ພິທີຮ່ວມລົງນາມໃນຂໍ້ຕົກລົງແກ້ໄຂບັນຫາການເຄື່ອນຍ້າຍເສລີ
ແລະ ການສົມລົດແບບບໍ່ໄດ້ຮັບອະນຸຍາດຂອງປະຊາຊົນຢູ່ເຂດຊາຍແດນ ລາວ-ຫວຽດນາມ
ໄດ້ມີຂຶ້ນໃນຕອນຄ່ຳວັນທີ 8 ກໍລະກົດນີ້ຢູ່ນະຄອນວິງ ແຂວງເງະອານ ສສ ຫວຽດນາມ
ລະ ຫວ່າງທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດ ຖະມົນຕີວ່າການກະຊວງການຕ່າງປະເທດແຫ່ງ
ສປປ ລາວ ແລະ ທ່ານ ຟາມບິງມິງ ລັດຖະມົນຕີວ່າການກະຊວງການຕ່າງ ປະເທດ ສສ ຫວຽດນາມ
ໂດຍການເຂົ້າຮ່ວມເປັນສັກຂີພະຍານຂອງທ່ານນາຍົກລັດ ຖະມົນຕີ ທອງສິງ ທຳມະວົງ
ແລະ ທ່ານ ຫງວຽນເຕີນຢຸງ ນາຍົກລັດຖະມົນຕີ ແຫ່ງ ສສ ຫວຽດນາມ, ຜູ້ ຕາງໜ້າກະຊວງ ແລະ
ຂະແໜງການກ່ຽວຂ້ອງຕ່າງໆພ້ອມດ້ວຍ ເຈົ້າແຂວງທີ່ມີຊາຍແດນຕິດກັນລະຫວ່າງສອງປະເທດເຂົ້າຮ່ວມນຳ.
ນີ້ແມ່ນການຕົກລົງສຳຄັນອັນເປັນພື້ນຖານທາງນິຕິກຳ
ເພື່ອສອງປະເທດໄດ້ຮ່ວມມືແກ້ໄຂໂດຍສະເພາະແມ່ນການເຄື່ອນຍ້າຍເສລີ ແລະ
ການສົມລົດນອກກົດໝາຍໃນເຂດຊາຍແດນຂອງສອງປະເທດທີ່ເຄີຍມີມານັບຫລາຍສິບປີ
ແລະ ທັງເປັນການປະກອບ ສ່ວນເຂົ້າໃນການປົກປັກຮັກສາຊາຍແດນມີຄວາມເປັນລະບຽບຮຽບ
ຮ້ອຍ,ໝັ້ນຄົງ ແລະ ສັງຄົມມີຄວາມສະຫງົບປອດໄພ, ສ້າງເສັ້ນຊາຍແດນຂອງສອງປະເທດເປັນຊາຍແດນສັນຕິພາບ,
ມິດຕະ ພາບ ແລະ ການຮ່ວມມືພັດທະນາ.
ການຕົກລົງດັ່ງກ່າວຈະມີຜົນບັງຄັບໃຊ້ນັບແຕ່ສອງຝ່າຍໄດ້ສຳເລັດການສ້າງລະບຽບການຕ່າງໆຢູ່ພາຍໃນ
ແລະ ຈະມີແຈ້ງການໃຫ້ກັນຊາບ ໂດຍຜ່ານທາງລັດຖະບານ ແລະ ການຕົກລົງນີ້ມີໄລຍະເວລາການຈັດຕັ້ງປະຕິບັດ
3 ປີ ນັບແຕ່ມື້ມີຜົນບັງຄັບໃຊ້.
ຂ່າວໃຫ້ຮູ້ອີກວ່າ:
ໃນຕອນບ່າຍຂອງມື້ດຽວກັນ,ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ
ແລະ ທ່ານ ຫງວຽນເຕິນຢຸງ ນາຍົກລັດຖະ ມົນຕີ ແຫ່ງ ສສ ຫວຽດນາມ ກໍໄດ້ພົບປະສອງຝ່າຍຢູ່ນະຄອນວິງ
ແຂວງເງະອານ ໃນໂອກາດເດີນທາງມາຮ່ວມສະເຫລີມສະ ຫລອງຜົນສຳເລັດການຈັດຕັ້ງ
ປະຕິບັດໂຄງການຮ່ວມມືປັກຫລັກໝາຍຖີ່ ແລະ ປັບປຸງຫລັກໝາຍຊາຍແດນສອງປະເທດ
ລາວ-ຫວຽດນາມ ຢູ່ດ່ານຜ່ານແດນນ້ຳອ້ອມ ແຂວງບໍລິຄຳໄຊ ແລະ ແທງຊຸຍ ເງະອານ ສສ
ຫວຽດນາມ.
ໃນການພົບປະທີ່ດຳເນີນໄປດ້ວຍບັນຍາກາດອັນສະໜິດສະ
ໜົມ ແລະ ອົບອຸ່ນນັ້ນ ທັງສອງຝ່າຍກໍໄດ້ແຈ້ງໃຫ້ກັນຊາບກ່ຽວກັບຜົນສຳເລັດໃນການຈັດຕັ້ງ
ປະຕິບັດແຜນພັດທະນາເສດຖະ ກິດ-ສັງຄົມຂອງແຕ່ລະປະເທດ, ພົ້ນເດັ່ນແມ່ນນາຍົກລັດຖະມົນຕີ
ສສ ຫວຽດນາມ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາ ຄາສູງຕໍ່ຜົນສຳເລັດການຈັດຕັ້ງ
ປະຕິບັດມະຕິ IX ຂອງພັກປະຊາ ຊົນປະຕິວັດລາວ ຮັບປະກັນໃຫ້ມີສະຖຽນລະພາບທາງການເມືອງ,
ສັງຄົມມີຄວາມສະຫງົບປອດໄພ, ເສດຖະກິດຂອງລາວຂະ ຫຍາຍ ຕົວສູງ 8,2%,ການພົວພັນຕ່າງ
ປະເທດໄດ້ຮັບການເປີດກວ້າງ ເຮັດໃຫ້ຊື່ສຽງ ແລະ ພາລະບົດ ບາດຂອງລາວສູງເດັ່ນຂຶ້ນໃນເວ
ທີສາກົນ.ພ້ອມນັ້ນ,ນາຍົກລັດຖະ ມົນຕີທັງສອງ ກໍໄດ້ຕີລາຄາສູງຕໍ່ຜົນສຳເລັດຂອງການປະຕິບັດໂຄງການຮ່ວມມືປັກຫລັກໝາຍຖີ່
ແລະ ປັບປຸງຫລັກໝາຍຊາຍແດນສອງປະເທດ ລາວ-ຫວຽດນາມ ແລະ ຖືເປັນເຫດການການເມືອງທີ່ສຳຄັນຂອງການພົວພັນສອງປະເທດ
ແລະ ແມ່ນການສະແດງອອກຢ່າງມີຊີວິດຊີວາແຫ່ງການພົວພັນມິດຕະພາບທີ່ເປັນມູນເຊື້ອ
ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ-ຫວຽດນາມ ແລະ ຢືນຢັນວ່າ:
ຈະສືບຕໍ່ຊີ້ນຳຂະແໜງການກ່ຽວຂ້ອງສອງຝ່າຍປະສານສົມ ທົບແໜ້ນ ເພື່ອສືບຕໍ່ຈັດຕັ້ງປະຕິ
ບັດໂຄງການປັກຫລັກໝາຍຖີ່ສອງປະເທດໃຫ້ສຳເລັດສົມບູນໃນປີ 2014 ທີ່ຈະມາເຖິງ.
No comments:
Post a Comment