ປັດຈຸບັນການສວຍໂອ
ກາດນຳໃຊ້ສານເຄມີຕ້ອງຫ້າມຈາກສາກົນໃນອາຫານ, ເຄື່ອງປູກຂອງຝັງ ແລະ
ຊີ້ນປາຕ່າງໆ ເພື່ອໃຫ້ພືດຜັກ, ຊີ້ນປາເຕີບໃຫຍ່ໄວ ແລະ ມີສີສັນສວຍງາມ ແມ່ນນັບມື້ຮ້າຍແຮງຂຶ້ນເລື້ອຍໆ
ເຊິ່ງ
ການກະທຳດັ່ງກ່າວໄດ້ກໍ່ໃຫ້ເກີດສານເຄມີຕົກຄ້າງປົນເປື້ອນເປັນອັນຕະລາຍຕໍ່ຜູ້ບໍລິໂພກ
ແລະ ຜິດຕໍ່ລະບຽບຂອງອົງການອາຫານໂລກ ແລະ ມາດຕະຖານຂອງກະຊວງສາ ທາລະນະສຸກ
ຫລື ກະຊວງກະ ສິກຳກຳນົດອອກໃນລະບຽບ ການຕ່າງໆ.
ຂະນະດຽວກັນກະຊວງສາທາ
ລະນະສຸກ ຍອມຮັບວ່າ: ຍັງຂາດເຄື່ອງມືທີ່ມີມາດຕະຖານໃນການວິໄຈ ແລະ
ກວດກາຄວາມປອດໄພດ້ານອາຫານ ເຊິ່ງໄລຍະຜ່ານມາ
ການກວດກາຫລາຍກໍລະນີຕ້ອງໄດ້ຂໍຄວາມຊ່ວຍເຫລືອຈາກປະເທດເພື່ອນມິດໃກ້ຄຽງ.
ກະຊວງສາທາລະນະສຸກ ໃຫ້ຮູ້ວ່າ:
ຜ່ານມາການກວດກາອາຫານແມ່ນໄດ້ມີການນຳໃຊ້ເຄື່ອງກວດສອບໄວ
ເພື່ອສາມາດຮັບຮູ້ລະດັບການປົນເປື້ອນຂອງ ສານຕ້ອງຫ້າມໃນອາຫານເຊັ່ນ:
ສານຟອກຂາວ, ຟໍມາລິນ ແລະ ບໍແລກ ທີ່ຫ້າມນຳໃຊ້ໃນອາຫານ,
ແຕ່ເນື່ອງຈາກຂາດເຄື່ອງມືວິໄຈທີ່ມີມາດຕະຖານເຊັ່ນ: ການກວດຊີ້ນໝູແດງ,
ສານເມລາມິນ, ສານມະເຮັງໃນ
ນ້ຳສະອິ້ວ ຫລື ເຫັດເບື່ອຕ່າງໆ
ແມ່ນສົ່ງໄປວິໄຈຢູ່ປະເທດໄທ, ຫວຽດນາມ ຫລື ອົງ ການອະນາໄມໂລກ. ນອກຈາກນີ້
ສຳລັບການລ້ຽງປາກະຊັງ ຫລື
ປານຳເຂົ້າຈາກປະເທດໃກ້ຄຽງທີ່ມີການນຳໃຊ້ສານຮໍໂມນໃນການລ້ຽງແມ່ນອະນຸຍາດໃຫ້ໃຊ້ຕາມມາດ
ຕະຖານກົດລະຫັດອາ ຫານສາກົນ, ແຕ່ຈະຕ້ອງໃສ່ໃນປະລິມານທີ່ອະນຸຍາດ, ໄລຍະທີ່ໃຊ້
ແລະ ໄລຍະລໍຖ້າໃນການຈັບປາເພື່ອຂາຍ ເພື່ອຫລຸດຜ່ອນສານຕົກຄ້າງຕ່າງໆ
ເຊິ່ງຜ່ານມາແມ່ນກະຊວງກະສິກຳເປັນໜ່ວຍງານຮັບຜິດຊອບໃນການກວດກາວິໄຈ,
ແຕ່ກໍບໍ່ປະຕິບັດໄດ້ຢ່າງຕໍ່ເນື່ອງ ຍ້ອນຂາດເຄື່ອງມືວິໄຈເຊັ່ນດຽວກັນ.
ນອກຈາກນີ້ ຫ້ອງ ການກວດກາອາຫານ ແລະ ຢາ ຫາກໍສ້າງຕັ້ງຂຶ້ນໃນປີ 2012 ແລະ
ໄດ້ປະຕິບັດການກວດກາດ້ານອາຫານ ແລະ ຢາເປັນປະຈຳ,
ແຕ່ພະນັກງານໃນການກວດກາແມ່ນຄວາມຮູ້ຍັງມີຈຳກັດ ແລະ
ເຄື່ອງມືອຸປະກອນກວດສອບຄຸນນະພາບ ແລະ ຄວາມປອດໄພຂອງອາຫານຍັງຂາດເຂີນ ເຊິ່ງ
ສິ່ງນີ້ຈະເປັນໂອກາດໃຫ້ຜູ້ບໍລິໂພກມີຄວາມສ່ຽງໄພຕໍ່ການຮັບເອົາສານປົນເປື້ອນດັ່ງກ່າວ.
ດັ່ງນັ້ນ ຈຶ່ງຂໍຮຽກຮ້ອງໄປຍັງຜູ້ຜະລິດ ແລະ
ຜູ້ສະໜອງຕ້ອງມີຈັນຍາບັນທີ່ດີ. ພ້ອມນັ້ນ
ຜູ້ບໍລິໂພກກໍຈົ່ງເພີ່ມຄວາມລະມັດລະວັງ ແລະ ຮູ້ເລືອກຊື້ເລືອກຈ່າຍທີ່ປອດໄພ.
No comments:
Post a Comment