ວັນທີ
10 ພະຈິກນີ້, ທ່ານ ນາງ
ຄາຣິນາ ອິມໂມເນັນ ຜູ້ປະສານງານອົງການສະຫະປະຊາຊາດ ປະຈຳລາວ, ໄດ້ມອບລາງວັນໃຫ້ຜູ້ຊະນະເລີດການແຂ່ງຂັນຖ່າຍຮູບດ້ວຍມືຖືໃນຫົວຂໍ້ ”ນຳກັນ 2030 ”, ຊຶ່ງທີພິໄດ້ຈັດຂຶ້ນທີ່ສູນການຄ້າວຽງຈັນເຊັນເຕີ, ໂດຍມີນັກຮຽນນັກສຶກສາ, ພ້ອມສືມວນຊົນລາວເຂົ້າຮ່ວມເປັນຈຳນວນຫຼາຍ.
ຜູ້ປະສານງານອົງການສະຫະປະຊາຊາດປະຈຳລາວໃຫ້ຮູ້ວ່າ: ການແຂ່ງຂັນນີ້ເປັນໜຶ່ງໃນກິດຈະກຳທີ່ຈັດຂື້ນເພື່ອສະເຫຼີມສະຫຼອງວັນສ້າງຕັ້ງອົງການສະຫະປະຊາຊາດຄົບຮອບ 70 ປີ
ແລະ 60 ປີແຫ່ງການເຮັດວຽກຮ່ວມກັນລະຫວ່າງລັດຖະບານລາວ ແລະ ອົງການສະຫະປະຊາຊາດ, ຊຶ່ງຮູບທີ່ສົ່ງເຂົ້າປະກວດແມ່ນຕ້ອງສະແດງເຖິງເປົ້າໝາຍເພື່ອການພັດທະນາແບບຍືນຍົງ, ຊຶ່ງເນັ້ນໃສ່ການລືບລ້າງຄວາມທຸກຍາກ, ຕ້ານຄວາມບໍ່ສະເໝີພາບ, ຄວາມບໍ່ຍຸດຕິທຳ ແລະ ແກ້ໄຂບັນຫາ
ການປ່ຽນແປງຂອງສະພາບດິນຟ້າອາກາດ , ຊຶ່ງມີໄວໜຸ່ນເຍົາວະຊົນ,ນັກຮຽນນັກສຶກສາສົ່ງຮູບເຂົ້າມາແຂ່ງຂັນເປັນຈຳນວນຫຼາຍ, ສຳລັບການແຂ່ງຂັນຄັ້ງນີ້ຍັງໄດ້ຮັບການສະໜັບສະໜູນຈາກໂຮມແຮມ ຊາລານາ ( Salana
Boutique ), ບໍ່ລິສັດ Trans Express Data com ແລະ ບໍລິສັດ ບີລາຍໂດຍຂອງລາງວັນປະກອບມີ:
ລາງວັນທີ 1 ໄດ້ຮັບປີ້ຍົນໄປກັບວຽງຈັນຫຼວງພະບາງ ແລະ ກ້ອງ ຖ່າຍ
ຮູບ Toshiba, ລາງວັນທີ
2 ແພັກເກດທີ່ພັກຢູ່ໂຮງແຮມ ຊາລານາ,
ອາລະບຳເພງຈາກ ອາເລັກແຊນດຣາ ບຸນຊ່ວຍ, ບັດຕື່ມເງິນບີລາຍ, ລາງວັນທີ
3 ໄດ້ຮັບບັດຕື່ມເງິນບີລາຍ, ອາລະບຳເພງຈາກ ອາເລັກແຊນດຣາ ບຸນຊ່ວຍ, ຊຶ່ງຜູ້ຊະນະເລີດອັນດັບໜຶ້ງໄດ້ແກ່ ທ້າວ ພອນປະສິດ ນັນທະລາດ, ອາຍຸ 23 ປີ ຈາກແຂວງ ສາລະວັນ, ດ້ວຍຮູບສະແດງເຖິງການປ່ຽນແປງຂອງສະພາບດິນຟ້າອາກາດ, ລາງວັນທີ 2 ໄດ້ແກ່ນາງ ພິມພາ ເພັດສະໝອນ ອາຍຸ 18 ປີ, ຮູບທີ່ສະແດງເຖິງການສຶກສາ, ລາງວັນທີ 3 ທ້າວ ພາກິນດາ ຂັນທະວິໄລ,
ອາຍຸ 26 ປີ, ຮູບສະແດງເຖິງຄວາມບໍ່ສະເໜີພາບລະຫວ່າງຍິງ-ຊາຍ, ນອກຈາກນັ້ນຍັງມີລາງວັນຂວັນໃຈມວນຊົນອີກດ້ວຍ.
No comments:
Post a Comment