ຈີນຈະສົ່ງດາວທຽມສື່ສານດວງທຳອິດຂຶ້ນສູ່ອະວະກາດໃຫ້ລາວ

      ຕາມເວັບໄຊທາງການຂອງ ກຸ່ມບໍລິສັດວິທະຍາສາດເຕັກໂນໂລຊີການບິນອະ ວະກາດຈີນ ແຈ້ງໃຫ້ຊາບວ່າ, ບໍລິສັດດາວທຽມໂທລະຄົມເຄື່ອນທີ່ອາຊີປາຊີຟິກ ຈີນຈຳກັດທີ່ຂຶ້ນກັບສະຖາບັນຄົ້ນຄວ້າທີ 1 ຂອງກຸ່ມບໍລິສັດວິທະຍາສາດເຕັກໂນໂລ ຊີການບິນອະວະກາດຈີນໄດ້ຈັດກອງປະຊຸມວຽກງານເປີດໂຄງການກໍ່ສ້າງສະຖາ ນີພາກພື້ນດິນຂອງ ໂຄງການດາວທຽມສື່ສານ  “ລາວ-1” ຢູ່ນະຄອນຫຼວງວຽງ ຈັນທີ່ຝັ່ງເໜືອແມ່ນ້ຳຂອງໃນ ເມື່ອມໍ່ໆມານີ້, ຊຶ່ງເປັນຂີດໝາຍ ສະແດງໃຫ້ເຫັນວ່າ, ໂຄງການ ກໍ່ສ້າງສະຖານີພາກພື້ນດິນຂອງໂຄງການດາວທຽມລາວໄດ້ເລີ່ມຕົ້ນຂຶ້ນຢ່າງເປັນທາງການແລ້ວ.  

      ຕາມຂ່າວແຈ້ງວ່າ, ດາວທຽມດວງນີ້ບໍ່ພຽງແຕ່ຈະເປັນດາວທຽມສື່ສານດວງທຳອິດຂອງລາວເທົ່ານັ້ນ, ຍັງເປັນດາວທຽມ ດວງທຳອິດທີ່ຈີນສົ່ງອອກ ໄປໃຫ້ປະເທດອາຊຽນນຳອີກ. ພ້ອມດຽວກັນນັ້ນ, ໂຄງການດາວທຽມລາວຍັງເປັນໂຄງການ ທຳ ອິດທີ່ຈີນສົ່ງອອກດາວທຽມແລະ ມີສ່ວນຮ່ວມໃນການດຳເນີນທຸລະກິດຢູ່ພາກພື້ນດິນ.     

      ຕາມຂ່າວແຈ້ງວ່າ, ກ່ອນເລີ່ມປະຕິບັດໂຄງການສະຖານີດາວທຽມບໍ່ດົນ, ທາງການຂອງຈີນກໍ່ໄດ້ອະນຸມັດຢ່າງເປັນທາງ ການໃຫ້ບໍລິສັດດາວທຽມ ໂທລະຄົມເຄື່ອນທີ່ອາຊີປາຊີຟິກຈີນຈຳກັດສົ່ງອອກລະບົບດາວທຽມວິທະຍຸສື່ສານໃຫ້ລາວ. ຜ່ານ ຈາກຂັ້ນຕອນພິຈາລະນາ ແລະ ອະນຸມັດທີ່ດຳເນີນມາເປັນ ເວລາກວ່າ 2 ປີ, ໂຄງການສົ່ງອອກດາວທຽມໃຫ້ລາວໄດ້ປະຕິບັດ ສຳເລັດເອກະສານຕາມລະບຽບກົດໝາຍຢ່າງຄົບຖ້ວນ ແລະ ໄດ້ມີຜົນບັງຄັບໃຊ້ຢ່າງເປັນທາງການ.