ພາຍຫລັງກອງປະຊຸມສະໄໝສາມັນເທື່ອທີ
5 ຂອງສະພາແຫ່ງຊາດ ຊຸດທີ VII ໄດ້ດຳເນີນເປັນເວລາ 4 ມື້ນີ້ ເຫັນວ່າ: ສັງຄົມ
ແລະ ປະຊາຊົນໄດ້ໃຫ້ຄວາມສົນໃຈຕິດຕາມ ແລະ ສະເໜີບັນຫາຕ່າງໆຕໍ່ສະພາແຫ່ງຊາດໃນໄລ
ຍະດຳເນີນກອງປະ ຊຸມດັ່ງກ່າວ.
ໜ່ວຍງານຮັບໂທລະສັບສາຍດ່ວນຈາກປະຊາຊົນຂອງສະພາແຫ່ງຊາດ
ໃຫ້ຮູ້ວ່າ:ນັບແຕ່ໄຂກອງປະຊຸມດັ່ງກ່າວມາຮອດປັດຈຸບັນມີປະຊາຊົນໄດ້ໂທລະສັບເຂົ້າມາຫາສະພາ
ແລະ ສະເໜີບັນຫາຕ່າງໆຂອງສັງຄົມເປັນຕົ້ນ ຄວາມບໍ່ຍຸຕິທຳໃນສັງຄົມ, ຄ່າຄອງຊີບແພງ,
ການບໍລິການບໍ່ດີເທົ່າທີ່ຄວນໃນຂະແໜງສາທາລະນະສຸກ, ຂໍ້ຂັດແຍ່ງທີ່ດິນ, ການຂຸດຄົ້ນໄມ້,
ເສັ້ນທາງເປິະເປື້ອນ-ເປ່ເພ, ສະພາບຫລິ້ນກິນຟຸມເຟືອຍຂອງຊາວໜຸ່ມ,ຮ້ານບັນເທີງ-
ຮ້ານອາຫານຈຳນວນໜຶ່ງເປີດບໍ ລິການໃນຍາມກາງເວັນ- ກາງຄືນສ້າງຄວາມລຳຄານລົບກວນສັງຄົມ,
ບັນຫາຢາເສບຕິດ, ນ້ຳປະປາ-ໄຟຟ້າມີລາຄາແພງ, ການສໍ້ລາດບັງຫລວງ, ຄ້າປະເວນີ
ແລະ ປາກົດການຫຍໍ້ທໍ້ອື່ນໆ ເຊິ່ງແຕ່ລະບັນຫາທີ່ສັງຄົມສະເໜີມານັ້ນລ້ວນແຕ່ສະແດງໃຫ້ເຫັນເຖິງຄວາມເປັນເຈົ້າການ,
ເປັນຫ່ວງເປັນໃຍຕໍ່ສະພາບການເຄື່ອນໄຫວຂອງສັງຄົມລວມໄປເຖິງການສ້າງສາພັດທະນາປະເທດຊາດ
ເພື່ອໃຫ້ສະພາແຫ່ງຊາດ ເຊິ່ງແມ່ນອົງການຕົວແທນແຫ່ງສິດຜົນປະໂຫຍດຂອງປະຊາຊົນໄດ້ຊຸກຍູ້ໃຫ້ແຕ່ລະພາກສ່ວນກ່ຽວຂ້ອງໃນແຕ່ລະບັນຫານຳໄປຄົ້ນຄວ້າ,
ຕິດຕາມກວດກາແກ້ໄຂ ເພື່ອໃຫ້ສິ່ງຫຍໍ້ທໍ້ຕ່າງໆຫລຸດໜ້ອຍລົງເທື່ອລະກ້າວ.
No comments:
Post a Comment