ໃນໂອກາດເດີນທາງຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ
ຂອງທ່ານປະທານປະເທດ ຈູມມາລີ ໄຊຍະສອນ ພ້ອມຄະນະ ໃນລະຫວ່າງວັນທີ 7-8 ເມສານີ້
ກໍໄດ້ລົງຢ້ຽມ ຢາມເບິ່ງພື້ນຖານການຜະລິດອຸດ ສາຫະກຳກໍຄືບັນດາໂຮງຈັກໂຮງ ງານພາຍໃນເຂດເສດຖະກິດພິເສດ
ສະຫວັນ-ເຊໂນ. ພ້ອມນັ້ນ ໄດ້ລົງຕິດຕາມເບິ່ງໂຮງງານປະ ກອບລົດແດຮັນຂອງບໍລິສັດໂຄລາວອໍໂຕດີວີລົບພິງຈຳກັດ.
ໂອກາດນີ້, ທ່ານອຳນວຍການບໍລິສັດໂຄລາວ ອໍໂຕເວີ
ດີວີລົບພິງ ຈຳກັດ ກໍໄດ້ລາຍງານສະ ພາບການຜະລິດຂອງໂຮງງານວ່າ: ໂຮງງານປະກອບລົດແຫ່ງນີ້
ໄດ້ເລີ່ມລົງມື້ກໍ່ສ້າງມາແຕ່ວັນທີ 6 ກຸມພາ 2012 ລວມມີເນື້ອທີ່ທັງໝົດ 16 ເຮັກຕາ
ແລະ ຍັງສືບຕໍ່ຂໍສຳປະທານດິນຕື່ມອີກ 20 ເຮັກ ຕາ ເພື່ອຂະຫຍາຍກຳລັງການຜະ ລິດໃຫ້ຫລາຍຂຶ້ນກວ່າເກົ່າ.
ສຳ ລັບການພັດທະ ນາຂອງໂຮງ ງານແມ່ນແບ່ງອອກເປັນ 3 ໄລ ຍະ ຄືການກໍ່ສ້າງ ແລະ ຕິດຕັ້ງເຄື່ອງຈັກສຳລັບຜະລິດລົດບັນ
ທຸກຂະໜາດ 1 ໂຕນ ແລະ 2,5 ໂຕນ, ໄລຍະທີ 2 ແມ່ນກໍ່ສ້າງ ແລະ ຕິດຕັ້ງເຄື່ອງຈັກຜະລິດລົດກະບະ
2 ປະຕູ ແລະ 4 ປະຕູ, ສ່ວນໄລຍະ 3 ແມ່ນການກໍ່ສ້າງ ແລະ ຕິດຕັ້ງເຄື່ອງຈັກຜະລິດລົດເກັງ,
ລົດຕູ້ ເຊິ່ງເປົ້າໝາຍການຜະລິດລົດຕົ້ນຕໍແມ່ນທົດແທນການນຳເຂົ້າລົດມືສອງຈາກຕ່າງ
ປະເທດ ທັງເປັນການສົ່ງເສີມຜະລິດຕະພັນພາຍໃນຂອງຄົນລາວໄປສູ່ຕ່າງປະເທດອີກດ້ວຍ.
ໂຮງງານປະກອບລົດແດຮັນ ໄດ້ເລີ່ມລົງມືຜະລິດລົດນັບແຕ່ຕົ້ນເດືອນມັງກອນ
2014 ເປັນຕົ້ນ ມາ, ສາມາດຜະລິດລົດໄດ້ມື້ລະ 25-30 ຄັນ ເຊິ່ງໃນປີທຳອິດນີ້ຕັ້ງ
ຍອດການຜະລິດໄວ້ປະມານ 5.000 ຄັນ ແລະ ຈະເພີ່ມຈຳນວນຂຶ້ນໃນທຸກໆປີຕາມຄວາມຕ້ອງ
ການຕົວຈິງຂອງສັງຄົມ ໂດຍໄດ້ສົ່ງໄປຈຳໜ່າຍຕາມສູນຈຳໜ່າຍຂອງບໍລິສັດໂຄລາວໃນຂອບເຂດທົ່ວປະເທດທີ່ມີເຖິງ
100 ກວ່າສາຂາ ເຫັນໄດ້ວ່າລູກຄ້າໃຫ້ການຕອບຮັບສິນຄ້າດີສົມຄວນ.
ໂຮງງານປະກອບລົດແດຮັນ ມີພະນັກງານປະມານ
430 ຄົນ, ເບື້ອງຕົ້ນທາງໂຮງງານມີຄວາມຕ້ອງການແຮງງານປະມານ 1.000 ຄົນ ແລະ ຖ້າຫາກມີການຂະຫຍາຍການຜະລິດຄົບຊຸດແລ້ວ
ຄວາມຕ້ອງການທາງດ້ານແຮງງານຈະສູງເຖິງ 1.400 ຄົນ. ປັດຈຸບັນໂຮງງານແມ່ນຜະລິດໄດ້
4 ພາກສ່ວນ ຄືຮ່າງລົດ, ຫ້ອງຂັບ, ປະຕູ ແລະ ຖັງກະບະ, ສ່ວນຈັກ ແລະ ອາໄຫລ່ ປະກອບແມ່ນໄດ້ນຳເຂົ້າມາຈາກ
ສ.ເກົາ ຫລີ.
No comments:
Post a Comment