laophatthananewspaper: ລັດຖະບານແຈ້ງການໃຫ້ເພີ່ມທະວີຕ້ານການລະບາດຂອງພະຍາດໄຂ້ເລືອດອອກ

ຕາມການຊີ້ນຳຂອງນາ ຍົກລັດຖະມົນຕີແຫ່ງ ສປປ ລາວ ກ່ຽວກັບການເອົາໃຈໃສ່ເພີ່ມທະວີຕ້ານການລະບາດຂອງພະຍາດໄຂ້ເລືອດອອກ ຫລື ໄຂ້ຍຸງລາຍໃນຂອບເຂດທົ່ວປະເທດໃຫ້ຊາບດັ່ງນີ້: ໜຶ່ງໃຫ້ເຈົ້າຄອງນະຄອນຫລວງວຽງຈັນ ແລະ ບັນດາເຈົ້າແຂວງໃນຂອບເຂດທົ່ວປະເທດ ເອົາໃຈໃສ່ຊີ້ນຳ-ນຳພາພະແນກ ການຕ່າງໆຂອງຕົນ ກໍຄືອຳນາດການປົກຄອງເມືອງ, ບ້ານ ແລະ ທຸກຫລັງຄາເຮືອນໃນການໂຕ້ຕອບຕໍ່ການລະບາດຂອງໄຂ້ຍຸງລາຍ ໂດຍສະເພາະໃຫ້ເອົາໃຈໃສ່ປະຕິບັດມາດຕະ ການ 5ປ ຄື ປ. ປິດພາຊະນະທີ່ເກັບນ້ຳໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງລາຍມາໄຂ່ໃສ່, ປ.ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖານຮອງຈານນ້ຳ, ປ.ປ່ອຍປາຫາງນົກຍຸງເພື່ອກິນໜອນນ້ຳ, ປ.ປັບປຸງອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະ, ກະປ໋ອງ, ຢາງຕີນລົດເກົ່າທີ່ມີນ້ຳຂັງ, ປ.ປະຕິບັດໃຫ້ເປັນນິໄສປະຈຳທຸກໆອາທິດ ຖ້າເປັນໄຂໃຫ້ໄປພົບແພດໝໍດ່ວນ. ສອງ ປຸກລະດົມທົ່ວສັງຄົມໃຫ້ສຸມໃສ່ຍຸດທະສາດທຳລາຍແຫລ່ງເພາະພັນຂອງຍຸງລາຍຢູ່ແຕ່

ລະຄອບ ຄົວ,ຄຸ້ມບ້ານຕ່າງໆໂດຍການຈັດ ຕັ້ງຄະນະຮັບຜິດຊອບຂັ້ນບ້ານ, ສົມທົບກັບອາສາສະໝັກຂັ້ນ ບ້ານ, ຫົວໜ້າໜ່ວຍ, ພ້ອມທັງນັກສຶກສາແພດລົງກວດກາ ແລະ ທຳລາຍແຫລ່ງເພາະພັນຂອງໜອນນ້ຳຍຸງລາຍໃນແຕ່ລະຄອບ ຄົວເປັນປະຈຳແຕ່ລະອາທິດ. ສາມໃຫ້ກະຊວງສາທາລະນະສຸກສືບຕໍ່ສ້າງຄວາມເຂັ້ມແຂງດ້ານການຄຸ້ມຄອງກໍລະ ນີຄົນເຈັບໃຫ້ບັນດາແຂວງທີ່ມີການລະບາດໜັກ ໂດຍເລັ່ງໃສ່ການເຝິກອົບຮົມໃຫ້ແພດໝໍຢູ່ຂັ້ນແຂວງ, ເມືອງ ແລະ ສຸກສາລາ; ເອົາໃຈໃສ່ສ້າງຄວາມເຂັ້ມແຂງດ້ານການປ້ອງກັນ ແລະ ບົ່ງມະຕິພະຍາດໃຫ້ແກ່ແພດ, ໝໍ, ພະຍາ ບານຢູ່ບັນດາແຂວງທີ່ຍັງບໍ່ທັນມີການລະບາດ. ສີ່ ໃຫ້ກະຊວງສາ ທາລະນະສຸກສົມທົບກັບກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກໍຄືພະແນກ ການຢູ່ຂັ້ນແຂວງໂຄສະນາເຜີຍແຜ່ວິທີປ້ອງກັນການລະບາດຂອງໄຂ້ຍຸງລາຍທາງໂທລະພາບ ແລະ ວິທະຍຸກະຈາຍສຽງ ເພື່ອເຮັດໃຫ້ທຸກພາກ ສ່ວນຂອງສັງຄົມເຂົ້າໃຈເຖິງຄວາມອັນຕະລາຍຂອງໄຂ້ຍຸງລາຍ ແລະ ປະກອບສ່ວນເຂົ້າໃນການທຳລາຍແຫລ່ງເພາະພັນຂອງຍຸງລາຍທີ່ອຳນາດການປົກຄອງບ້ານຈັດຂຶ້ນໃນແຕ່ລະອາທິດ ແລະ ຫ້າໃຫ້ກະຊວງສຶກສາທິການ ແລະ ກິລາເອົາໃຈໃສ່ມະຫາ ວິທະຍາໄລ, ໂຮງຮຽນມັດທະຍົມຕົ້ນ ແລະ ປາຍ, ໂຮງ ຮຽນອະນຸບານ, ໂຮງຮຽນລ້ຽງເດັກຂອງລັດ ແລະ ໂຮງຮຽນເອ ກະຊົນໃຫ້ມີຄວາມສະອາດ, ປັດສະຈາກແຫລ່ງເພາະພັນຂອງຍຸງລາຍ.