ສະພາບນ້ຳຖ້ວມຢູ່ບ້ານຕານປ່ຽວເຮັດໃຫ້ເນື້ອທີ່ກະສິກຳຂອງປະຊາຊົນເສຍຫາຍຫລາຍເຮັກຕາ

           ສະພາບການນ້ຳຖ້ວມຢູ່ບ້ານຕານປຽວ ເມືອງທຸລະຄົມ ແຂວງວຽງຈັນ ເມື່ອມໍ່ໆມານີ ໄດ້ເຮັດໃຫ້ພື້ນທີ່ກະສິກຳ ຂອງປະຊາຊົນໄດ້ຮັບຜົນກະທົບ ແລະ ເສຍຫາຍຫຼາຍເຮັກຕາລວມທັງດິນນາ ແລະ ສ່ວນສາລີ ໃນນັ້ນ ທີ່ເສຍຫາຍຫຼາຍ ກວ່າໝູ່ແມ່ນສ່ວນສາລີອາດສົ່ງຜົນກະທົບບໍ່ໜ້ອຍຕໍ່ລາຍຮັບຂອງປະຊາຊົນ, ໃນຂະ ນະທີ່ຫຼາຍຄອບຄົວກູ້ຢືນເງິນຈາກທະນາ ຄານເປັນຈຳນວນຫລາຍເຂົ້າໃນການຜະລິດ.

         ທ່ານ ສຸດສາຄອນ ວັນນາລີ ນາຍບ້ານ ບ້ານຕານປ່ຽວ ເມືອງ ທຸລະຄົມ ແຂວງວຽງຈັນ ໃຫ້ສຳພາດຕໍ່ໜັງສືພິມລາວ ພັດທະນາ ວ່າ: ລະດັບນ້ຳໃນແມ່ນ້ຳງືມຍັງຖ້ວມຫລາຍພື້ນທີ່ການຜະລິດກະ ສິກຳໂດຍສະເພາະແມ່ນສ່ວນສາລີຂອງປະຊາ ຊົນເສຍຫາຍໄປແລ້ວຫຼາຍເຮັກຕາຈາກຜົນການສຳຫຼວດເຫັນວ່າ: ມີພື້ນທີ່ດິນນາ ຂອງປະຊາຊົນເສຍຫາຍປະມານ 24 - 25 ໄລ່ ແລະ ສ່ວນສາລີປະມານ 4 - 5 ເຮັກຕາ.

ເຊິ່ງປັດຈຸບັນຊາວບ້ານເລັ່ງເກັບກູ້ຜົນຜະລິດ ແລະ ມ້ຽນມັດຜົນເກັບກ່ຽວ ຂອງ ຕົນເພື່ອເຮັດໃຫ້ຜົນເສຍຫາຍໜ້ອຍທີ່ສຸດ.

          ນາຍບ້ານ ບ້ານ ຕານປ່ຽວ ກ່າວວ່າ: ສະພາບໄພນ້ຳຖ້ວມຢູ່ ບ້ານດັ່ງກ່າວຢູ່ໃນລະດັບຕ່ຳ ເມື່ອທຽບກັບປີຜ່ານມາ ແຕ່ກໍສົ່ງຜົນກະທົບບໍ່ໜ້ອຍຕໍ່ລາຍຮັບຂອງປະຊາຊົນໃນຂະນະທີ່ປະຊາຊົນຫຼາຍຄອບຄົວກູ້ຢືນເງິນຈາກທະນາຄານສົ່ງເສີມ ກະສິກຳ ແລະ ກອງທຶນພັດທະນາບ້ານມາຮັບໃຊ້ເຂົ້າໃນການຜະລິດກະສິກຳ ແລະ ຈົນເຖິງປັດຈຸບັນນີ້ກໍຍັງບໍ່ມີພາກສ່ວນ ໃດລົງໄປສຳຫຼວດ, ກວດກາ ແລະ ໃຫ້ຄວາມຊ່ວຍເຫຼືອແຕ່ປະການໃດ .