38 ປີແຫ່ງການເຕີບໃຫຍ່ຂະຫຍາຍໂຕຂອງຫນັງສືພິມວຽງຈັນໃຫມ່

            ໃນຕອນເຊົ້າວັນທີ 30 ສິງ ຫາ 2013 ຢູ່ທີ່ສຳນັກງານໜັງສືພິມວຽງຈັນ ໃໝ່ໄດ້ຈັດພິທີສະເຫລີມສະຫລອງວັນ ສ້າງຕັ້ງໜັງ ສືພິມດັ່ງກ່າວມີອາຍຸຄົບຮອບ 38 ປີ( 1 /9/1975 -1 / 9/2013) ໂດ ການເຂົ້າຮ່ວມ ຂອງ ທ່ານ ສົມວັນດີ ນາທ ະວົງ ຮອງເຈົ້າຄອງນະຄອນຫລວງວຽງຈັນ ແລະ ຫົວໜ້າ ສື່ຕ່າງໆອ້ອມຂ້າງກະ ຊວງຖະແຫລ່ງຂ່າວ ວັດທະນາ ທຳ ແລະ ທ່ອງທ່ຽວເຂົ້າຮ່ວມ.                   

              ທ່ານ ທອງເລື່ອນ ພິມ ມະສານ ຫົວໜ້າບັນນາທິການ ໜັງສືພີ ມວຽງຈັນໃໝ່ໄດ້ມີຄຳ ເຫັນໃນພິທີວ່າ:  ໜັງ ສືພິມວຽງຈັນໃໝ່ ແລະ ວຽງຈັນທຸລະກິດ- ສັງຄົມ ແມ່ນກອງວິຊາການໜຶ່ງ ຂຶ້ນກັບພະແນກຖະ ແຫລ່ງຂ່າວ, ວັດທະນາທຳ ແລະ ທ່ອງທ່ຽວນະຄອນຫລວງວຽງຈັນ, ພາຍໃຕ້ການຊີ້ນຳວິຊາການຈາກກົມສື່ມວນຊົນກະຊວງຖະແຫລງຂ່າວວັດທະນາທຳ

ແລະ ທ່ອງທ່ຽວ. ຕະຫລອດ ໄລຍະ 38 ປີຜ່ານມາ(ນສພ) ວຽງຈັນໃໝ່ ໄດ້ເຮັດໜ້າທ່ີຢ່າງໜັກໜວ່ງ ໃນພາລະບົດບາດເປັນ ພາຫະນະອັນແຫລມຄົມ ໃນການ ໂຄສະນາໃຫ້ແກ່ອົງຄະນະພັກນະຄອນຫລວງ ແລະ ບັນດາສຳນັກງານອ້ອມຂ້າງສູນກາງພັກ, ລັດ ຖະບານຄື: ປີ 1975 ທີ່ຍອດ ຈຳໜ່າຍ 1.200 ສະບັບຕໍ່ວັນ. ປີ 1984-1989 ຈຳນວນພິມເພີ່ມຂຶ້ນ 8.000 ສະບັບຕໍ່ວັນ, ໃນປີ 1989 ໄດ້ເພີ່ມໜ້າຈາກ 4 ໜ້າເປັນ 8 ໜ້າ ແລະ ມາຮອດໄລຍະການປະຕິບັດ ແນວທາງເປີດກ້ວາງຂອງພັກ ບົນຈິດໃຈ ປະຕິບັດຄຳຂັວນເພີ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໃນງົບປະມານການໃຊ້ຈ່າຍ, ມາຮອດປີ 1994 ໄດ້ປັບ ປຸງແບບແຜນການຜະລິດຄືນໃໝ່, ແລະ ເຖິງວ່າຍອດຈຳ ໜ່າຍແຕ່ປີ 1994-1996 ມີຈຳ ນວນຫລຸດລົງເປັນ4.500 ສະບັບ ຕໍ່ວັນແຕ່ໄດ້ເຮັດໃຫ້ໜ້າພິມ ແລະ ໜ້າໂຄສະນາເພີ່ມຂຶ້ນຄື ມາຮອດ ປີ 2005 ບາງວັນຮອດ 30 ໜ້າພິມ, ຍອດພິມ 3.700 ສະບັບຕໍ່ວັນ, ສາເຫດທີ່ຍອດຈຳໜ່າຍຫລຸດລົງຍ້ອນກົນໄກຂອດຈຳໜ່າຍບໍ່ຮັດກຸມ, ຈາກນັ້ນຄະນະ ບກ ໄດ້ມີ ການປັບປຸງ ຈັດຕັ້ງເຮັດໃຫ້ມີສີ ສັນດຶງດູດຜູ້ອ່ານ. ປີ  2010  ຍອດ ຈຳໜ່າຍເພີ່ມຂຶ້ນເປັນ 4.500 ສະບັບຕໍ່ວັນ, ປີ 2012 ມີ 5.200 ສະບັບຕໍ່ວັນ ແລະຮອດປີ 2013 ຈຳນວນພິມມາເປັນ 5.500 ສະບັບຕໍ່ວັນການຈຳໜ່າຍສ່ວນໃຫຍ່ແມ່ນ ຢູ່ໃນນະຄອນ ຫລວງວຽງຈັນ ແລະ ປັດຈຸບັນໄດ້ເພ່ີມໜ້າພິມຕື່ມ 2 ໜ້າ (ຈາກ 7 ໜ້າ ເປັນ 9 ໜ້າ ) ເພື່ອສະໜອງຂໍ້ມູນຂ່າວສານໃຫ້ ກ້ວາງຂວາງ ແລະ ຫລາກຫລາຍນັບດ້ານປະລິມານ ແລະ ເນື້ອໃນໃຫ້ແຫລມຄົມ.