ເປີດຕົວລົດຮຸ່ນໃໝ່ຍີ່ຫໍ້ MAZDA

          ຕອນຄ່ຳຂອງວັນທີ 22 ສິງ ຫາຜ່ານມາບໍລິສັດ Keo Auto Group Mazda ໄດ້ຈັດພິທີ ເປີດ ຕົວລົດຮຸ່ນໃໝ່ຍີ່ຫໍ້ Mazda ຂຶ້ນທີ່ຫ້ອງຂາຍລົດ Mazda ບ້ານໜອງປາໄນ ເມືອງ ສີໂຄດຕະບອງ ນະຄອນຫຼວງວຽງຈັນ ໂດຍ ການເປັນກຽດ ເຂົ້າຮ່ວມຂອງ ທ່ານ ສະເໜີ ຈຸນລະມະນີ ປະທານສະມາຄົມອຸດ ສາຫະກຳ ແລະ ຍານ ພາຫະນະ, ມີທ່ານ Hidesuke Takesue ຮອງຜູ້ບໍລິຫາ ນດ້ານການຂາຍໃນພາກພື້ນຂອງບໍລິສັດ Mazda Motor Coporation ຈາກປະເທດຍີ່ປຸ່ນ, ທ່ານ ກົງເງິນ ແກ້ວມະນີວົງ ຜູ້ຈັດການໃຫຍ່ ບໍລິສັດ Keo Auto Group Mazda ປະຈຳ ສປປ ລາວ ພ້ອມດ້ວຍ ແຂກທີ່ຮັບເຊີນເຂົ້າຮ່ວມ.

            ລົດຍີ່ຫໍ້ Mazda  ທີ່ນຳມາເປີດຕົວໃນຄັ້ງນີ້ ມີ 4 ຮຸ່ນ ທີ່ພຽບພ້ອມໄປດ້ວຍຄຸນນະພາບ, ມາດຕະຖານ, ມີຄວາມ ແຂງແຮງ, ທົນທານ ແລະ ສວຍງາມ ເຊິ່ງຜະລິດໂດຍບໍລິສັດຜະລິດ ແລະ ຈຳໜ່າຍລົດ Mazda ທີ່ມີປະສົບການມາຫຼາຍ ກວ່າ 80 ປີຈາກປະເທດຍີ່ປຸ່ນ ແລະ ຍອມຮັບຈາກລູກຄ້າ ແລະ ຜູ້ໃຊ້ບໍລິການຂອງຄົນຈາກທົ່ວໂລກ.

         ທ່ານ Hidesuke Takesue ຮອງຜູ້ບໍລິຫານດ້ານການຂາຍໃນພາກພື້ນຂອງບໍລິສັດ Mazda Motor Copora tion ຈາກປະເທດຍີ່ປຸ່ນກ່າວວ່າ: ລົດເກ່ງ Mazda 4 ລຸ້ນທີ່ບໍລິສັດ Keo Auto Group Mazda ໃນນາມຕົວແທ່ນຂອງ Mazda Motor Coporation ຈະເປີດຕົວໃນມື້ນີ້ ເປັນປະເພດລົດທີ່ຍັງບໍ່ເຄີຍມີມາກ່ອນ ເຊິ່ງປະກອບ ມີ: Mazda2, Mazda3, CX​​​​​​​​-5 ແລະ Mazda6 ທີ່ໄດ້ຮັບການພັດທະນາຈາກເທັກໂນໂລຊີ SKYACTIV ໃນລົດ Mazda CX​​​​​​​​-5 ແລະ Mazda6. SKYACTIV TECHNOLOGY ແມ່ນເທັກໂນ ໂລຊີໃໝ່ ທີ່ຖືກປະຕິຮູບກາຍມາເປັນເທັກໂນໂລຊີ ໃໝ່ຫຼ້າສຸດທີ່ນຳເອົາການພັດທະນາດ້ານເຄື່ອງຈັກ ແລະ ໂຄງສ້າງຂອງລົດ.

        ການປັບປຸງ ແລະ ພັດທະນາ ເທັກໂນໂລຊີຂອງຍານພາຫະນະບົ່ງບອກໃຫ້ເຫັນເຖິງວິວັດທະນາການຂອງການຂັບ ເຄື່ອນທີ່ມີຄວາມປະຢັດນ້ຳມັນຫຼາຍກວ່າ ເມື່ອທຽບກັບລະບົບໄຮບຣິດສ ຫຼື ລະບົບ ໄຟຟ້າໃນການຂັບຂີ່ຕົວ ຈິງ. ດ້ວຍເຫດນີ້ ລົດລຸ້ນໃໝ່ທີ່ ເປີດຕົວນີ້ ຈຶ່ງໄດ້ຖືກຈັດເຂົ້າໃນ ອັນດັບ 3 ຂອງປະເພດລົດທີ່ຮັກ ສາສິ່ງແວດລ້ອມຖັດຈາກລົດໄຟຟ້າ ແລະ ໄຮບຣິດສ ຂອງປະເທດ ຍີ່ປຸ່ນ ພາຍໃຕ້ ການຮ່ວມມືກັບ ບໍລິສັດ Keo Auto Group Mazda ພວກເຮົາຈະພະຍາຍາມ ທີ່ສຸດ ເພື່ອໃຫ້ລູກຄ້າໄດ້ສຳພັດກັບຄວາມແຕກຕ່າງອີກລະດັບໜຶ່ງຂອງການຂັບຂີ່ ແລະ ເຊື່ອ ໝັ້ນວ່າ:ບັນດາລົດຮຸ່ນໃໝ່ຍີ່ຫໍ້ Mazda ທີ່ເປີດຕົວໃນມື້ນີ້ ຈະໄດ້ຮັບການຕອບຮັບທີ່ດີຈາກລູກຄ້າ ແລະ ຜູ້ໃຊ້ບໍລິການ.