ໃຫ້ເພີ່ມຄວາມລະມັດລະວັງໃນການກິນເຫັດ

         ເມື່ອມໍ້ໆມານີ້ທ່ານ ດຣ ຈັນ ທະໄລ ໄຊຍະວົງ ຫົວໜ້າຂະ ແໜງ ລະບາດວິທະຍາ, ພະແນກສາ ທາລະນະສຸກນະ ຄອນຫຼວງ, ໄດ້ໃຫ້ພະແຫຼ່ງຕໍ່ນັກຂ່າວຂອງພວກເຮົາວ່າ: ພໍເລີ່ມຕົ້ນເຂົ້າສູ່ລະດູຝົນຂອງ ທຸກໆປີຂະແໜງສາທາລະນະສຸກໄດ້ ອອກໃບແຈ້ງ ການເຕືອນໃຫ້ປະຊາຊົນເພີ່ມຄວາມລະມັດລະວັງ ໃນການກິນເຫັດ, ເພື່ອປ້ອງກັນການເບື່ອເຫັດທີ່ອາດມີຂື້ນໃນ ລະດູຝົນ, ໂດຍສະເພາະແມ່ນເຫັດທີ່ເກີດ ຈາກທຳມະຊາດແມ່ນມີຄວາມສຽງສູງ.

       ທ່ານ ດຣ ຈັນທະໄລ ກ່າວວ່າ: ເຖິງວ່າສາທາລະນະສຸກຈະແຈ້ງການເຕືອນປານນັ້ນ, ແຕ່ກໍຍັງມີກໍ ລະນີເບື່ອເຫັດເກີດຂື້ນ ແລະ ມີຜູ້ເສຍຊີວິດຈຳນວນໜຶ່ງໂດຍສະເພາະແມ່ນເຂດພາກເໜືອຕົກມາຮອດ ກາງເດືອນກໍລະກົດນີ້ ຢູ່ນະຄອນຫຼວງວຽງຈັນ ມີຜູ້ເສຍຊີວິດແລ້ວ 1 ຄົນຈາກການເບື່ອເຫັດ, ດັ່ງນັ້ນທາງ ກະຊວງສາທາລະນະສຸກນະຄອນຫຼວງຈຶງເຕື່ອນມາຍັງ ປະຊາຊົນ ໃຫ້ມີສະຕິລະວັງຕົວໃນການບໍລິໂພກ ເຫັດຊະນິດຕ່າງໆທີ່ອາດຈະນຳຜົນກະທົບມາສູ່ສຸຂະພາບຕົນ ແລະ ຄອບຄົວ ແລະ ໃຫ້ຂໍແນະນຳໃນການບໍ ລິໂພກເຫັດທີ່ຖືກຕ້ອງເຊັ່ນ:ຖ້າຫາກບໍ່ແນ່ໃຈຊະນິດຂອງເຫັດທີ່ກິນໄດ້ ແລະ ກິນບໍ່ໄດ້ແມ່ນຫ້າມກິນ ເດັດ ຂາດ, ຫ້າມກິນເຫັດຫຼາຍຊະນິດປົນກັນ ແລະ ຖ້າຫາກກິດເຫັດແລ້ວຮູ້ສຶກວິນຫົວ, ເຈັບທ້ອງໃຫ້ໄປໂຮງ ໝໍດ່ວນ ແລະ

ໃນປັດຈຸບັນເຫັດບາງຊະນິດທີ່ເຄີຍກິນແຕ່ເກີດເບີ່ອແມ່ນມີສາເຫດມີຈາກສານເຄມີຕົກ ຄ້າງເຊັ່ນ: ການໃຊ້ປຸຍເຄມີ, ຢາຂ້າຫຍ້າ ແລະ ອື່ນໆ ແລະ ເກີດຈາກຄວາມບໍ່ແນ່ໃຈຂອງຜູ້ກິນເຫັດເພາະ ປັດຈຸບັນມີເຫັດຫຼາຍຊະນິດທີ່ຄ້າຍຄືກັນເກີດຂື້ນ, ນັບທັງເຫັດ ທີ່ກິນໄດ້ ແລະ ເຫັດກິນບໍ່ໄດ້ ແລະ ເກີດ ຈາກການກິນເຫັດທີ່ເປັນພິດຍ້ອນສັດປ່າທີ່ມີພິດຍ່ຽວໃສ່.

        ນອກຈາກພະຍາດເບີ່ອເຫັດແລ້ວທາງພະແນກສາທາລະນະຄອນຫຼວງຍັງແຈ້ງເຕືອນໃຫ້ປະຊົນຊົນ ເຝົ້າລະວັງພະຍາດຄໍ ຕີບ, ເຖິງວ່າພະຍາດດັ່ງກ່າວນີ້ແມ່ນສາມາດປ້ອງກັນດ້ວຍວັກຊິນ ແລະ ຖືກກຳຈັດໄປ ໃນປີ 2008 ແລ້ວກໍຕາມ, ແຕ່ປີນີ້ໄດ້ ມີພະຍາດດັ່ງກ່າວເກີດຂື້ນຢູ່ບາງເຂດ, ດັ່ງນັ້ນ,ຈຶ່ງເຕືອນໃຫ້ປະຊາ ຊົນເຝົ້າລະວັງພະຍາດດັ່ງກ່າວນີ້ດ້ວຍ, ໄປຄຽງຄູ່ກັບການ ອອກແຮງຕ້ານການລະບາດຂອງພະຍາດໄຂ້ ເລືອດອອກທີ່ພວມຄຸກຄາມຢູ່ຫຼາຍທ້ອງຖິ່ນຂອງລາວໃນປັດຈຸບັນໃຫ້ຫຼຸດຜ່ອນລົງ.