ທ້າວ ເລຮຸງ (ຮຸ່ງ) ອາຍຸ 27 ປີ ອາຊີບກຳມະກອນ ສັນຊາດຫວຽດນາມ ພັກເຊົ່າຢູ່ບ້ານພັດທະນາທ່າໄຮ່ ເມືອງປາກເຊ
ແຂວງຈຳປາສັກ ຖືກເຈົ້າໜ້າທີ່ຈັບຕົວມາດຳເນີນຄະດີເມື່ອບໍ່ດົນມານີ້ ໃນຂໍ້ຫາຄາດຕະກຳ ເຊິ່ງຄະດີມີຢູ່ວ່າ: ເວລາປະມານ 20:00 ໂມງ ຂອງວັນທີ 24 ກໍລະກົດ 2016, ທ້າວ ຮຸ່ງ ໄດ້ເອົານ້ຳມັນແອັດຊັງຫົດໃສ່ທ້າວ ພອນທະວີ ທີ່ພວມນັ່ງລົດຈັກຢູ່ແຄມທາງໜ້າສະໜາມບິນປາກເຊແລ້ວຈູດໄຟໃສ່ ເຮັດໃຫ້ໄຟໄໝ້ຖ້ວມໂຕທ້າວ ພອນທະວີ, ພາຍຫລັງກໍ່ເຫດ ທ້າວ ຮຸ່ງ
ໄດ້ເອົາຕົວຫລົບໜີມາພັກເຊົ່ານຳພີ່ນ້ອງຢູ່ນະຄອນຫລວງວຽງຈັນ, ສ່ວນທ້າວ ພອນທະວີ ແມ່ນເສຍຊີວິດຢູ່ໂຮງໝໍແຂວງໃນອີກສອງມື້ຕໍ່ມາ ແລະ ມາຮອດວັນທີ
25 ຕຸລາ 2016 ທ້າວ ຮຸ່ງ ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ.
ຜ່ານການສືບສວນ-ສອບສວນຂອງເຈົ້າໜ້າທີ່, ທ້າວ ຮຸ່ງ ໄດ້ຮັບສາລະ ພາບວ່າ: ຕົນ ແລະ ຜູ້ຕາຍໄດ້ຮູ້ຈັກກັນມາດົນ ແລະ ຮ່ວມກັນຄ້າຂາຍຢາເສບຕິດ ແລະ ຕົ້ນປີ
2016 ຕົນໄດ້ເອົາຢາບ້າຈຳນວນ 200 ເມັດ ໃຫ້ຜູ້ຕາຍໄປຂາຍ ແຕ່ບໍ່ໄດ້ເງິນ ຈຶ່ງເກີດຄວາມຄຽດແຄ້ນ ແລະ ລົງມືຄາດຕະກຳດ້ວຍວິທີດັ່ງກ່າວ.
No comments:
Post a Comment