ລາວໂທລະຄົມຮ່ວມກັບກະຊວງສາທາລະນະສຸກສ້າງຂະບວນການທຳລາຍແຫລ່ງແຜ່ພັນຍຸງລາຍຢູ່ບ້ານດອນກອຍ

               ວັນທີ 17 ສິງຫານີ້, ບໍລິສັດລາວໂທລະຄົມໄດ້ຮ່ວມກັບກະຊວງສາ ທາລະນະສຸກເປີດຂະບວນການ ທຳລາຍ ແຫຼ່ງແຜ່ພັນຍຸງລາຍແບບຕະລຸມ ບອນ ຢູ່ບ້ານດອນກອຍເມືອງສີສັດຕະນາກ ນະຄອນຫຼວງວຽງຈັນພາຍຫຼັງ ເຫັນວ່າ ຢູ່ເຂດ ດັ່ງກ່າວຍັງມີການແຜ່ລະບາດຮ້າຍແຮງຂອງພະຍາດໄຂ້ເລືອດອອກໂດຍການ ເຂົ້າຮ່ວມຂອງທ່ານ ພູຂົງ ຈິດ ຮູບໂລກຮອງອຳນວຍ ການບໍລິສັດລາວໂທລະຄົມ, ທ່ານ ດຣ ສີສະຫວາດ ສຸດທານີລະໄຊ ຮອງຫົວໜ້າກົມພະຍາດຕິດຕໍ່ກະ ຊວງສາ ທາລະນະສຸກ ພ້ອມດ້ວຍອຳນາດການປົກຄອງ ແລະ ປະຊາຊົນເຂົ້າຮ່ວມເປັນຈຳ ນວນຫຼາຍເພື່ອປຸກລະດົມປະຊາຊົນເປັນເຈົ້າການໃນການຮັກສາອະນາໄມບ້ານ ເຮືອນຂອງຕົນເອງ, ທຳລາຍໜອນນ້ຳກຳຈັດການແຜ່ຂະຫຍາຍຂອງຍຸງລາຍທີ່ເປັນພາຫະນະນນຳເຊື້ອ ຂອງພະຍາດໄຂ້ເລືອດ ອອກໂດຍຂະບວນດັ່ງກ່າວໄດ້ລົງກວດຕາມເຮືອນຂອງປະຊາຊົນ ແລະ ໄດ້ສຶກສາອົບຮົມໃຫ້ປະຊາຊົນ ຕ້ອງປະຕິບັດຄຳຂວັນ 5 ປ ທີກະຊວງສາທາລະນະສຸກວາງອອກຢ່າງເຂັ້ມງວດເຊັ້ນ: 1 ປິດຝາພາຊະນະມີນ້ຳໃນເຮືອນ ແລະ ນອກເຮືອນເພື່ອບໍ່ໃຫ້ຍຸງ

ມາໄຂ່ໃສ່, ປ່ຽນນ້ຳໃນພາຊະນະ ເຊັ່ນ:ເຕົ້າດອກໄມ້,ນ້ຳຮອງຕີນ ຕູ້, ຖ້ານຮອງຈອກນ້ຳ, 3 ປ່ອຍປາ ຫາງນົກຍຸງເພື່ອກິນໜອນ້ຳ ,4 ປັບປຸງການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປ່ະ, ປະປ່ອງ, ຢາງຕີນລົດເກົ່າ ທີ່ມີ ນ້ຳ, 5 ປະຕິບັດໃຫ້ເປັນນິໄສ ປະຈຳທຸກອາທິດຖ້າເປັນໄຂ້ໃຫ້ໄປພັບແພດດ່ວນ. ນອກຈາກນັ້ນຍັງໄດ້ຕິດປ້າຍເຕືອນຄວາມຈຳ ໃນການຮັກສາຄວາມສະອາດ, ທຳລາຍແຫຼ່ງເພາະພັນຍຸງລາຍ 1 ຄັ້ງຕໍ່ອາທິດຢ່າງໜ້ອຍ. ພ້ອມນັ້ນເພື່ອເປັນແບບຢ່າງທີ່ດີໃຫ້ ແກ່ບ້ານອື່ນໆ ແລະ ຖ້າຫາກ ທຸກໆບ້ານປະຕິບັດ ຄຳຂວັນ 5 ປ ດັ່ງກ່າວເຊື່ອວ່າ ການລະບາດທີ່ພວມລະບາດ ຢູ່ຈະຫຼຸດໜ້ອຍ ຖອຍລົງໂດຍໄວ. ໂອກາດນີ້, ບໍລິສັດລາວໂທລະຄົມຍັງໄດ້ຈັດກິດຈະກິດຖາມ-ຕອບຄວາມຮູ້ກ່ຽວກັບພະຍາດໄຂ້ເລືອດອອກ ແລະ ວິທີປ້ອງກັນ ໍເພື່ອຮັບ ລາງວັນຈາກລາວໂທລະຄົມ ແລະ ພ້ອມນັ້ນບໍລິສັດລາວໂທລະຄົມຍັງໄດ້ມອບອຸປະກອນຕ່າງໆ ໃຫ້ຂະບວນການທຳລາຍແຫຼ່ງ ເພາະພັນຍຸງໃນຄັ້ງນີ້ລວມມູນຄ່າຫຼາຍກວ່າ 30 ລ້ານກີບ.

               ທ່ານ ດຣ ສີສະຫວາດ ໃຫ້ຮູ້ວ່າ:ປັດຈຸບັນເຖິງວາສະພາບການລະບາດຂອງພະຍາດໄຂ້ເລືອດອອກໃນທົ່ວປະ ເທດມີທ່າອ່ຽງຫຼຸດລົງແລ້ວກໍຕາມແຕ່ກໍຍັງເຮັດໃຫ້ຍອດຜູ້ເສຍຊີວິດເພີ່ມຂຶ້ນເຖິງ 90 ຄົນແລ້ວ ແລະ ສຳລັບບ້ານດອນກອຍ ປັດຈຸບັນມີຜູ້ຕິດເຊື້ອເພີ່ມຂຶ້ນເຖິງ 590 ກວ່າກໍລະນີ ແລະ ເສຍຊີວິດ 2 ຄົນ ແລະ ຢູ່ເຂດນີ້ເຫັນວ່າການລະບາດຍັງມີທ່າອ່ຽງ ເພີ່ມຂຶ້ນ.