ຈັບໄວລຸ້ນ 2 ຄົນດຶງກະເປົາຊາວຕ່າງປະເທດ

             ໄວລຸ້ນສອງຄົນກໍ່ເຫດດຶງ ກະເປົາຊາວຕ່າງປະເທດ ຢູ່ເຂດບ້ານ ເພຍວັດ ເມືອງ ສີສັດຕະນາກ ນະຄອນຫຼວງວຽງ ຈັນຖືກເຈົ້າໜ້າທີ່ຕຳຫຼວດຈະລາຈອນ ຢູ່ ປ້ອມຕະຫຼາດເຊົ້າຮວບຕົວໄດ້ທັນ, ກ່ອນຈະສົ່ງຕົວໃຫ້ເຈົ້າໜ້າທີ່ສືບສວນ-ສອບ ສວນ ປກສ ນະຄອນຫຼວງວຽງຈັນດຳເນີນຄະດີຕາມລະບຽບກົດໝາຍ.

           ທ່ານ ຮ້ອຍເອກ ບຸນເພັງ ພົມປີດາ ເຈົ້າໜ້າທີ່ສືບສວນ-ສອບສວນ ປກສ ນະຄອນຫຼວງວຽງຈັນ ໃຫ້ຮູ້ວ່າ: ເຫດການ ດັ່ງກ່າວ ເກີດຂື້ນໃນວັນທີ 3 ກັນຍາ ນີ້ ເວ ລາປະມານ 14 ໂມງ ໂດຍຜູ້ ຕ້ອງ ຄື: ທ້າວ ດວງສະ ຫວັດ ອາຍຸ 23 ປີ ຢູ່ບ້ານ ຈອມເພັດເໜືອ ແລະ ທ້າວ ພູວົງ ອາຍຸ 20 ຢູ່ບ້ານ ໂຄກ ນິນ ເມືອງ ສີສັດຕະນາກ ນະຄອນ ຫຼວງວຽງຈັນ, ຊຶ່ງທັງສອງ ໄດ້ ຂີ່ລົດຮອນດາເວບ ໝາຍເລກທະບຽນ 5851 ນະຄອນຫຼວງວຽງ ຈັນ ຂີ່ມາແຕ່ບ້ານ ສີເມືອງ, ເມືອງ  ສີສັດຈະນາກນະຄອນ ຫຼວງວຽງຈັນ ແລ້ວດຶງກະເປົາເປ້ສີດຳຂອງ ຊາວຕ່າງປະເທດທີ່ກຳລັງ ຂີ່ລົດຖີບທຽວທາງຢູ່ເຂດບ້ານເພຍວັດ ກ່ອນຈະຫຼົບໜີໄປ ທາງຕະຫຼາດເຊົ້າ, ໃນຂະນະດຽວກັນທາງ​

ເຈົ້າໜ້າທີ່ປະຈຳປ້ອມເຂດດັ່ງກ່າວໄດ້ພົບເຫັນທັງສອງມີທ່າທີຕ້ອງສົງໃສ ແລະ ໄດ້ ຈັດກຳລັງໄລ່ຕິດຕາມ ແລະ ຈັບຕົວຜູ້ຕ້ອງ ຫາທັງສອງໄດ້ກ່ອນທີ່ຈະກວດພົບວ່າທັງສອງໄດ້ຮ່ວມກັນດຶງເອົາກະເປົາຂອງ ຊາວ ຕ່າງປະເທດຈຶ່ງໄດ້ຈັບຕົວນຳສົ່ງເຈົ້າໜ້າທີ່ ປກສ ນະຄອນຫຼວງວຽງຈັນ ເພື່ອດຳເນີນຄະດີຕາມລະບຽບກົດໝາຍ.