ກຽມປະກວດນາງສາວລາວປະຈຳປີ 2013

            ວັນທີ 27 ສິງຫານີ້ຄະນະກຳມະການາຈັດການປະກວດນາງສາວ ລາວປະຈຳປີ 22013 ໄດ້ຈັດຖະແຫຼ່ງຂ່າວຕໍ່ບັນ ດາສື່ມ່ວນຊົນກ່ຽວກັບການ ກະກຽມ ປະກວດນາງສາວລາວ ປະຈຳປີ 2013 ,ໂດຍ ການໃຫ້ກຽດເຂົ້າ ຮ່ວມຂອງທ່ານ ບົວ ເງິນ ຊາວພູວົງ ລັດຖະມົນຕີຊ່ວຍວ່າການກະຊວງ ຖະແຫຼ່ງຂ່າວວັດທ ນະທຳ ແລະ ທ່ອງທ່ຽວ, ທ່ານ ສີແພງ ວົງ ປັນຍາ ຫົວ ໜ້າກົມວັດທະນະທຳມະຫາຊົນ, ທັງເປັນຫົວໜ້າຄະນະຮັບຜິດຊອບປະກວດນາ ງສາວລາວປະຈຳປີ 2013 ຖະແຫຼ່ງ ວ່າ:ໂຄງການປະກວດນາງສາວລາວເປັນ ໂຄງການໜຶ່ງທີ່ໄດ້ຮັບການຊີ້ນຳຈາກລັດຖະບານ, ໂດຍໄດ້ມອບໃຫ້ກະຊວງຖະແຫຼ່ງຂ່າວວັດທະນະທຳ ແລະ ທ່ອງທ່ຽວ ສືບຕໍ່ຈັດຕັ້ງປະຕິບັດ ແລະ ບໍລິ ສັດ KC ເປັນຜູ້ຈັດຕັ້ງປະຕິບັດຕົວຈິງ ແລະ ເປັນກິດຈະກຳໜຶ່ງ ທີ່ນອນຢູ່ໃນແນ ວທາງການສົ່ງເສີມຄວາມກ້າວໜ້າຂອງແມ່ຍິງ, ສ້າງເງື່ອນໄຂໃຫ້ເຂົາເຈົ້າປະກອບສ່ວນເຂົ້າໃນພາລະກິດປົກ ປັກຮັກສາ ແລະ ສ້າງສາພັດທະນາປະເທດຊາດ, ຕອບສະໜອງຄວາມຮຽບຮ້ອງຕ້ອງການຂອງການພັດທະນາເສດຖະກິດ-ສັງຄົມໄລຍະໃໝ່, ທັງເປັນການເສີມສ້າງຄຸນລັກຊະນະ ແລະ ທາດແທ້ຂອງຍິງໜຸ່ມລາວ, ໃຫ້ສົມກັບເປັນຜູ້ສືບ ທອດວັດທະ ນະທຳ, ໃຫ້ສົມກັບ ເປັນຜູ້ທີ່ໄດ້ຮັບຝຶກຝົດຫຼໍ່ຫຼອມພື້ນຖານວັດທະນະທຳຂອງລາວມາແຕ່ບູຮານນະການຄື:ງານທັງກາຍ, ທັງ ຈິດໃຈ,

ມາລະຍາດວາດຊົງ, ຄວາມອ່ອນນອມຖອມຕົນ, ຄວາມເອື້ອເຟື້ອເຜື່ອແຜ່ຄວາດຸໝັ່ນອົດທົນພິລະອາດຫານ, ຄວາມ ບໍລິສຸດຈົງຮັກພັກດີຕໍ່ຄອບຄົວ ແລະ ຕໍ່ປະເທດຊາດ, ທັງເປັນການຂຸດຄົ້ນຄວາມສາມາດບົ່ມຊ້ອນ ແລະ ຫົວຄິດປະດິດສ້າງ ຂອງ ເອື້ອຍນ້ອງແມ່ຍິງລາວບັນດາເຜົ່າໃນຂອບເຂດທົ່ວປະເທດຢ່າງແທ້ຈິງ,ພ້ອມກັນນີ້ໂຄງການປະກວດນາງສາວລາວຍັງສົ່ງ ເສີມໃຫ້ໄວໜຸ່ມຍິງມີຄວາມຕັດສິນໃຈບຸກໜ້າ ບືນຕົວເພື່ອຍົກລະດັບ ຄວາມຮູ້ຄວາມສາມາດ, ສ້າງຄວາມກ້າຫານສະ ແດງ ອອກ, ສ້າງຄ່ານິຍົມອັນຖືກຕ້ອງຕໍ່ວັດທະນະທຳ, ຮີດຄອງປະເພນີອັນດີງາມຂອງຊາດ, ຍ້ອນເຫດຜົນດັ່ງກ່າວໂຄງການປະ ກວດນາງ ສາວລາວທີ່ໃນຜ່ານມາຈຶ່ງໄດ້ຮັບຄວາມດຶງດູດຄວາມສົນໃຈ ແລະ ການມີສ່ວນຮ່ວມຂອງພາກລັດ ແລະ ເອກະຊົນ ປະກອບສ່ວນ ແລະ ຊີ້ໃຫ້ເຫັນຄຸນຄ່່າຕໍ່ສັງຄົມຢ່າງມີແບບແຜນ.

        ທ່ານ ຫົວໜ້າຄະນະຮັບຜິດຊອບໂຄງການປະກວດນາງສາວລາວເນັ້ນວ່າ:ໂຄງການປະກວດນາງສາວລາວປີນີ້ເປັນປີທີ່ 5 ແລ້ວທີ ພວກເຮົາຈັດຕັ້ງປະຕິບັດກັນມາ, ການເຄື່ອນໄຫວໄລຍະຜ່ານມາແມ່ນໄດ້ສ້າງຊີ່ສຽງໃຫ້ແມ່ຍິງໄວໜຸ່ມພົ້ນເດັ່ນ. ສະແດງອອກໃນເວທີສາກົນຫຼາຍຂື້ນ, ພ້ອມນັ້ນຢູ່ໃນປະເທດຄະນະນາງສາວລາວກໍໄດ້ເຄື່ອນໄຫວຊຸກຍູ້ຊ່ວຍເຫຼືອສັງຄົມ ແລະ ເຜີຍແຜ່ຮີດຄອງປະເພນີໃຫ້ແກ່ນ້ອງໆນັກຮຽນເປັນຕົ້ນແມ່ນກິລິຍາມາລະຍາດ, ການເວົ້າຈາ, ການເຄົບລົບນົບໄຫວ້ ແລະ ອື່ນໆ, ສຳລັບການປະກວດນາງສາວລາວປະຈຳປີ 2013 ນີ້ແມ່ນໄດ້ຮັບການປະກອບສ່ວນຈາກຫຼາຍພາກສ່ວນ, ເປັນຕົ້ນ ແມ່ນສູນກາງສະຫະພັນແມ່ຍິງລາວ, ຊາວໜຸ່ມປະຊາຊົນປະຕິວັດລາວ, ສະມາຄົມນັກຂ່າວແຫ່ງສປປລາວ, ສະມາຄົມຫັດຖະ ກຳ, ນັກທຸລະກິດທັງພາກລັດ ແລະ ເອກະຊົນເປັນຜູ້ອຸປະຖຳທາງດ້ານເງິນລາງວັນ ແລະ ຜູ້ສະໜັບສະໜູນຫຼັກແມ່ນບໍລິສັດ ເບຍລາວຈຳກັດ, ບໍລິສັດບີລ່າຍ, ລັດວິສາຫະກິດໂທລະຄົມມະນາຄົມ, ບໍລິສັດການບິນລາວ ແລະ ອື່ນໆ, ສຳລັບປີນີ້ກໍຄືປີ ຜ່ານມາຄະນະຮົບຜິດຊອບການປະກວດໄດ້ເປີດຮັບສະໜັກຍິງສາວລາວ, ທີ່ມີສັນຊາດລາວໃນທົ່ວປະເທດ, ຮັບສະໝັກເອົາ ຕົວແທນລາວແຕ່ລະແຂວງ ເຂົ້າຮ່ວມປະກວດ,ໂດຍອີງຕາມມາດຖານ, ເງື່ອນໄຂທີ່ຄະນະຮົບຜິດຊອບໂຄງການວາງອອກ, ຊຶ່ງ ຄະນະຮັບຜິດຊອບຈະເປັນຈຸດຮັບສະໝັກຢູ່ 4 ຈຸດຄື: ນະຄອນຫຼວງວຽງຈັນ, ສະຫວັນນະເຂດ,ຈຳປາສັກ ແລະ ຫຼວງ ພະບາງ, ສຳລັບແຂວງອື່ນໃຫ້ ເຂົ້າມາຄັດເລືອກຢູ່ແຂວງດັ່ງ ກ່າວຕາມວັນເວລາທີ່ຄະນະຮັບ ຜິດຊອບກຳນົດໄວ້,ສຳລັບນາວ ສາຍລາວປະຈຳປີ 2013 ນີ້ຈະ ໄດ້ເຂົ້າຮອບສຸດທ້າຍ 20 ຄົນ ແລະ ງານຈະຈັດຂື້ນໃນວັນທີ 7 ທັນວາ 2013 ມາຮອດປັດ ຈຸບັນແມ່ນກຳລັງຢູ່ໃນຂັ້ນຕອນກະກຽມ ແລະ ແນ່ນອນວ່າການປະກວດປະນີ້ຕ້ອງຄືກຄື້ນເກົ່າປີຜ່ານມາ, ບໍ່ວ່າຈະເປັນຕົ້ນຜູ້ ເຂົ້າແຂ່ງຂັນ, ຂອງລາງວັນ ແລະ ອື່ນໆ.