ພາສີຂົວມິດຕະພາບຈະເພີ່ມທະວີການກວດກາເພື່ອຈຳກັດການຮົ່ວໄຫລຂອງເງິນຄ່າທຳນຽມ

         ພາຍຫລັງມີການຫັນປ່ຽນ ການເກັບຄ່າທຳນຽມພາສີແບບ ຈົດໃບບິນມາ ເປັນການເກັບດ້ວຍ ເຄື່ອງອີເລັກໂຕນິກຢູ່ ດ່ານສາກົນ ຂົວມິດຕະພາບ I ວຽງຈັນ- ໜອງ ຄາຍໄດ້ຊ່ວຍໃຫ້ການເກັບຄ່າທຳ ນຽມຂອງພາສີຢູ່ດ່ານດັ່ງກ່າວມີຕົວເລກເພີ່ມ ຂຶ້ນ, ແນວໃດກໍຕາມພາສີດ່ານດັ່ງກ່າວຍັງຈະສືບຕໍ່ປັບປຸງກວດກາລະບົບຢ່າງເປັນປະ ຈຳເພື່ອຈຳກັດການຮົ່ວ ໄຫລ່ຂອງເງິນຄ່າ ທຳນຽມຕ່າງໆ.

           ທ່ານ ຄຳສອນ ສີແສງຈັນ ຫົວໜ້າດ່ານພາສີຂົວມິດຕະພາບ I ກ່າວວ່າ: ເພື່ອຫັນວຽກງານພາສີກ້າວສູ່ຂອດບໍລິການ ວ່ອງໄວ, ທັນສະໄໝ,ໂປ່ງໃສ ແລະ ເຊື່ອມໂຍງເຂົ້າກັບສາກົນ, ດ່ານພາສີຂົວມິດຕະພາບແຫ່ງນີ້ ຈຶ່ງເປັນດ່ານ ສາກົນແຫ່ງ ທຳ ອິດທີ່ນຳໃຊ້ລະ ບົບເກັບຄ່າທຳນຽມພາສີເອເລັກ ໂຕຼນິກ ເຊິ່ງໄດ້ເລີ່ມນຳໃຊ້ມາແຕ່ ຕົ້ນປີ 2013 ເປັນຕົ້ນມາ ແລະ ຜ່ານ ການນຳ ໃຊ້ເຫັນວ່າຮັບປະ ກັນ ໄດ້ຄວາມສະດວກສະບາຍ ໃນດ້ານການບໍລິການປະຊາຊົນ ກໍຄືນັກທ່ອງທ່ຽວທີ່ເດີນທາງ

ເຂົ້າ-ອອກ ປະເທດແລະການເກັບ ຄ່າທຳນຽມມີຕົວເລກເພີ່ມຂຶ້ນ, ແຕ່ເພື່ອເປັນການກຳຈັດຊ່ອງ ຫວ່າງການຮົ່ວໄຫລຂອງເງິນ ແລະ ປາ ກົດການຫຍໍ້ທໍ້ຕ່າງໆໃຫ້ເດັດຂາດ ຈຶ່ງຕ້ອງມີຄວາມຈຳ ເປັນທີ່ຈະມີການປັບປຸງລະບົບ ການບໍລິການທີ່ມີຮັດກຸມ ແລະ ກວດກາ ດີກວ່າເກົ່າໂດຍສະເພາະໃນປັດຈຸບັນແມ່ນຢູ່ໃນຂັ້ນຕອນການຕິດຕາມດ້ານເຕັກນິກ ແລະ ແນະນຳຄວາມຮັບຮູ້ເຂົ້າໃຈ ຂອງຄົນ ໂດຍສານເຂົ້າ-ອອກ ໃນການ ແຕະບັດເສຍຄ່າທຳນຽມ ເຊິ່ງ ແມ່ນວຽກຂອງບໍລິສັດຜູ້ສຳປະທານດຳເນີນການຢູ່ ເພາະຜ່ານ ມາຜູ້ໃຊ້ບໍລິການສ່ວນໜຶ່ງຍັງບໍ່ທັນເຂົ້າໃຈວິທີນຳໃຊ້ ເຮັດໃຫ້ເກີດຄວາມສັບສົນ ແລະເຈົ້າໜ້າທີ່ພາສີກໍຍັງບໍ່ທັນ ມີປະສົບການ ທີ່ເລິກເຊິ່ງໃນການບໍລິການເຕັກນິກໃໝ່ ແຕ່ເພື່ອຮັບປະກັນການ ຄຸ້ມຄອງໃນສະເພາະໜ້າວຽກບໍລິການ ແມ່ນເປັນໜ້າທີ່ຂອງ ພາສີທັງໝົດ ແລະ ບໍ່ອະນຸຍາດໃຫ້ພະ ນັກງານຂອງບໍລິສັດເຮັດໜ້າທີ່ບໍລິການໃນຊ່ອງປະ ຕູຜູ້ໂດຍສານເຂົ້າ-ອອກລະຫວ່າງ ປະເທດ ໂດຍ ສືບຕໍ່ເລັ່ງຕິດຕັ້ງລະບົບ ເກັບຄ່າ ທຳນຽມ ອີເລັກໂຕຼນິກໃສ່ເລນລົດ ສ່ວນຕົວຂາອອກ-ຂາເຂົ້າໃຫ້ສຳ ເລັດ ເພື່ອຈັດເກັບຄ່າທຳນຽມ ຈາກພາຫະນະເຂົ້າ-ອອກທຸກຊະ ນິດ,ຊຸກຍູ້ໃຫ້ບໍລິສັດຈັດຝຶກ ອົບຮົມ ໃຫ້ພະນັກງານວິຊາການພາສີ ທາງດ້ານເຕັກນິກການນຳໃຊ້ ແລະ ການຄຸ້ມຄອງລະບົບອີເລັກ ໂຕຼນິກຢູ່ດ່ານ ເພື່ອກ້າວສູ່ການ ຄຸ້ມ ຄອງດ້ວຍຕົວເອງ ເພື່ອ ເປັນການຈຳກັດຊ່ອງຫວ່າງການຮົ່ວ ໄຫລຂອງເງິນຄ່າທຳນຽມ ແລະ ແກ້ໄຂບັນດາປະກົດການຫຍໍ້ທໍ້ ຕ່າງໆໃຫ້ຫລຸດລົງ.