ພາຍຫຼັງນະຄອນຫຼວງວຽງຈັນ
ໄດ້ວາງນະໂຍບາຍ 6 ສ ເພື່ອພັດທະນານະຄອນຫຼວງ ວຽງຈັນ ແລະ ໜຶ່ງໃນນັ້ນກໍຄື ສ
ສະຫວ່າງ ແຕ່ຜ່ານມາເຫັນວ່າປະ ຕິບັດໄດ້ຍາກໂດຍສະເພາະແມ່ນໄຟເຍືອງທາງຕາມຖະໜົນບາງເສັ້ນທາງມີເສົາໄຟ-ດອກໄຟ
ແຕ່ບໍ່ ມີແສງສະຫວ່າງ ແລະ ບາງເສັ້ນ ກໍບໍ່ມີການຕິດຕັ້ງ
ເຊິ່ງນອກຈາກຈະເຮັດໃຫ້ການປະຕິບັດນະໂຍ ບາຍ ສ ສະຫວ່າງ
ມີສິ່ງທ້າທາຍແລ້ວຍັງເປັນເຫດໃຫ້ມີກຸ່ມຄົນບໍ່ດີສວຍໂອກາດ ກໍ່ຄວາມບໍ່ສະຫງົບເກີດຂື້ນຄື:
ການປຸຸ້ນຈີ້- ຊີງຊັບ ແລະ ອື່ນໆຄື: ຢູ່ເສັ້ນທາງຄູວຽງ, ເສັ້ນທາງ
ໂພນປ່າເປົ້າ ແລະ ອີກ ຫຼາຍແຫ່ງທີ່ມີເຫດການດັ່ງກ່າວມັກເກີດຂື້ນເລື້ອຍໆ
ເຊິ່ງຫາງສຽງສັງຄົມກໍໄດ້ສົ່ງຂ່າວວ່າສາເຫດທີ່ກຸ່ມຄົນບໍ່ດີສວຍໂອກາດກໍ່ເຫດປຸ້ນ-ຈີ້
ຊີງຊັບ ກໍ່ຄວາມບໍ່ ສະ ຫງົບນີ້ ບັນຫາໜຶ່ງກໍຍ້ອນເປັນເຂດມືດບໍ່ມີໄຟເຍືອງທາງ
ແລະເມື່ອບໍ່ດົນມານີ້ ມີປະຊາຊົນໄດ້ໂທເຂົ້າມາຍັງໜັງສືພິມລາວພັດທະ
ນາພວກເຮົາເວົ້າເລື່ອງບັນຫາໄຟເຍືອງທາງວ່າບໍ່ຮູ້ເປັນຍ້ອນຫຍັງ
ທາງຫຼາຍຈຸດບໍ່ໃຕ້ໄຟ ເຍືອງທາງ ແລະ ມີສະພາບຮຸ່ງສະຫວ່າງ ບໍ່ ທົ່ວເຖີງ ແລະ
ຢາກໃຫ້ພາກສ່ວນກ່ຽວຂ້ອງລົງກວດເບິ່ງຄືນ ໂດຍສະເພາະແມ່ນຢູ່ເສັ້ນທາງຄູວຽງ,
ໂພນປ່າເປົ້າ ແລະ ຖະໜົນ 450 ປີ.
ແນວໃດກໍດີ
ນັກຂ່າວພວກເຮົາກໍໄດ້ສອບຖາມກັບພາກສ່ວນ ກໍຄື ໄຟຟ້ານະຄອນຫຼວງວຽງຈັນ ແລະ
ໄດ້ຮັບຄຳເຫັນວ່າ: ສາເຫດທີ່ ໄຟເຍືອງທາງຢູ່ຈຸດເສັ້ນທາງຄູວຽງ,
ໂພນປ່າເປົ້າຍ້ອນການເກີດ ອຸປະຕິເຫດລົດຕຳເສົາໄຟ ແລະ
ການຊຸດໂຊມຂອງດອກໄຟ, ແຕ່ຂອດສະເໜີຂໍງົບປະມານຊັກຊ້າ ແລະ
ເຮັດໃຫ້ໄຟເຍືອງທາງຢູ່ຈຸດດັ່ງກ່າວໄດ້ມອດໄປໄລຍະ ໜຶ່ງ,
ຂະນະທີ່ຢູ່ເສັ້ນທາງ 450 ປີນີ້
ສາເຫດທີ່ບໍ່ມີໄຟເຍືອງທາງເນື່ອງຈາກວ່າມີກຸ່ມຄົນບໍ່ດີຈຳນວນໜຶ່ງໄດ້ໄປລັກຕັດສາຍໄຟ,
ຢູ່ຕາມຫຼັກເສົາໄຟເຍືອງທາງ ເຊິ່ງປັດຈຸບັນ
ທາງໄຟຟ້າກໍຕິດຕາມຜູ້ກໍ່ເຫດດັ່ງກ່າວເພື່ອດຳເນີນຄະດີ ແລະ ກໍຍອມຮັບວ່າບັນຫາໄຟເຍືອງທາງດັ່ງກ່າວອາດສົ່ງຜົນກະທົບຕໍ່ຜູ້ໃຊ້ຖະໜົນບໍ່ໜ້ອຍແຕ່ແນວໃດທາງໄຟຟ້ານະຄອນຫຼວງວຽງຈັນ
ກໍເລັ່ງແກ້ໄຂໂດຍໄວ.
ທ່ານ
ຫົວໜ້າຫ້ອງການຄຸ້ມຄອງໄຟເຍືອງທາງ ແລະ ໄຟອຳ ນາດ, ໄຟຟ້ານະຄອນຫຼວງວຽງ ຈັນ
ໃຫ້ຮູ້ວ່າ:ພາຍ ຫຼັງໄດ້ມີການໂອນມອນ
ຄວາມຮັບຜິດຊອບ ໄຟເຍືອງທາງ ແລະ
ໄຟຟອຳນາດ ຈາກ ອພບ ໃນປີ 2012 ຜ່ານມາ ເພື່ອໃຫ້ໄຟຟ້ານະຄອນຫຼວງວຽງ ຈັນ
ເປັນຜູ້ຮັບຜິດຊອບຄຸ້ມຄອງໂດຍກົງນີ້
ກໍເຫັນວ່າມີຫຼາຍອັນໄດ້ຮັບການພັດທະນາດີຂື້ນ,
ໂດຍສະເພາະແມ່ນການຄຸ້ມຄອງຮັກສາ ແລະ ສ້ອມແປງເມື່ອ ມີສະພາບເປ່ເພ ແລະ
ໄຟດັບມອດ
ກໍໄດ້ຮີບຮ້ອນແກ້ໄຂເພາະປັດຈຸບັນພວກເຮົາໄດ້ຈັດຕັ້ງໜ່ວຍງານຮັບຜິດ ຊອບ
ໂດຍກົງ ກໍຄື ຫ້ອງການຄຸ້ມຄອງ ໄຟອຳນາດ ແລະ ໄຟເຍືອງທາງ ແລະ
ໄດ້ມີການຂື້ນແຜນບຳ ລຸງສ້ອມແປງຢູ່ເປັນແຕ່ລະໄລ ຍະ,
ຂະນະທີ່ຜ່ານມາສາເຫດໄຟເຍືອງທາງຕາມຖະໜົນດັບມອດ ແມ່ນຍ້ອນ
ມາຈາກການເກີດອຸ ປະຕິເຫດລົດຕຳເສົາໄຟ, ລະບົບ ດອກໄຟເປ່ເພຊຸດໂຊມ ແລະ
ບັນ ຫາກຸ່ມຄົນບໍ່ດີລັກຕັດສາຍໄຟໄປຂາຍ ຈຶ່ງເຮັດໃຫ້ໄຟດັບມອດ,
ແນວໃດກໍດີ ເມື່ອທາງຫ້ອງການໄດ້ຮັບແຈ້ງຈາກສັງຄົມ ກໍຈະຮີບຮ້ອນລົງໄປສ້ອມແປງເພື່ອໃຫ້ສະພາບດີຂື້ນ.
ປັດຈຸບັນ ນະຄອນຫຼວງວຽງຈັນມີການຕິດຕັ້ງດອກໄຟເຍືອງທາງກວ່າ
5000 ດອກ ແລະ ມີ 35 ເສັ້ນທາງທີ່ຕິດຕັ້ງສຳເລັດແລ້ວ
ເຊິ່ງຍັງພວມເລັ່ງຕິດຕັ້ງເພີ່ມອີກ 3 ພັນກ່ວາດອກ ໃນເສັ້ນ ທາງຕ່າງໆ ທົ່ວນະຄອນຫຼວງ
ວຽງຈັນ ເພື່ອໃຫ້ຄຳຂັວນ ບັນລຸໄດ້ ສ. ສະຫວ່າງ ທີ່ວາງໄວ້ ແລະ
ແຕ່ລະວັນຈະເປີດໄຟເຍືອງທາງ ແຕ່ເວລາ 18 ໂມງ ຫາ 5 ໂມງເຊົ້າ
ເຊິ່ງອາດມີບາງບ່ອນຈະຕິດຕັ້ງເປີດໃນຊ່ວງ 17 ໂມງ ຫາ 21 ໂມງ ແລະ 21 ໂມງ ຫາ
1 ໂມງ ສະນັ້ນ ຈຶ່ງມີບາງຈຸດທີ່ດອກໄຟອາດຈະຮຸ່ງເປັນບາງດອກ ແລະ ດັບມອດເປັນບາງດອກທັງນີ້ກໍເພື່ອເປັນການປະຢັດພະລັງງານຕາມການໃຫ້ຂໍ້ມູນຂອງໄຟຟ້ານະຄອນຫຼວງວຽງຈັນ.
No comments:
Post a Comment