ່ຍິງ
ແລະ ກົດໝາຍວ່າດ້ວຍການປະກັນສັງຄົມ ແລະ ຮັບຮອງເອົາກົດໝາຍປັບປຸງບາງມາດຕາ ຂອງກົດໝາຍທີ່ປະກາດໃຊ້ແລ້ວ
2 ສະບັບ ຄື ກົດໝາຍວ່າດ້ວຍການ ທ່ອງທ່ຽວ ແລະ ກົດ ໝາຍວ່າດ້ວຍອາຫານ. ພ້ອມນີ້
ກອງປະຊຸມຍັງໄດ້ດຳນເນີນການຊັກຖາມຕໍ່ລັດຖະມົນຕີ, ລັດຖະ ມົນຕີຊ່ວຍວ່າການ,
ປະທານອົງ ການກວດສອບແຫ່ງລັດ, ຮອງປະທານສານປະຊາຊົນສູງສຸດ, ຮອງຫົວໜ້າໄອຍະການປະຊາ
ຊົນສູງສຸດ 12 ກະຊວງ ແລະ ອົງ ການທຽບເທົ່າ ໃນຂົງເຂດເສດ ຖະກິດການເງິນ-ເງິນຕາ,
ວັດທະ ນະທຳ-ສັງຄົມ, ຂົງເຂດຕຸລາ ການ ແລະ ຍຸຕິທຳ.ບັນຍາກາດຂອງການຊັກຖາມ
ໄດ້ດຳເນີນໄປບົນຈິດໃຈເສີມສ້າງ,ມີຈຸດສຸມ,ກ້າຮັບຜິດຊອບ ແລະ ສະເໜີວິທີການແກ້ໄຂໃນແຕ່ລະບັນຫາທີ່ສັງຄົມສະເໜີມາ.
ກອງປະຊຸມໄດ້ຮັບຟັງບົດລາຍງານຮ່າງນະໂຍບາຍທີ່ດິນແຫ່ງຊາດ ເຊິ່ງສະເໜີໂດຍລັດຖະ
ມົນຕີຊ່ວຍວ່າການກະຊວງຊັບພະ ຍາກອນທຳມະຊາດ ແລະ ສິ່ງແວດລ້ອມ ແລະ ໄດ້ປະກອບຄຳເຫັນເບື້ອງຕົ້ນໃສ່
9 ແຜນນະໂຍ ບາຍທີ່ດິນຢ່າງກົງໄປກົງມາ. ພ້ອມທັງສະເໜີຫລາຍບັນຫາທີ່ສຳຄັນ
ເພື່ອໃຫ້ກະຊວງກ່ຽວ ຂ້ອງສືບຕໍ່ນຳໄປປັບປຸງ ເປັນຕົ້ນແມ່ນການຮ່າງນະໂຍບາຍດັ່ງ
ກ່າວຕ້ອງສອດຄ່ອງກັບທັດສະ ນະ, ຍຸດທະສາດໃນການພັດທະ ນາເສດຖະກິດ-ສັງຄົມ ໃນໄລຍະໃໝ່ຂອງພັກ-ລັດ,ຮັບປະກັນຄວາມສະຫງົບທາງການເມືອງ,
ສອດຄ່ອງກັບແນວທາງປ່ຽນແປງໃໝ່ ໃນການຂະຫຍາຍເສດຖະກິດຕາມກົນໄກຕະຫລາດທີ່ມີການນຳພາຂອງພັກ,
ການຄຸ້ມຄອງຂອງລັດ, ສົ່ງເສີມການນຳໃຊ້ທີ່ດິນເພື່ອຜະລິດເປັນສິນຄ້າ, ແກ້ໄຂຄວາມທຸກຍາກຂອງປະຊາຊົນ
ກໍຄື ການນຳໃຊ້ທີ່ດິນເປັນພາຫະນະການຜະລິດ ເພື່ອຫັນປະເທດເປັນອຸດສາຫະກຳ
ແລະ ທັນສະໄໝເທື່ອລະກ້າວ.
No comments:
Post a Comment