ຮອງນາຍົກລັດຖະມົນຕີ ສົມສະຫວາດ ເລ່ັງສະຫວັດ ເນັ້ນໃຫ້ແຂວງສະຫວັນນະເຂດຕ້ອງຄ້ຳປະກັນດ້ານສະບຽງອາ ຫານໃຫ້ໄດ້

           ໃນວັນທີ 27 ສິງຫານີ້ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດ ຖະມົນຕີ, ຜູ້ຊີ້ນຳວຽກງານເສດຖະກິດ ພ້ອມຄະນະໄດ້ເດີນທາງໄປຢ້ຽມຢາມ ແລະ ເຮັດວຽກທີ່ແຂວງສະຫວັນນະເຂດ ເຊິ່ງມີທ່ານ ດຣ ສຸພັນ ແກ້ວ ມີໄຊ ເຈົ້າ ແຂວງໆ ສະຫວັນນະເຂດບັນດາການນຳແຂວງໃຫ້ການຕ້ອນຮັບຢ່າງອົບ ອຸ່ນ.                       

           ໂດຍ​ເບື້ອງຕົ້ນ ທ່ານເຈົ້າແຂວງ ໄດ້ລາຍງານບາງສະພາບພົ້ນເດັ່ນຂອງການ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງ ທີ IX ຂອງພັກກໍຄືມະຕິກອງປະຊຸມ ໃຫຍ່ຄັ້ງທີ VII ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງ ຄົມຂອງ ລັດຖະບານ ກໍຄືຂອງແຂວງສະຫວັນນະເຂດ ໃນໄລຍະເຄິ່ງສະໄໝຜ່ານມາ ແລະ ການຈັດຕັ້ງປະຕິບັດວຽກງານສາມສ້າງວ່າ: ລວມຍອດຜະລິດຕະພັນພາຍໃນ(GDP) ສຳລັບສົກປີ 2012-2013 ໄດ້ລື່ນແຜນ 11,6%  ­ປີຜ່ານມາ 12,3%, ລາຍ ຮັບຕໍ່ ຫົວຄົນບັນລຸໄດ້ 1.440 ໂດ ລາຕໍ່ຄົນຕໍ່ປີ ລື່ນຄາດໝາຍ 392 ໂດລາ, ລາຍຮັບງົບ ປະມານ (ຮອດວັນທີ 22/08/2013) ເກັບ ໄດ້ 793,8ຕື້ກີບ ເທົ່າກັບ 76% ຂອງແຜນການປີ, ການສົ່ງອອກສິນຄ້າພາຍໃນ

ມີມູນຄ່າທັງໝົດ 809,4 ລ້ານໂດລາເທົ່າ ກັບ 95% ຂອງແຜນການປີ, ການລົງທຶນຂອງລັດປະຕິບັດສຳເລັດ 274 ໂຄງການ ມູນຄ່າ 55,78 ຕື້ກີບການລົງທຶນພາຍໃນ ແລະ ຕ່າງ ປະເທດ ໃນ 10 ເດືອນຕົ້ນປີ ເພີ່ມ ຂຶ້ນ 9 ໂຄງການ ມີມູນຄ່າ ຫລາຍ ກວ່າ 37 ລ້ານໂດລາ; ໂດຍສຶບຕໍ່ ປະຕິບັດຕາມ 4 ເນື້ອໃນ 4 ຄາດໝາຍຂອງຄຳສັ່ງແນະນຳເລກທີ  09/ ກມສພ ແລະ ເລກທີີີ 03/ກມ ສພ, ໄດ້ຫັນເອົາພະນັກງານ ແລະ  ທຶນ ຮອນລົງສູ່ຮາກຖານຈຸດສຸມ ແລະກຸ່ມບ້ານພັດທະນາ, ຕາມ ການກວດກາເບື້ອງຕົ້ນ ເຫັນວ່າ: ຄອບຄົວທຸກຍາກຫຼຸດລົງກວ່າ ມາດຕະຖານເກົ່າ ເຄິ່ງໜຶ່ງ ເປັນຕົ້ນເມືອງທຸກຍາກ ໄດ້ຫຼຸດລົງ ຈາກ 4ເມືອງຍັງເຫຼືອ 2 ຕົວເມືອງຄື: ເມືອງນອງ ແລະ ເຊ ໂປນ, ຄອບຄົວທຸກຍາກມີ 15.936 ຄອບຄົວ ເທົ່າກັບ9,3% ຂອງຄອບ ຄົວທັງໝົດ ແລະ ບ້ານທຸກຍາກຍັງ ເຫຼືອ 282 ບ້ານກວມ 27,84% ຂອງຈຳນວນບ້ານທັງໝົດ ແລະ ຈຳນວນບ້ານພັດທະນາກໍເພີ່ມຂຶ້ນເປັນ 117 ບ້ານເທົ່າກັບ11,5%.                     

           ໂອກາດນີ້, ທ່ານຮອງ ນາຍົກລັດຖະມົນຕີ ສົມສະຫວາດ ເລັ່ງສະຫວັດ ກໍໄດ້ເນັ້ນຕື່ມບາງບັນຫາຈຸດສຸມ ແລະ​ເນັ້ນໃຫ້ແຂວງສະຫວັນນະເຂດ ກາຍເປັນບ່ອນ ຈັດຕັ້ງປະຕິບັດ ໂຄງການຄ້ຳປະກັນຄວາມໝັ້ນຄົງດ້ານສະບຽງອາຫານ ຂອງປະເທດລາວ ທີ່ໄດ້ກຳນົດໄວ້ໃນຍຸດທະສາດການພັດທະນາ 5 ປີຄັ້ງທີ 8 ຮ່ວມກັບ ແຂວງຄຳມ່ວນ. ດັ່ງນັ້ນ, ບັນຫາ ສຳຄັນ ແມ່ນກ່ຽວກັບນ້ຳທີ່ຈະຕອບສະໜອງໃຫ້ແກ່ການກະສິກຳຕ້ອງໄດ້ເບິ່ງຄືນ ພ້ອມກັນສຶກ ສາລະອຽດ ບໍ່ວ່າຈະເປັນການ ສ້າງຊົນລະປະທານ ຫຼື ອ່າງເກັບນ້ຳ, ຕ້ອງໄດ້ເຕົ້າໂຮມເອົາພາກ ເອກະຊົນຂອງລາວທີ່ມີຄວາມອາດສາມາດມາຮ່ວມກັນ ເຮັດ, ເພື່ອສ້າງຄວາມເຂັ້ມແຂງໃຫ້ແກ່ພາກທຸລະກິດລາວ ສາມາດແຂ່ງຂັນກັບຕ່າງປະເທດໄດ້ໃນເງື່ອນໄຂໃໝ່ຂອງການເຊື່ອມ ໂຍງ, ກ່ຽວກັບການຮັກສານ້ຳພາກກະສິກຳ ແລະ ປ່າໄມ້ ກໍຕ້ອງວາງເປັນໂຄງການເພື່ອປູກປ່າ ແລະ ຮັກສາຍອດນ້ຳ, ດ້ານໜຶ່ງກໍເພື່ອ ພັດທະນາແຂວງມີຍືນຍົງທາງດ້ານກະສິກຳດັ່ງນັ້ນກໍຈຳເປັນ ຕ້ອງໄດ້ ມີແຜນພັດ ທະນາຊົນນະ ບົດ ຕາມທິດຊີ້ນຳຂອງພັກ-ລັດ ໃນການສ້າງຊົນນະບົດໃໝ່, ໂຮມບ້ານນ້ອຍເປັນບ້ານໃຫຍ່ ແລະ ເປັນຕົວເມືອງນ້ອຍໃນຊົນນະບົດ ຕິດພັນກັບວຽກງານ 3 ສ້າງ. ຫຼັງ ຈາກນັ້ນແລ້ວ ກໍ່ກ້າວໄປສູ່ການ ຫັນເປັນກົນຈັກ, ກຳນົດເຂດອຸດ ສາຫະກຳ ເພື່ອຮອງຮັບດ້ານກະສິກຳ, ບັນຫາສຳ ຄັນອີກອັນໜຶ່ງ ແມ່ນ ເລື່ອງດິນ ກໍ່ໃຫ້ເອົາໃຈໃສ່ຕື່ມ ໂດຍສອດຄ່ອງກັບທິດການເຮັດກະສິກຳສະອາດ, ປອດສານພິດ ເປັນ ມິດກັບສິ່ງແວດລ້ອມ, ພ້ອມນີ້ ການຜະລິດເປັນສິນຄ້າຕ້ອງສາມາດຕອບສະໜອງຄວາມຕ້ອງການຂອງຕະຫຼາດ ແລະ ໄດ້ມາດ ຕະຖານທີ່ຕ່າງປະເທດກຳນົດ, ຄຽງຄູ່ກັນນັ້ນ, ກໍຕ້ອງໄດ້ກຳນົດບ່ອນທີ່ຈະສ້າງສູນ ຫຼື ສະຖານີຄົ້ນຄວ້າ, ທົດລອງ ແລະ ຜະ ລິດແນວພັນ ລວມເຖິງການສົ່ງເສີມດ້ານເຕັກນິກ-ເຕັກ ໂນໂລຊີອັນ ໃໝ່ເຂົ້າໃນການຜະລິດ; ດ້ານບຸກທະລຸທັງ 4 ດ້ານ. ໃນ ນັ້ນ, ດ້ານຈິນຕະນາການກໍໃຫ້ມີການໄລ່ລຽງຢ່າງຄັກແນ່, ກຳ ນົດລະອຽດສິນຄ້າຕາມກົນໄກຕະຫຼາດ ທີ່ແທດເໝາະກັບສະ ພາບຂອງແຕ່ລະທ້ອງຖິ່ນ, ດ້ານການພັດທະນາຊັບພະຍາກອນມະນຸດກໍ່ໃຫ້ມີແຜນລະອຽດເພື່ອຕອບສະໜອງບຸກຄະລາ ກອນໃຫ້ແກ່ການຜະລິດສິນຄ້າແບບຍືນຍົງໂດຍສົມທົບກັບກະຊວງສຶກສາ ແລະ ສະຖາບັນການສຶກສາຕ່າງໆ.