ທ່ານ ບົວຄຳ ສີສຸລາດ ຫົວໜ້າເຂດເສດຖະກິດພິເສດສະຫວັນ-ເຊໂນ
ໃຫ້ຮູ້ໃນກອງປະຊຸມໃຫຍ່ຄັ້ງທີ III ຂອງ
ໜ່ວຍພັກເຂດເສດຖະກິດພິເສດສະຫວັນ-ເຊໂນ ໃນວັນທີ 7 ມັງກອນນີ້ວ່າ:ປັດຈຸບັນບັນຍາກາດການລົງທືນຢູ່ໃນເຂດດັ່ງກ່າວກຳລັງຄຶກຄື້ນ
ແລະ ຂະຫຍາຍຕົວຢ່າງຕໍ່ເນື່ອງ ສາມາດຂົນຂວາຍການລົງທືນມາສູ່ເຂດໄດ້ແລ້ວ 52 ບໍລິສັດ,ໃນນັ້ນ,ມີການສ້າງຕັ້ງໂຮງງານແລ້ວ
10 ກວ່າບໍລິສັດ ແລະ ມີບໍລິສັດດຳເນີນການຜະລິດ ແລະ ສົ່ງອອກຜະລິດຕະພັນໄປຕ່າງປະເທດແລ້ວ
7 ບໍລິສັດ, ມີມູນຄ່າສົ່ງອອກ 78 ລ້ານໂດລາ
ສະຫະລັດ, ພື້ນຖານໂຄງລ່າງໄດ້ຮັບການພັດທະນາດີຂຶ້ນສາມາດຮອງຮັບການລົງທືນໄດ້ແລ້ວໃນບາງຈຸດ,ການຄຸ້ມຄອງເຂດໄດ້ຄ່ອຍໆກ້າວເຂົ້າສູ່ຄວາມເປັນລະບົບລະບຽບ,
ການຊ່ວຍເຫຼື່ອຮ່ວມມືຈາກຕ່າງປະເທດ ແລະ ອົງການຈັດຕັ້ງສາກົນກໍມີບາດກ້າວຂະຫຍາຍຕົວ,
ການຈັດຕັ້ງພັກ-ພະນັກງານຂອງເຂດໄດ້ຮັບການປັບປຸງ ແລະ ພັດທະນາດີຂຶ້ນເປັນກ້າວໆ.
ອັນພົ້ນເດັ່ນ, ແມ່ນສາມາດສ້າງລາຍຮັບເຂົ້າງົບປະມານລັດກໍຄືງົບປະມານຂອງແຂວງສະຫວັນນະເຂດ
( ອາກອນເງີນເດືອນ ແລະ ອາກອນກໍ່ສ້າງຂອງບັນດາບໍລິສັດທີ່ມາລົງທືນໃນເຂດ) ໄດ້ປະມານ
1,8 ຕື້ກ່ວາກີບ. 
No comments:
Post a Comment