ນະຄອນຫຼວງວຽງຈັນຈະເລີ່ມເປີດສົກຮຽນໃໝ່ຢ່າງເປັນທາງການໃນມື້ນີ້

               ພະແນກສຶກສາທິການ ແລະ ກີລາ ນະຄອນຫຼວງວຽງຈັນ, ຈະເລີ່ມ ເປີດສົກຮຽນໃໝ່ 2013 - 2014 ຢ່າງ ເປັນທາງການ ໃນຕອນເຊົ້າຂອງວັນທີ 27 ສິງຫາ 2013 ນີ້ ທີ່ໂຮງຮຽນມັດທະຍົມ ສຶກສາສົມບູນ ສີໂຄດ ຕະບອງ  ພາຍຫຼັງ ທີ່ພະແນກສຶກສາ ໄດ້ສົມ ທົບກັບຫ້ອງການສຶກສາປະຈຳ ເມືອງຢູ່ໃນ 9 ຕົວເມືອງ ໄດ້ກະ ກຽມຄວາມພ້ອມໃນດ້ານຕ່າງໆ ເພື່ອສົກຮຽນໃໝ່ ສ່ວນບັນດາ ເມືອງທີ່ຍັງ ບໍ່ທັນມີຄວາມພ້ອມ ນັ້ນ ແມ່ນຈະໄດ້ເລື່ອນອອກ ໄປ ອີກ 2 - 3 ມື້ ຂ້າງໜ້າ.

               ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກີລາ ນະຄອນຫຼວງໃຫ້ສຳ ພາດຕໍ່ ໜັງສືພິມ ລາວພັດທະນາ ວ່າ: ການກະກຽມຄວາມພ້ອມໃນ ດ້ານຕ່າງໆ ເພື່ອຮັບໃຊ້ເຂົ້າໃນ ການເປີດສົກ ຮຽນໃໝ່ 2013 - 2014 ນີ້ ສຳລັບນະຄອນຫຼວງ ວຽງຈັນ ແມ່ນພ້ອມແລ້ວ ແລະ ຈະເປີດຢ່າງເປັນທາງ ການນັບ ແຕ່ວັນທີ 27 ສິງຫາ 2013 ເປັນ ຕົ້ນໄປ ຊຶ່ງໃນໄລຍະຜ່ານມາທາງ ພະແນກສຶກ ສາທິການ ແລະ ກີ ລາ ນະຄອນຫຼວງ ໄດ້ສົມທົບກັບ ຫົວໜ້າຫ້ອງການສຶກສາເມືອງ ຕ່າງໆໃນທົ່ວນະຄອນຫຼວງ ຈັດ ກອງປະຊຸມປຶກສາຫາລືໃນການ ກະກຽມເປີດສົກຮຽນໃໝ່ ພ້ອມ ທັງແນະນຳໃຫ້ຫ້ອງ ການ

ສຶກສາ ແຕ່ລະ ເມືອງລົງໄປກວດກາສະ ຖານທີ່, ປັບປຸງໂຮງຮຽນ ແລະ ສະໜອງອຸປະກອນການຮຽນ, ການສອນທີ່ ຈຳເປັນ ເພື່ອນຳໃຊ້ ເຂົ້າໃນສົກຮຽນໃໝ່ ໃຫ້ສາມາດ ຮອງຮັບຈຳນວນນັກຮຽນທີ່ອາດ ຈະເພີ່ມຂຶ້ນໄດ້ອີກໃນ ສົກຮຽນ ໃໝ່ນີ້ ພິເສດ ໃນປີນີ້ ທາງພະແນກ ໄດ້ຮັບງົບປະມານຈຳນວນໜຶ່ງ ຈາກກະຊວງສຶກສາທິການ ແລະ ກີລາ ເພື່ອນຳໃຊ້ເຂົ້າໃນການເຝິກອົບ ຮົມຄູໃຫ້ຄຸນນະພາບ ແລະ ປະສິດທິຜົນດ້ານ ການຮຽນ, ການສອນຂອງຄູ, ອາຈານ ແລະ ນັກຮຽນໃນສົກຮຽນໃໝ່ ນີ້ໃຫ້ໄດ້ ຮັບຜົນດີກວ່າເກົ່າ. ສ່ວນໂຮງຮຽນໃດທີ່ຍັງບໍ່ທັນມີຄູ, ອາຈານ ແລະ ຈຳນວນນັກຮຽນພຽງພໍນັ້ນ ແມ່ນໃຫ້ອຳນາດການປົກ ຄອງບ້ານເປັນຜູ້ລະດົມເນື່ອງຈາກພະແນກສຶກສາເຫັນວ່າຄູ, ອາຈານຢູ່ໃນຊັ້ນປະຖົມ, ອານຸບານຍັງບໍ່ທັນພຽງພໍ ແລະ ຕອບສະ ໜອງໄດ້ຕາມຄວາມຕ້ອງການໃນຂະນະທີ່ບາງໂຮງຮຽນຢູ່ໃນຊັ້ນມັດທະຍົມປະສົບກັບບັນຫາຄູ, ອາຈານເຫຼື່ອບໍ່ພໍຄືບາງວິຊາມີ ຄູອາຈານຫຼາຍແຕ່ບາງວິຊາພັດບໍ່ມີ ຫຼື ມີກໍບໍ່ພຽງພໍກັບຄວາມຕ້ອງການໂດຍສະເພາະແມ່ນຄູຄະນິດສາດ.

              ສ່ວນໃນເລື່ອງຄ່າຮຽນຕ່າງໆນັ້ນ ປັດຈຸບັນທາງພະແນກສຶກສາຍັງບໍ່ທັນໄດ້ອະນຸຍາດໃຫ້ ໂຮງຮຽນໃດ ບໍ່ວ່າທາງ ພາກລັດກໍຄືເອກະຊົນຂຶ້ນຄ່າຮຽນເທື່ອ ແລະ ໃຫ້ປະຕິບັດໄປຕາມແຜນເກົ່າກ່ອນຈົນກວ່າທາງພະແນກຈະອອກແຈ້ງການຕາມ ພາຍຫລັງ.