ພິທີເປີດນຳໃຊ້ສຳນັກງານໃໝ່ຂອງສະຖານທູດລາວຢູ່ຮ່າໂນ້ຍ
ສສ ຫວຽດນາມ ໄດ້ມີຂຶ້ນໃນເຊົ້າວັນທີ 18 ກໍລະ ກົດນີ້ ຢູ່ເຮືອນເລກທີ 40 ຖະໜົນກວາງຈຸງ
(ເມືອງກວາງຈຸງ) ນະຄອນ ຫລວງຮ່າໂນ້ຍ ໂດຍການໃຫ້ກຽດເຂົ້າຮ່ວມຂອງທ່ານ ດຣ. ທອງລຸນ
ສີສຸລິດ ຮອງນາຍົກລັດຖະມົນຕີ, ລັດຖະ ມົນຕີວ່າການກະ ຊວງການຕ່າງປະເທດ ແລະ ທ່ານ
ຟາມບິງມິງ ລັດຖະມົນຕີວ່າ ການກະຊວງການຕ່າງປະເທດຫວຽດນາມ ພ້ອມດ້ວຍພະນັກ ງານຂັ້ນສູງຂອງສອງປະເທດ.
ໃນພິທີ,ອຳນວຍການບໍລິສັດຈິດຈະເລີນຈຳກັດ
ຜູ້ຮັບເໝົາກໍ່ ສ້າງໂຄງການດັ່ງກ່າວລາຍງານວ່າ: ສຳນັກງານສະ ຖານທູດລາວໄດ້ສ້າງຂຶ້ນໃນເນື້ອທີ່ດິນກວ້າງຫລາຍກວ່າ
1.800 ຕາແມັດ ໃນເມືອງກວາງຈຸງເຂດໃຈກາງນະຄອນຫລວງຮ່າໂນ້ຍ ລວມມີອາຄານສຳນັກງານສະຖານທູດສູງ
5 ຊັ້ນ ແລະເຮືອນພັກພະນັກ ງານສະຖານທູດສູງ 7 ຊັ້ນ ພ້ອມຊັ້ນໃຕ້ດິນ ໄດ້ສຳເລັດການກໍ່ສ້າງຮຽບຮ້ອຍແລ້ວ,ສ່ວນເຮືອນພັກ
ຂອງທູດເຊິ່ງຈະສ້າງຢູ່ເຮືອນເລກ ທີ 22 ຖະໜົນເຈິນບິງຈ໋ອງ ເມືອງເຈິນບິງຈ໋ອງ
ນະຄອນຫລວງຮ່າໂນ້ຍ ນັ້ນພວມຢູ່ໃນໄລຍະຂັ້ນ ຕອນກະກຽມ.
ທ່ານ ສົມພອນ ສີຈະເລີນ ເອກອັກຄະລັດຖະທູດລາວປະຈຳ
ສສ ຫວຽດນາມ ໄດ້ມີຄຳເຫັນໃນພິທີ ເພື່ອສະແດງຄວາມຂອບອົກຂອບໃຈ ແລະ ຮູ້ບຸນຄຸນຢ່າງລົ້ນເຫລືອຕໍ່ພັກ,ລັດຖະບານ
ກໍຄືກະຊວງການຕ່າງປະເທດ ສປປ ລາວ ເຊິ່ງຍາມໃດກໍໃຫ້ຄວາມເອົາໃຈໃສ່ຊີ້ນຳການຈັດຕັ້ງປະຕິບັດໂຄງ
ການສຳຄັນດັ່ງກ່າວຢ່າງໃກ້ຊິດ ຕິດແທດ ເຊິ່ງມັນເປັນອີກໂຄງ ການໜຶ່ງທີ່ຊໍ່ສະແດງໃຫ້ເຫັນເຖິງຄວາມໝາຍ
ແລະ ຄວາມສຳຄັນຂອງສາຍພົວພັນ
ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ
ການຮ່ວມມືຮອບດ້ານລະ ຫວ່າງສອງພັກ, ສອງລັດ ແລະ ປະຊາຊົນສອງປະເທດ ລາວ- ຫວຽດນາມເຊິ່ງປະທານ
ໂຮ່ຈີ ມິງ,ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ແສນເຄົາລົບຮັກເປັນຜູ້ກໍ່ຕັ້ງ
ແລະ ເພີ່ມພູນຄູນສ້າງກໍຄືອະດີດການນຳຜູ້ອື່ນໆ ແລະ ປະຊາຊົນສອງຊາດ ລາວ-ຫວຽດນາມ
ໄດ້ຖະນຸຖະ ໜອມປົກປັກຮັກສາໃຫ້ນັບມື້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ
ແລະ ພ້ອມນັ້ນ,ທູດລາວ ກໍໄດ້ສະແດງຄວາມຂອບອົກຂອບໃຈມາຍັງພັກ-ລັດຖະບານຫວຽດນາມທີ່ໄດ້ສ້າງເງື່ອນໄຂ
ແລະ ອຳນວຍຄວາມສະດວກທຸກປະການ ເຮັດໃຫ້ການກໍ່ສ້າງໂຄງການສຳຄັນນີ້ປະສົບຜົນສຳເລັດ
ແລະ ສະແດງຄວາມຍ້ອງຍໍຊົມເຊີຍຕໍ່ບໍລິ ສັດຜູ້ຮັບເໝົາໄດ້ເຮັດສຳເລັດໜ້າທີ່ຂອງຕົນທ່ວງທັນຕາມກຳນົດເວລາ
ແລະ ຈະນຳໃຊ້ສຳນັກງານໃໝ່ດັ່ງກ່າວໃຫ້ມີປະໂຫຍດສູງສຸດ ເພື່ອປະກອບສ່ວນເຂົ້າໃນການເພີ່ມທະວີເສີມຂະຫຍາຍສາຍພົວ
ພັນຮ່ວມມືສອງປະເທດທີ່ມີມູນເຊື້ອອັນດີງາມມາແຕ່ດົນນານແລ້ວນັ້ນໃຫ້ນັບມື້ແຕກດອກອອກຜົນງອກງາມຍິ່ງໆຂຶ້ນ.
No comments:
Post a Comment