ສະພາບປະກົດການຫຍໍ້ທໍ້ ທີ່ສ້າງຄວາມອັນຕະລາຍໃນສັງ ຄົມພົ້ນເດັ່ນແມ່ນ ສະພາບປຸ້ນຈີ້-ຊີງຊັບ ພົນລະເມືອງ ທີ່ເກີດຢູ່ ນະຄອນຫຼວງວຽງຈັນ, ຕາມເສັ້ນທາງປ່ຽວ ແລະ ເສັ້ນທາງທີ່ບໍ່ມີແສງສະຫວ່າງພຽງພໍ ເຮັດໃຫ້ກຸ່ມຄົນບໍ່ດີສວຍໂອກາດ ລີ້ ຊ້ອນເພື່ອລໍຖ້າເມື່ອພົບເຫັນເປົ້າ ໝາຍ ຫຼື ບຸກຄົນທີ່ທຽວທາງ ກໍ ໄດ້ລົງມືປຸ້ນຈີ້-ຊີງ ເອົາຊັບສິນ ຊຶ່ງຜ່ານມາກໍມີຜູ້ທີ່ຕົກເປັນເຫຍື່ອ ທັງເສຍຊັບສິນ ແລະ ໄດ້ຮັບບາດເຈັບຈາກ ການກະທຳຂອງກຸ່ມຄົນບໍ່ດີດັ່ງກ່າວມາແລ້ວ ຄື: ເມື່ອທ້າຍອາທິດຜ່ານມາ ປກສ ເມືອງ ຈັນທະບູລີ ນະຄອນຫຼວງວຽງ ຈັນ ໄດ້ຮັບແຈ້ງຈາກປະຊາຊົນຢູ່ບ້ານ ຫ້ວຍຫົງວ່າ: ໄດ້ມີຄົນຮ້າຍສອງຄົນຂີ່ລົດ ຈັກມາດຶງສາຍຄໍຄຳນຳໜັກ 3 ບາດ ຢູ່ເຂດເສັ້ນ ທາງບ້ານຫ້ວຍຫົງ ຊຶ່ງເຮັດໃຫ້ຜູ້ເປັນເຈົ້າຂອງຊັບລົດລົ້ມ ແລະ ໄດ້ຮັບບາດເຈັບ ສ່ວນຄົນຮ້າຍໄດ້ຂີ່ລົດຫຼົບໜີໄປ. ອີກຫຼາຍໆ ກໍລະນີທີ່ເກີດຂຶ້ນມາແລ້ວນັບບໍ່ຖ້ວນ ແລະ ເປັນບັນຫາທີ່ທາງພາກສ່ວນກ່ຽວຂ້ອງຈະຮ່ວມກັນແກ້ໄຂແນວໃດ ເພື່ອເຮັດໃຫ້ສັງ ຄົມມີຄວາມສະຫງົບ ແລະ ການປະຕິບັດ ນະໂຍບາຍ ສ ສະຫງົບ ມີຄວາມຄືບໜ້າຂື້ນດີກ່ວາເກົ່າ.
ກອງປະຊຸມສະຫຼຸບວຽກ ງານ 6
ເດືອນຕົ້ນປີ ຂອງກອງບັນຊາການ ປກສ ນະຄອນຫຼວງວຽງ ຈັນ ໄດ້ຕີລາຄາວ່າ: ສະພາບປະກົດການຫຍໍ້ທໍ້ທາງສັງຄົມ ຢູ່ນະຄອນຫຼວງວຽງຈັນ
ມີຫຼາຍກຸ່ມເປົ້າ ໝາຍ ທີ່ໃຊ້ຄວາມຮຸນແຮງ,
ບັນດາເປົ້າໝາຍອາຍາໄດ້ເຄື່ອນໄຫວການກະທຳຜິດດ້ວຍຫຼາຍຮູບການ, ວິທີການ ແລະ
ເລ່ລ່ຽມເລີກແລບ, ເປັນອັນ ຕະລາຍຕໍ່ສະຄົມ, ກຸ່ມຄົນບໍ່ດີຈຳ
ນວນໜຶ່ງທີ່ເສຍທາດຂາດຄຸນ ເຄື່ອນໄຫວໃຊ້ຄວາມຮຸນແຮງສ້າງຄວາມວຸ້ນວາຍ,
ກໍ່ຄວາມບໍ່ ສະຫງົບຂື້ນ ໂດຍມີການນຳໃຊ້ອາວຸດປືນ, ມີດ, ງ້າວ, ລົດຈັກ,
ລົດໃຫຍ່, ພົ້ນເດັ່ນແມ່ນ ປຸ້ນຈີ້-ຊີງຊັບ
ຊຶ່ງເປົ້າໝາຍທີ່ຕົກເປັນເຫຍື່ອຂອງການ ປຸ້ນຈີ້-ຊີງຊັບ ສ່ວນ
ຫຼາຍແມ່ນຜູ້ຍິງຢູ່ຕາມຮ້ານເສີມສວຍ, ຮ້ານຂາຍເຄື່ອງຍ່ອຍ, ຄຣີ ນິກປົວພະຍາດ
ຫຼື ຫ້ອງແຖວໃຫ້ເຊົ່າ ແລະ ເສັ້ນທາງປ່ຽວເປັນ
ຕົ້ນ.ເຖີງແມ່ນວ່າໃນໄລຍະຜ່ານມາ ເຈົ້າໜ້າທີ່ ປກສ ນະຄອນ ຫຼວງວຽງຈັນ ແລະ
ເຈົ້າໜ້າທີ່ ປກສ 9 ຕົວເມືອງ ຈະໄດ້ປະສານສົມທົບ ເພື່ອສະກັດກັ້ນແກ້ໄຂສະ
ພາບປະກົດການຫຍໍ້ທໍ້ທາງສັງ ຄົມໃຫ້ຫຼູດລົງ, ແນວໃດກໍດີ ທ່ານ ນາຍົກ
ລັດຖະມົນຕີ ກໍໄດ້ອອກຄຳສັ່ງໃນການເພີ່ມທະວີທົ່ວສັງ ຄົມ
ໃຫ້ຮ່ວມກັນແກ້ໄຂບັນຫາປະກົດການຫຍໍ້ທໍ້ ເຊິ່ງທາງເຈົ້າ ໜ້າທີ່ ປກສ ນະ ຄອນຫຼວງວຽງ
ຈັນ ກໍໄດ້ຫັນເພີ່ມທະວີວຽກງານດັ່ງກ່າວເຂົ້າສູ່ລວງເລີກ ແລະ
ໄດ້ມີການຈັດຕັ້ງໜ່ວຍສະເພາະກິດ ຂື້ນ ແລະ ໄດ້ນຳໃຊ້ວິຊາສະເພາະ
ສືບສວນ-ສອບສວນ ເຄື່ອນໄຫວປະຕິບັດໜ້າທີ່ຕິດຕາມ ແລະ ແກ້ໄຂເປົ້າ
ໝາຍກໍ່ອາດຊະຍາກຳ ໂດບແບ່ງອອກເປັນ 7 ໜ່ວຍໃນ 6 ເດືອນຕົ້ນປີ ມີຄະດີເກີດຂື້ນ
ທັງ ໝົດ 1 ພັນກ່ວາເລື່ອງ, ເຈົ້າ ໜ້າທີ່ສາມາດແກ້ໄຂໄດ້ 624 ເລື່ອງ,
ກັກຕົວຜູ້ກະທຳຜິດມາດຳເນີນຄະ ດີ 900 ກ່ວາຄົນ, ພົ້ນເດັ່ນແມ່ນຄະ
ດີລັກຊັບ ແລະ ປຸ້ນຈີ້- ຊີງຊັບພົນ ລະເມືອງ.
ເຈົ້າໜ້າທີ່ ປກສ ຫຼາຍເມືອງ ຢູ່
ນະຄອນຫຼວງວຽງຈັນຍັງຍົກໃຫ້ເຫັນວ່າ: ວຽກງານຍຸດທະສາດສະ ກັດກັ້ນ ແລະ
ຕ້ານປະກົດການຫຍໍ້ທໍ້ໃນສັງຄົມ ຢູ່ນະຄອນ ຫຼວງວຽງຈັນ ເປັນຕົ້ນບັນຫາກໍ່
ອາດຊະຍາກຳປຸ້ນຈີ້-ຊີງຊັບ, ລັກຊັບພົນລະເມືອງ
ມີລັກສະນະຊຳເຮື້ອມ້າງແລ້ວກໍເກີດຂື້ນມາໃໝ່, ເປັນການກະທຳຜິດ
ທີ່ບໍ່ເຂັດຫຼາບເປັນອາຈີນ, ຍ້ອນວິທີການ, ມາດຕະການພວກເຮົາຍັງບໍ່ຮັດກຸມ,
ເຂັ້ມງວດ, ເດັດຂາດ. ບັນ ຫາສະພາບແວດລ້ອມສັງຄົມ, ເສດຖະກິດ,
ຊີງວິດການເປັນຢູ່ຄ່າຄອງຊີບສູງ, ໄວໜຸ່ມຈຳນວນ
ໜຶ່ງບໍ່ມີວຽກເຮັດງານທຳເຄື່ອນໄຫວພົວພັນກັບສິ່ງເສບຕິດ ແລະ
ການຄຸ້ມຄອງກຳແໜ້ນເປົ້າໝາຍ ທາງດ້ານວິຊາສະເພາະຍັງເຮັດບໍ່ຕໍ່ເນື່ອງ,
ຍັງມີເຈົ້າໜ້າທີ່ຈຳນວນໜຶ່ງເຄື່ອນໄຫວສວຍໂອກາດ,
ສວຍໃຊ້ໜ້າທີ່ຫາຜົນປະໂຫຍດອັນບໍ່ຊອບທຳ,
ໃນການມ້າງລາຍຄະດີກໍມີຫາງສຽງວິ ພາກວິຈານມາສູ່ຕົນເອງ ແລະ ການຈັດຕັ້ງ.
ແນວໃດກໍຕາມຫ້ອງການພັດທະນາຊົນນະບົດ ນະຄອນ ຫຼວງວຽງຈັນ ກ່າວວ່າ:
ບັນຫາປະກົດການຫຍໍ້ທໍ້ເກີດຂື້ນໃນສັງຄົມ
ສ່ວນໜຶ່ງແມ່ນມາຈາກກຸ່ມຄົນບໍ່ດີໂດຍສະເພາະ ແມ່ນກຸ່ນໄວລຸ້ນ
ທີ່ບໍ່ມີວຽກເຮັດງານທຳ, ມີການພົວພັນກັບສິ່ງເສບຕິດ,
ສະຖາບັນທາງສັງຄົມກໍຍັງບໍ່ເປັນເຈົ້າການທີ່ຈະສຶກສາອົບ ຮົມ ລູກຫຼານຂອງຕົນເອງ,
ຂະ ນະທີ່ ປະຊາຊົນ ບາງຈຳນວນຍັງຖືເບົາຕໍ່ການຄຸ້ມຄອງຊັບສິນ
ເຮັດໃຫ້ກຸ່ມຄົນບໍ່ດີສວຍໂອກາດລົງມືກໍ່ເຫດໄດ້ທຸກເມື່ອສະນັ້ນຈຶ່ງຕ້ອງ
ມີ ການຮ່ວມມືກັນຈາກສັງຄົມ ແລະ ປກສ ໃນການເປັນເຈົ້າການສະກັດກັ້ນ ແລະ
ແກ້ໄຂປະ ກົດການຫຍໍ້ທໍ້ໃນທົ່ວສັງຄົມ.
No comments:
Post a Comment