ສູນພັດທະນາ ແລະ ບໍລິການດ້ານການກະເສດຫ້ວຍຊອນ-
ຫ້ວຍຊົ້ວ ຕັ້ງຢູ່ບ້ານນາຍາງ ເມືອງນາຊາຍທອງ ນະຄອນ ຫລວງວຽງຈັນ ເປັນໂຄງການອັນເນື່ອງມາຈາກພະຣາຊະດຳຣິ
ຮ່ວມມືລະຫວ່າງ ສປປ ລາວ ແລະ ຣາຊະອານາຈັກໄທ ສ້າງຕັ້ງຂື້ນໃນເດືອນເມສາ 1994 ມາຮອດປັດຈຸບັນແມ່ນມີອາຍຸຄົບຮອບ
20 ປີ ແລະ ໃນວັນທີ 29 ເມສາຜ່ານມານີ້, ກະຊວງກະສິ ກຳ ແລະ ປ່າໄມ້, ໄດ້ຈັດພິທີສະເຫລີມສະຫລອງວັນສ້າງຕັ້ງສູນດັ່ງກ່າວຄົບຮອບ
20 ປີ ພ້ອມທັງປະດັບຫລຽນໃຫ້ກົມກອງ ແລະ ພະນັກງານທີ່ມີຜົນງານດີເດັ່ນປະກອບສ່ວນເຂົ້າໃນການພັດທະນາສູນແຫ່ງນີ້.
ໂດຍການເປັນກຽດເຂົ້າຮ່ວມຂອງ ສົມເດັດພະເທບ ຣັດຣາຊະສຸດາ ສະຫຍາຍບໍຣົມມະຣາຊະກຸມາລີ,
ທ່ານ ວິໄລວັນ ພົມເຂ ລັດຖະມົນຕີວ່າ ການກະ ຊວງກະສິກຳ ແລະ ປ່າໄມ້, ມີຄະນະກຳມະການປະສານງານໂຄງການອັນເນື່ອງມາຈາກພະຣາຊະດຳຣິ
(ກປຣ) ຕະຫຼອດຮອດພະນັກ ງານວິຊາການພາຍໃນສູນ ແລະ ຄະນະຜູ້ແທນຈາກ ຣາຊະອານາຈັກໄທ
ເຂົ້າຮ່ວມໃນໂອກາດດັ່ງກ່າວ ທ່ານ ດຣ. ຕຣີ ພົມມະສັກລັດຖະມົນຕີຊ່ວຍວ່າ ການກະຊວງກະສິກຳ
ແລະ ປ່າໄມ້ ໄດ້ໃຫ້ຮູ້ເຖິງຜົນຂອງການ ຈັດຕັ້ງປະຕິບັດກິດຈະກຳ
ຂອງໂຄງ ການຕະຫລອດໄລຍະ
20 ປີ ຊຶ່ງໂຄງການພະຣາຊະດຳຣິ ໄດ້ສ້າງພື້ນຖານໂຄງລ່າງເກັບນ້ຳຫ້ວຍຊອນ-ຫ້ວຍຊົ້ວ
ສາມາດປັບນ້ຳໄດ້ປະມານ 2 ລ້ານແມັດກ້ອນ, ສາມາດສະໜອງນ້ຳໃຫ້ເນື້ອທີ່ຜະລິດລະດູແລ້ງໄດ້
200 ກວ່າເຮັກຕາ, ຂຸດໜອງລ້ຽງປາ 200 ກວ່າໜອງ, ເຈາະບາດານໃຫ້ບ້ານອ້ອມຂ້າງ, ຈັດຕັ້ງກຸ່ມຜູ້ນຳໃຊ້ຊົນລະປະທານໄດ້
8 ກຸ່ມ ແລະ ມີ 350 ຄອບຄົວ ເຂົ້າຮ່ວມວຽກງານປູກຝັງ, ໄດ້ຂະຫຍາຍແນວພັນເຂົ້າ,
ແນວພັນໄມ້ໃຫ້ໝາກ, ປູກຜັກປອດສານພິດ, ລ້ຽງສັດ ແລະ ການປະມົງ, ພ້ອມນີ້ ກໍໄດ້ສົ່ງເສີມໃຫ້ປະຊາ
ຊົນ-ຊາວກະສິກອນທຳການຜະ ລິດສ້າງເປັນຄອບຄົວຕົວແບບໃນການປູກຝັງ-ລ້ຽງສັດ. ນອກ
ຈາກສົ່ງເສີມດ້ານວິຊາສະເພາະແລ້ວສູນດັ່ງກ່າວຍັງຖືສຳຄັນກໍ່ ສ້າງບຸກຄະລາກອນໃນຫລາຍຮູບແບບເປັນຕົ້ນການສາທິດ,
ການຈັດອົບຮົມໄລຍະສັ້ນດ້ານການປູກຝັງ-ລ້ຽງສັດ, ການປະ ມົງ, ການຄຸ້ມຄອງນ້ຳ, ການປັບ
ປຸງພັດທະນາດິນ, ການເຝິກອົບຮົມໄລຍະຍາວທັງຢູ່ພາຍໃນ ແລະ ຕ່າງປະເທດ ແລະ ອື່ນໆ.
ໃນໂອກາດນີ້, ສົມເດັດພະເທບຣັດຣາຊະສຸດາ
ສະຫຍາມບໍ ຣົມມະຣາຊະກຸມາລີ ໄດ້ສະແດງຄວາມຊົມເຊີຍຕໍ່ຜົນສຳເລັດທີ່ສູນພັດທະນາ
ແລະ ບໍລິການດ້ານການກະເສດຫ້ວຍຊອນ-ຫ້ວຍຊົ້ວ ຍາດມາໄດ້ຕະຫລອດໄລຍະ 20 ປີຜ່ານມາ
ເຮັດໃຫ້ສູນແຫ່ງນີ້ໄດ້ຮັບການພັດທະນາ, ປະຊາຊົນມີຊີວິດການເປັນຢູ່ດີຂຶ້ນ.
ພ້ອມນີ້ ທ່ານຍັງໄດ້ສະແດງຄວາມເຊື່ອໝັ້ນວ່າໂຄງການດັ່ງກ່າວຈະສືບຕໍ່ໄດ້ຮັບການພັດທະນາຢ່າງຕໍ່ເນື່ອງ
ເພື່ອເຮັດໃຫ້ສູນດັ່ງກ່າວ ກາຍເປັນສັນຍາລັກແຫ່ງການພົວພັນຮ່ວມມືລະຫວ່າງ
ສອງປະເທດໄທ-ລາວ ສືບຕໍ່ໝັ້ນຄົງຕະຫລອດໄປ.
No comments:
Post a Comment