ຫຼາຍພາກສ່ວນມອບເງິນຊ່ວຍເຫລືອຜູ້ປະສົບເຄາະຮ້າຍຈາກນ້ຳຖ້ວມຢູ່ເຂດເມືອງແບງ

     ເມື່ອບໍ່ດົນມານີ້, ທ່ານ ອາຊາງ ລາວລີ  ຮອງນາຍົກລັດຖະມົນຕີ, ຜູ້ຊີ້ນຳວຽກ ງານວັດທະນະທຳ- ສັງຄົມ ພ້ອມຄະນະ ໄດ້ ຕາງໜ້າລັດຖະບານ ພ້ອມຜູ້ຕາງໜ້າ ພາກສ່ວນມອບເງິນ ຈຳນວນ 500 ລ້ານກີບ ເພ່ືອຊ່ວຍເຫລືອສຸກເສີນ ແກ່ຜູ້ປະ ສົບ ເຄາະຮ້າຍຈາກໄພພິບັດນ້ຳຖ້ວມຄັ້ງຮ້າຍແຮງຢູ່ເຂດເມືອງແບງ ແຂວງອຸດົມໄຊ ເມ່ືອວັນທີ 20 ສິງຫາ ໂດຍໄດ້ສ້າງຄວາມເສຍ ຫາຍດ້ານຊີວິດ ແລະ ຊັບສິນ ຂອງປະຊາຊົນ ນັບ ເປັນຈຳນວນ ຫລວງຫລາຍ. ໃນຂະນະດຽວກັນ ຍັງມີທ່ານ  ສົມມາດ ພົນ ເສນາ ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ ໄດ້ມອບເງິນຊ່ວຍເຫລືອສົງເຄາະຈຳນວນ 10 ລ້ານກີບ, ບໍລິສັດເອລີສຳຫຼວດ ອອກແບບທີ່ ປຶກສາ ແລະ ກໍ່ສ້າງ 50 ລ້ານກີບ, ບໍລິສັດຢູນນານຊັນນີ ກໍ່ສ້າງຂົວ- ທາງ 20 ລ້ານກີບ, ໂຮງ ງານປຸງ ແຕ່ງໄມ້ຈັງເອີ 10 ລ້ານກີບ, ບໍລິສັດຊີໂນ ຢາງພາລາ, ບໍລິສັດຈົງ ໄຊ ຢາງພາລາ, ບໍລິສັດຈົງອູຢາງພາລາ, ບໍລິສັດໄຊນາ ລາວຢາງພາລາ, ບໍລິສັດລາວ-ຈີນເກີເຍັງໝາກເຍົາ, ບໍລິສັດຕົງຢາງຊີຊວນຢາງພາລາ ບໍລິສັດລະ 5 ລ້ານກີບ ແລະ ບໍລິສັດເຮືອງ ປະເສີດ 30 ລ້ານກີບ.         

       ໃນໂອກາດນີ້, ທ່ານ ຮອງນາຍົກລັດຖະມົນຕີ ຍັງໄດ້ນຳເອົາ ເຄື່ອງຊ່ວຍເຫລືອຈຳນວນໜຶ່ງມອບໃຫ້ຜູ້ປະສົບເຄາະຮ້າຍ ຈາກ ໄພທຳມະຊາດໃນຄັ້ງນີ້ ເພື່ອນຳ ໃຊ້ ເຂົ້າໃນວຽກງານສາທາລະ ນະສຸກ ແລະ ແກ້ໄຂບັນຫາໄພທຳ ມະຊາດ ທີ່ເກີດຂຶ້ນ ຊ່ິຶງປະກອບມີເຄື່ອງວັດແທກຄວາມດັນ 8 ຊຸດ, ບາຫຼອດ 3 ໂຫຼ,ຢາແກ້ໄຂ້, ນ້ຳທະເລ 400 , ນ້ຳເຊໂລມ (ຣິງ ເກິ) 60 ຖົງ, ຜ້າຫົ່ມ 500 ຜືນ, ມຸ້ງ ຍ້ອມຢາ 500 ດາງ ແລະ ເຄື່ອງ ນຸ່ງຫົ່ມ 20 ແກັດ,  ເປັນກຽດຮັບເງິນ ແລະ ເຄື່ອງຊ່ວຍເຫລືອ ຈຳ ນວນດັ່ງກ່າວ ໂດຍແມ່ນທ່ານ ຄຳ ຫຼ້າ ລິ້ງນະສອນ ເຈົ້າແຂວງໆອຸ ດົມໄຊ, ມີບັນດາຄະນະປະຈຳພັກແຂວງ, ກຳມະການພັກ ແຂວງ, ຫົວໜ້າ-ຮອງຫົວໜ້າພະແນກການ, ຂະແໜງການຕ່າງໆ ເຂົ້າຮ່ວມເປັນສັກຂີພິຍານ.