ໄຊຍະບູລີຈັບໄດ້ຜູ້ຄ້າຂາຍຢາເສບຕິດ

             ແຫລ່ງຂ່າວຈາກ ປກສ ແຂວງໄຊຍະບູລີ ລາຍງານວ່າ: ປັດຈຸບັນ, ຢາເສບຕິດໄດ້ແຜ່ລະບາດຢ່າງກວ້າງຂວາງ ແລະ ໄວວາຈາກຕົວເມືອງ ສູ່ຊົນນະບົດຈາກເລ່ລ່ຽມກົນອຸບາຍ ແລະ ການເຄື່ອນໄຫວຂອງພວກກຸ່ມຄົນບໍ່ດີສົ່ງຜົນໃຫ້ປະຊາຊົນຜູ້ ຮູ້ເທົ່າບໍ່ເຖິງການຈຳນວນໜຶ່ງຕົກເປັນທາດ ຂອງຢາເສບຕິດ, ເຄື່ອນໄຫວຜິດຕໍ່ລະບຽບກົດໝາຍບ້ານເມືອງ. ແນວໃດກໍດີຍ້ອນ ໄດ້ຮັບຄວາມຮ່ວມໄມ້ຮ່ວມມືຈາກພົນລະ ເມືອງດີທີ່ເຫັນໄດ້ໄພ ອັນຕະລາຍຂອງຢາເສບຕິດຈຶ່ງເຮັດໃຫ້ການເຄື່ອນໄຫວຄ້າຍ ຂາຍສິ່ງຜິດກົດໝາຍຂອງພວກກຸ່ມຄົນບໍ່ດີດັ່ງກ່າວໜີບໍ່ພົ້ນກົດໝາຍ.                 

         ດັ່ງກໍລະນີຄະດີຄ້າຂາຍຢາເສບຕິດລາຍນີ້, ພາຍຫລັງເຈົ້າໜ້າທີ່ໄດ້ຮັບຂໍ້ມູນແຫລ່ງຂ່າວຈາກພົນລະເມືອງດີວ່າ:ມີກຸ່ມ ຄົນບໍ່ດີຈຳນວນໜຶ່ງ ພວມຂົນສົ່ງຄ້າຢາເສບຕິດ ຢູ່ບ້ານນ້ຳທຽວເມືອງ ແລະ ແຂວງໄຊຍະບູລີ. ຈາກນັ້ນ ເວລາ 14ໂມງ 30 ນາທີ ຂອງວັນທີ 16 ມິຖຸນາຜ່ານມາ, ເຈົ້າໜ້າ ທີ່ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ຈຶ່ງໄດ້ຈັດວາງກຳລັງສົມທົບກັບພາກສ່ວນກ່ຽວຂ້ອງເຂົ້າກວດຄົ້ນລົ ດຮຸນໄດໝາຍເລກທະບຽນ ກນ 5100 ກຳແພງນະຄອນເຊິ່ງຂັບ ຂີ່ໂດຍທ້າວ ຊົງໄມ ອາຍຸ 29 ປີ, ປະ ຊາຊົນ ບ້ານພູຂຽວ ເມືອງໄຊແຂວງ ອຸດົມໄຊ ຫລັງສົງໄສວ່າ:ໄດ້ເຄື່ອນຍ້າຍຂົນສົ່ງຢາ ເສບຕິດຢູ່ເຂດບ້ານນ້ຳທຽວເມືອງໄຊຍະບູລີ.

ຜ່ານການກວດຄົ້ນໄດ້ພົບເຫັນຂອງກາງຢາບ້າເຊື່ອງໄວ້ຢູ່ໂກບບັງຕົມຕີນໜ້າລົດ ເບື້ອງຂວາ 5 ມັດ ແລະ 8 ຖົງ ນ້ອຍ ໂດຍມີ 11.595 ເມັດພ້ອມ ທັງເງິນ 2.818.000 ກີບ,ສາຍຄໍສີ ເຫລືອງຄ້າຍຄືຄຳ 1 ເສັ້ນ ແລະ ໂທລະສັບ 3 ໜ່ວຍ.ຈາກນັັ້ນ,ເຈົ້າ ໜ້າທີ່ກໍໄດ້ຮີມໂຮມວັດຖຸຂອງ ກາງທັງ ໝົດພ້ອມທັງກັກທ້າວ ຊົງ ໄມ ອາຍຸ 29 ປີ,ປະຊາຊົນ ບ້ານພູ ຂຽວ, ທ້າວ ໄນຫວາ ອາຍຸ 16 ປີ, ນາງ ປາຫວາ ອາຍຸ 38 ປີ,ປະຊາ ຊົນ ບ້ານມອນໃຕ້ ທັງ 3 ຢູ່ເມືອງ ໄຊ ແຂວງອຸດົມໄຊ, ທ້າວ ຈາໃຫຍ່ ເຮີ ອາຍຸ 59 ປີ ແລະ ທ້າວຈົວ ເຮີ   ອາຍຸ 24 ປີ,ປະຊາຊົນ ບ້ານປາກ ທຽວເມືອງ ແລະ ແຂວງໄຊຍະບູລີ. ຜູ້ຖືກຫາທັງ 5 ຄົນທີ່ເປັນ ເປົ້າ ໝາຍຄ້າ ຂາຍຢາເສບຕິດ ໄດ້ຖືກ ນຳມາດຳເນີນຄະດີຕາມລະບຽບກົດໝາຍເຊິ່ງປັດຈຸບັນຄະ ດີດັ່ງກ່າວຢູ່ລະຫວ່າງການສອບສວນ ຂອງເຈົ້າໜ້າທີ່ ເພື່ອຂະຫຍາຍຜົນ ຕາມຂັ້ນຕອນຂອງກົດໝາຍ.      

      ເຈົ້າໜ້າທີ່ພະແນກຕຳຫລວດ ສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ກ່າວວ່າ: ການສະກັດກັ້ນ ແລະ ມ້າງຄະດີຢາເສບຕິດ ໃນໄລຍະຜ່ານມາເຫັນວ່າພົບຄວາມຫຍຸ້ງຍາກສົມຄວນ ເນື່ອງຈາກວ່າ ຜູ້ກະທຳຜິດມີຍຸດທະວິທີເຄື່ອນ ໄຫວຢູ່ໃນສະພາບແວດລ້ອມທີ່ສະຫລັບ ສັບຊ້ອນ ແລະ ສັບສົນ, ມີເລ່ລ່ຽມກະທຳຜິດຫລາຍແບບທັງມີກຳລັງເສດຖະກິດທີ່ເ ຂັ້ມແຂງ ແລະ ສະຫລາດຄ່ອງໂຕ ໃນການພົວພັນສັງຄົມ. ເຖິງຢ່າງໃດກໍດີ, ເຈົ້າໜ້າທີ່ໄດ້ໃຊ້ທຸກຄວາມພະຍາຍາມຕາມຫລັກ ການວິຊາສະເພາະສົມທົບແໜ້ນກັບທຸກພາກສ່ວນໃນສັງຄົມໂດຍ ໄດ້ຮັບ ຄວາມຮ່ວມໄມ້ຮ່ວມມືຈາກພໍ່ແມ່ປະຊາຊົນຊັ້ນຄົນ ຕ່າງໆຈຶ່ງສາມາດຈຳກັດ ແລະ ແກ້ໄຂບັນຫາການແຜ່ລະບາດຂອງຢາເສບຕິດ, ນຳຜູ້ກະທຳຜິດມາດຳເນີນຄະດີຕາມລະບຽບ ກົດໝາຍເຮັດໃຫ້ສັງຄົມເຮົາຫລຸດພົ້ນອອກຈາກໄພຄຸກຄາມຂອງຢາເສບຕິດເທື່ອລະກ້າວ.