ພິທີເຊັນສັນຍາໂຄງການກໍ່ສ້າງທາງລົດໄຟເຊື່ອມຕໍ່ລະ
ຫວ່າງລາວ-ໄທ ໄລຍະ II ໄດ້ຈັດ ຂຶ້ນໃນວັນທີ 27 ສິງຫານີ້, ຢູ່ສູນກາງຄ້າລາວ-ໄອເຕັກ, ນະ ຄອນຫລວງວຽງຈັນລະຫວ່າງທ່ານ
ຈັນທອນ ໄຊຍະກອນ ຫົວໜ້າ ໂຄງການ ຝ່າຍລາວ, ຕາງໜ້າກະຊວງໂຍທາທິການ ແລະ ຂົນສົ່ງ ແລະ ທ່ານ ພົງຈະເລີນ
ເຈືອນພານິດໄຊຍະກຸນ ຫົວໜ້າບໍລິສັດ ເສີມສະຫງວນ ກໍ່ສ້າງປະເທດໄທ ຈຳກັດ, ໂດຍມີທ່ານ ດຣ ຄຳ ແສງ
ໄຊຍະກອນ ຜູ້ຊ່ວຍລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ, ທ່ານ ດຣ ສົມ ປອງ ພົນເສນາ
ຫົວໜ້າກົມທາງລົດໄຟ, ທ່ານ ຄຳ ສັກ ວົງມາລາສິດ ປະທານບໍລິສັດລາວເວີນກໍ່ສ້າງພ້ອມດ້ວຍພະນັກງານທີ່ກ່ຽວ ຂ້ອງສອງຝ່າຍເຂົ້າຮ່ວມເປັນສັກຂີພິຍານ.
ໂຄງການກໍ່ສ້າງເສັ້ນທາງລົດໄຟເຊື່ອມຕໍ່ລະຫວ່າງລາວ-ໄທໄລຍະ
IIໄດ້ຮັບການສະໜັບສະໜູນທາງດ້ານການ ເງິນເປັນທຶນຊ່ວຍເຫລືອລ້າ30% ແລະ ກູ້ຢືມດອກ ເບ້ຍຕ່ຳ70%ຈາກອົງການຮ່ວມມືພັດທະນາເສດຖະກິດບັນດາປະ
ເທດເພື່ອນບ້ານ(ນີດາNIDA) ປະເທດໄທ ເຊິ່ງລວມມີການກໍ່ສ້າງລານຕູ້ສິນຄ້າ, ລະບົບສາງ, ຫ້ອງການ,
ເຮືອນພັກພະນັກ ງານ ແລະ ຍົກລະດັບລະບົບສັນຍານຢູ່ສະຖານີທ່ານາແລ້ງເປັນລະບົບເຄິ່ງອັດຕະໂນມັດ
ລວມມູນຄ່າກໍ່ສ້າງທັງໝົດ 591 ລ້ານກວ່າບາດ (ສະກຸນເງິນໄທ), ມີກຳນົດກໍ່ສ້າງພາຍໃນ 18 ເດືອນພາຍຫລັງເຊັນສັນຍາ.
ເມື່ອໂຄງການດັ່ງກ່າວສຳເລັດຈະ ສາມາດດຳເນີນການບໍລິການຂົນສົ່ງສິນຄ້າທາງລົດໄຟ ເຊິ່ງຈະ ເປັນການປະກອບສ່ວນສຳຄັນ
ເຂົ້າໃນການສ້າງສາພັດທະນາ ປະເທດເຮົາ ແລະ ສາມາດເຊື່ອມ ຕໍ່ກັບບັນດາປະເທດໃນອະນຸພາກພື້ນ.
ສຳລັບໂຄງການກໍ່ສ້າງເສັ້ນທາງລົດໄຟໄລຍະທີ
I ແມ່ນໄດ້ກໍໍ່ສ້າງລະບົບລາງລົດໄຟແຕ່ທ່ານາແລ້ງ-ກາງຂົວມິດຕະ ພາບລາວໄທ ມີຍາວ
3,5 ກິໂລແມັດ ແລະ ກໍ່ສ້າງສະຖານີລົດໄຟທ່ານາແລ້ງເມືອງຫາດຊາຍຟອງນະຄອຫລວງວຽງຈັນ.
No comments:
Post a Comment