ໃນທ້າຍອາທິດຜ່ານມາ ຢູ່ຫ້ອງວ່າການສະພາແຫ່ງຊາດ,
ສະພາແຫ່ງຊາດ ໄດ້ຈັດກອງປະຊຸມຄະນະປະຈຳສະພາແຫ່ງຊາດ ປະຈຳເດືອນເມສາ 2013 ຂຶ້ນ
ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ມີຮອງປະທານສະພາແຫ່ງຊາດ,
ຄະນະປະຈຳສະພາແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນວາລະກອງປະຊຸມ ໄດ້ມີການພິຈາລະນາຫລາຍບັນຫາ
ເປັນຕົ້ນຮ່າງແຜນການກະກຽມ ແລະ ດຳເນີນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ
ຊຸດທີ VII; ຮ່າງແຜນກະ ກຽມ ແລະ ດຳເນີນກອງປະຊຸມຮ່ວມລະຫວ່າງຄະນະປະຈຳສະ ພາແຫ່ງຊາດກັບຄະນະລັດຖະ
ບານ, ອົງການຍຸຕິທຳ, ອົງການກວດສອບແຫ່ງລັດ ແລະ ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ;
ຟັງລາຍງານຄວາມຄືບໜ້າໂຄງການກໍ່ສ້າງຫໍສະພາແຫ່ງຊາດຫລັງໃໝ່ ແລະ ການອອກແບບການກໍ່ສ້າງຫ້ອງວ່າການສະພາແຫ່ງຊາດ
ປະຈຳເຂດເລືອກຕັ້ງທີ1 ນະຄອນຫລວງ ວຽງຈັນ, ເຂດ 2 ແຂວງຜົ້ງສາລີ, ເຂດ 8 ແຂວງຫົວພັນ
ແລະ ເຂດ 7 ແຂວງໄຊຍະບູລີ; ການຈັດຕັ້ງ ປະຕິບັດມາດຕະການຫັກ 20- 25% ຕໍ່ຫົວໜ່ວຍງົບປະມານທີ່ລະເມີດລະບຽບກົດໝາຍ;
ການຂໍຍົກເວັ້ນຄ່າອາກອນມູນຄ່າເພີ່ມໃນການກໍ່ສ້າງ 3 ໂຄງການ ຄືໂຄງ ການກໍ່ສ້າງສະຖານີໄຟຟ້າແຂວງຫລວງພະບາງ,
ໂຄງການກໍ່ສ້າງສະຖານີ ແລະ ສາຍສົ່ງແຂວງເຊກອງ-ແຂວງສາລະວັນແລະ ໂຄງ ການກໍ່ສ້າງເຂື່ອນໄຟຟ້ານ້ຳສະ
ນາ; ການຂໍອະນຸມັດຍົກເວັ້ນຄ່າອາກອນມູນຄ່າເພີ່ມສຳລັບການກໍ່ສ້າງໂຄງການເຮືອນພັກປະມຸກລັດ
50 ຫລັງ ແລະ ຫ້ອງ
ປະຊຸມທະວີພາຄີ 2 ຫລັງ; ການຂໍອະນຸ ມັດຫັນປ່ຽນປະເພດທີ່ດິນໃນເຂດປ່າສະຫງວນແຫ່ງຊາດພູເຂົາຄວາຍ
ສຳລັບໂຄງການກໍ່ສ້າງເຂື່ອນໄຟຟ້ານ້ຳມັ່ງ 1; ການຂໍການຍົກເວັ້ນການປະຕິບັດບາງມາດຕະການຂອງກົດໝາຍກ່ຽວກັບການຮັບຮອງເອົາໂຄງການສ້າງເຂື່ອນໄຟຟ້ານ້ຳງຽບ
2; ຮັບ ຮອງເອົາສັນຍາສຳປະທານ ແລະ ການຍົກເວັ້ນການປະຕິບັດກົດ ໝາຍຂອງໂຄງການສ້າງເຂື່ອນໄຟຟ້ານ້ຳຕົກນ້ຳອູ
2, ນ້ຳອູ 5 ແລະ ນ້ຳອູ 6; ລາຍງານກ່ຽວກັບການກະກຽມເປັນເຈົ້າພາບກອງປະຊຸມລັດຖະສະພາລະຫວ່າງຊາດອາຊຽນ
(AIPA) ຄັ້ງທີ 35 ທີ່ສະພາແຫ່ງຊາດ ສປປ ລາວ ເປັນເຈົ້າພາບ; ຟັງລາຍງານການຈັດຕັ້ງປະຕິບັດວຽກງານການຕ່າງປະເທດ
ໃນສົກປີ 2011- 2012 ແລະ ພິຈາລະນາແຜນການເຄື່ອນໄຫວວຽກງານການຕ່າງ ປະເທດຂອງສະພາແຫ່ງຊາດ;
ຍົກເລີກການລຶບລ້າງສົນທິສັນຍາເລກທີ 4 ວ່າດ້ວຍການເຮັດວຽກກາງຄືນຂອງແຮງງານເພດຍິງ;
ຂໍພິຈາລະນາຕໍ່ການອະນຸມັດລົງນາມຂໍ້ຕົກລົງລະຫວ່າງ ສປປ ລາວ ແລະ ລັດຖະບານ ສສ
ຫວຽດນາມ ວ່າດ້ວຍການແກ້ໄຂຜູ້ຍົກຍ້າຍຕັ້ງພູມລຳເນົາຕາມລຳ ພັງໃຈ ແລະ ສ້າງຄອບຄົວບໍ່ຖືກລະບຽບຢູ່ຕາມບໍລິເວນຊາຍແດນ
ແລະ ພິຈາລະນາກ່ຽວກັບບັນຫາສັນຊາດຈຳນວນໜຶ່ງ.
No comments:
Post a Comment