ໃນວັນທີ 26 ກຸມພານີ້, ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ແລະ ກົມການບິນພົນລະເຮືອນ, ກະຊວງໂຍທາທິການ ແລະ ຂົນສົ່ງ, ໄດ້ລົງນາມບັນບົດທຶກຄວາມເຂົ້າໃຈໃນການຈັດຕັ້ງປະຕິບັດກິດຈະກຳທາງດ້ານສາທາລະນະສຸກ
ປະຈຳດ່ານເຂົ້າ-ອອກ ສະໜາມບິນວັດໄຕ, ຂຶ້ນທີ່
ສະໜາມບິນວັດໄຕ,
ນະຄອນຫຼວງວຽງຈັນ, ລະຫວ່າງທ່ານ ວັນເພັງ ຈັນທະພອນ ຫົວໜ້າກົມການບິນພົນລະເຮືອນ ແລະ ທ່ານ ດຣ ບຸນຫຼາຍ
ພົມມະສັກ ຫົວໜ້າກົມຄວບຄຸມພະຍາດຕິດຕໍ່, ມີບັນດາຜູ້ຕາງໜ້າກົມກອງອ້ອມຂ້າງຂອງສອງກະຊວງເຂົ້າຮ່ວມເປັນສັກຂີພິຍານ.
ຫົວໜ້າກົມຄວບຄຸມພະຍາດຕິດຕໍ່ໃຫ້ຮູ້ວ່າ:
ເພື່ອປະຕິບັດພັນທະຕາມກົດລະບຽບສາທາລະນະສຸກສາກົນ ແລະ ໃຫ້ສອດຄ່ອງກັບກົດໝາຍການບິນ ແລະ
ບັນດາຂໍ້ກຳນົດກົດລະບຽບຂອງອົງການການບິນພົນລະເຮືອນສາກົນ, ເຮັດໃຫ້ວຽກງານປະສານງານຮ່ວມມືຂອງສອງຂະ
ແໜງການດັ່ງກ່າວໃນການເຝົ້າລະວັງ, ກວດກາ ແລະ
ຄົ້ນຫາພະຍາດແຕ່ຫົວທີເພື່ອຕອບໂຕ້ໃຫ້ທັນເວລາ, ຊຶ່ງໄລຍະຜ່ານມາ ຈຸດຜ່ານດ່ານເຂົ້າ-ອອກສະໜາມບິນສາກົນໃນທົ່ວປະເທດເຫັນວ່າເປັນຈຸດທີ່ມີຜູ້ໂດຍ
ສານເຂົ້າ-ອອກ ເປັນຈຳນວນຫຼວງຫຼາຍ ແລະ ນັບມື້ເພີ່ມຂຶ້ນ.
ດັ່ງນັ້ນຈຶ່ງມີຄວາມສ່ຽງຕໍ່ການເກີດພະຍາດຕິດຕໍ່ຢູ່ໃນໂລກກໍ່ຄືໃນຂົງເຂດພາກພື້ນເຊັ່ນ:
ພະຍາດ ຊາຣສ,
ໄຂ້ວັດສັກປີກ, ອີໂບລາ,
ເມີສ, ຊີກາ ແລະ
ພະຍາດອື່ນໆ ກໍ່ຈະສາມາດແຜ່ລະບາດໄດ້, ຖ້າປັດສະຈາກມາດຕະການ ໃນການກັ່ນຕອງ ແລະ ຄົ້ນຫາຄົນເຈັບແຕ່ຫົວທີ ແລະ
ອີກຢ່າງໜຶ່ງກໍ່ເພື່ອອຳນວຍຄວາມສະດວກໃຫ້ ແກ່ໜ່ວຍງານສາທາລະນະສຸກ ແລະ
ໜ່ວຍງານທີ່ກ່ຽວຂ້ອງໄດ້ເຄື່ອນໄຫວຕາມພາລະບົດບາດວິຊາເພາະຂອງຕົນ.
ສະນັ້ນ,
ກົມຄວບຄຸມພະຍາດຕິດຕໍ່ກະຊວງສາທາລະນະສຸກ ແລະ ກົມການບິນພົນລະເຮືອນກະຊວງໂຍ
ທາທິການ ແລະ ຂົນສົ່ງ ຈຶ່ງໄດ້ສ້າງບົດບັນທຶກຄວາມເຂົ້າໃຈຂຶ້ນເພື່ອປະສານງານ, ຮ່ວມມືໃນການສະ ກັດກັ້ນ
ການແຜ່ລະບາດຂອງພະຍາດທີ່ອາດຈະຖືກນຳມາຂອງຜູ້ໂດຍສານທີ່ເດີນທາງມາແຕ່ຕ່າງປະເທດເຂົ້າມາໃນ
ສປປ ລາວ.
No comments:
Post a Comment