ທ່ານ ຫວງນ ວັນ ຟຸກ ຮອງກຳມາທິການເສດຖະກິດສະພາແຫ່ງຊາດ
ສສ ຫວຽດນາມ ໄດ້ຕີລາຄາສູງຕໍ່ຜົນສຳເລັດການຈັດ ຕັ້ງປະຕິບັດການພັດທະນາເສດ ຖະກິດ-ສັງຄົມຂອງລາວໃນໄລ
ຍະຜ່ານມາ ເຊິ່ງເຫັນວ່າຍອດຜະລິດຕະພັນພາຍໃນ (GDP) ໄດ້ຂະຫຍາຍຕົວຕໍ່ເນື່ອງ
ສະເລ່ຍ 8% ຕໍ່ປີ, ຂະແໜງກະສິກຳ, ອຸດສາ ຫະກຳ ແລະ ບໍລິການໄດ້ຂະ ຫຍາຍຕົວໄປຕາມທິດທີ່ຕັ້ງໄວ້.
ການລົງທຶນມີໂຕເລກເພີ່ມຂຶ້ນ ຕາມລຳດັບ ແລະ ອັດຕາຄວາມ ທຸກຍາກຂອງປະຊາຊົນບັນດາເຜົ່າໄດ້ຫລຸດລົງຢ່າງເດັ່ນຊັດ,
ພ້ອມທັງຢືນຢັນເຖິງການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ,
ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາ
ຊົນສອງຊາດເວົ້າລວມ, ເວົ້າສະເພາະສອງສະພາແຫ່ງຊາດ ລາວ-ຫວຽດນາມ ກໍຄືສອງກຳມາທິການໃຫ້ນັບມື້ເກີດດອກອອກຜົນຍິ່ງໆຂຶ້ນ.
ການຕີລາຄາສູງດັ່ງກ່າວມີຂຶ້ນໃນການພົບປະສອງຝ່າຍລະ
ຫວ່າງທ່ານນາງ ດຣ. ບົວຄຳ ທິບພະວົງ ຮອງປະທານກຳມາທິ ການເສດຖະກິດແຜນການ ແລະ
ການເງິນຂອງສະພາແຫ່ງຊາດລາວ ແລະ ທ່ານ ຫວງນ ວັນ ຟຸກ ຮອງປະທານກຳມາທິການເສດ
ຖະກິດສະພາແຫ່ງຊາດ ສສ ຫວຽດນາມ ໃນວັນທີ 22 ກໍລະ ກົດນີ້ ຢູ່ຫ້ອງປະຊຸມນ້ອຍສະພາແຫ່ງຊາດລາວ.
No comments:
Post a Comment