ເປັນຫຍັງຈຶ່ງຈັດຕັ້ງເສັງເຂົ້າລັດຖະກອນພາກຄວາມຮູ້ທົ່ວໄປ ?

          ທ່ານ ວິໄຊພັນດານຸວົງ, ຫົວໜ້າກົມຄຸ້ມຄອງລັດຖະກອນກະຊວງພາຍໃນໄດ້ໃຫ້ສຳພາດຕໍ່ນັກຂ່າວ ພວກເຮົາເມື່ອ ບໍ່ດົນມານີ້ ວ່າ: ພາຍຫຼັງທີ່ລັດຖະບານໄດ້ປະ ກາດໃຊ້ດຳລັດເລກທີ 28/ນຍ, ລົງ ວັນທີ 29 ພຶດສະພາ 2003, ວ່າດ້ວຍລະ ບຽບລັດຖະກອນແຫ່ງ ສປປ ລາວ, ບັນດາອົງການຈັດຕັ້ງພັດ- ລັດ,ແນວລາວສ້າງຊາດ ແລະ ອົງການຈັດຕັ້ງມະຫາຊົນຕ່າງໆ ນັບແຕ່ຂັ້ນສູງກາງ ແລະ ທ້ອງຖິ່ນຕ່າງໆກໍໄດ້ເອົາໃຈໃສ່ຈັດຕັ້ງສອບເສັງ ແລະ ເລືອກເຟັ້ນເອົາລັດຖະກອນໃໝ່ເຂົ້າໃນ ການຈັດ ຕັ້ງ ຂອງຕົນຕາມຕຳແໜ່ງຫວ່າງ ແລະ ຄວາມຕ້ອງການຂອງໜ້າ ທີ່ວຽກງານຢ່າງຕໍ່ເນື່ອງ, ສາມາດບັນຈຸລັດຖະກອນໃໝ່ໄດ້ ຕາມມາດຕະຖານແລະເງື່ອນໄຂຕ່າງໆ ຄື: ຜູ້ທີມີຄຸນສົມບັດດີ, ມີຄວາມຮູ້ ສົມຄູ່ກັບຕຳແໜ່ງງານທີ່ຮັບຜິດຊອບ, ເຖິງຢ່າງ ໃດກໍຕາມການເສັງເຂົ້າເປັນລັດຖະກອນໃນກົງ ຈັກການຈັດຕັ້ງຂັ້ນຕ່າງໆໃນໄລ ຍະຜ່ານມາ, ສ່ວນຫຼາຍບັນດາກະຊວງ, ອົງ ການຈັດຕັ້ງຂັ້ນສູນກາງ ແລະ ທ້ອງຖິ່ນ, ຕ່າງຝ່າຍຕ່າງເຮັດຕາມຄວາມຮັບຮູ້ ແລະ ເຂົ້າໃຈຂອງໃຜລາວ, ເນື່ອງຈາກຍັງຂາດ ນິຕິກຳລວມທີ່ເປັນບ່ອນອີງໃນການຈັດຕັ້ງປະຕິບັດ, ຈຶ່ງເຮັດໃຫ້ຜົນຂອງການສອບເສັງຈຳນວນໜຶ່ງເປັນພຽງຮູບການ,ເຮັດໃຫ້ ການສອບເສັງບໍ່ເປັນໄປຕາມຫຼັກການສະເໝີພາບ, ເປີດເຜີຍ, ພາວະວິໄສ ແລະ ເປັນທຳຈຶ່ງເຮັດໃຫ້ເກີດຊ່ອງຫວ່າງມີປະກົດ ການອັນບໍ່ດີເກີດຂຶ້ນ, ດັ່ງນັ້ນເພື່ອເປັນການສືບຕໍ່ຜັນຂະຫຍາຍດຳລັດລະບັບ ທີ 82/ນຍ, ລົງວັນທີ 19 ພຶດສະພາ 2003,

ເພື່ອຮັບປະກັນຄວາມສະເໝີພາບ, ພາວະວິໄສ ແລະ ເປັນທຳໃຫ້ສັງຄົມ, ຮັບປະກັນການບັນຈຸລັດຖະກອນເຂົ້າໃໝ່ໃຫ້ມີ ຄຸນນະພາບ ແລະ ປະສິດທິພາບ, ໃນການບໍລິຫານລັດ, ດັ່ງນັ້ນລັດຖະມົນຕີວ່າການກະຊວງພາຍໃນຈຶ່ງອອກຄຳແນະນຳເລກ ທີ 03/ພນ, ລົງວັນທີ 28 ສິງຫາ 2012 ກ່ຽວກັບການເສັງເຂົ້າລັດຖະກອນພາບຄວາມຮູ້ທົ່ວໄປໃນ ສປປ ລາວ.  

          ການສອບເສັງເຂົ້າລັດຖະກອນພາກຄວາມຮູ້ທົ່ວໄປເປັນການໃຫ້ຄວາມສະເໝີພາບດແກ່ສັງຄົມ, ສາມາດເລືອກເອົາ ບຸກຄົນທີ່ມີຄວາມຮອບຮູ້, ຄວາມຕັ້ງໃຈ, ເລືອກໄດ້ຜູ້ທີ່ມີເງື່ອນໄຂຄົບຖ້ວນຕາມທີ່ກຳນົດໄວ້, ເພື່ອສະໝັກເຂົ້າສອບເສັງພາກ ວິຊາສະເພາະຢູ່ບັນດາຂອງຂະແໜງການຂອງກະຊວງ, ອົງການຈັດຕັ້ງຂັ້ນສູນກາງ ແລະ ທ້ອງ ຖິ່ນ, ແກ້ໄຂສະພາບການສອບ ເສັງໃນເມື່ອກອ່ນ ທີ່ເຮັດພໍໃຜພໍລາວ ແລະ ຮັບປະກັນຄຸນນະພາບຄວາມສະເໜີພາບ ,ສິ່ງສຳຄັນຂອງການສອບເສັງເຂົ້າລັດ ຖະກອນພາກຄວາມຮູ້ທົ່ວໄປແມ່ນເປັນກົນໄກໜຶ່ງໃນບັນດາເງື່ອນໄຂຊ່ວຍ ຍົກລະດັບປະສິດທິພາບ ແລະ ປະສິດທິຜົນຂອງ ການບໍລິຫານລັດຂື້ນຕື່ມ, ເພື່ອຕອບສະໜອງໃກ້ແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຕີຖອຍ ທຸກປາກົດການຫຍໍ້ທໍ້ຕ່າງໆໃນການປັດຈຸລັດຖະກອນຄືຜ່ານມາ, ຄຽງຄູ່ກັບຜົນດີດັ່ງກ່າວສິ່ງທີປັດສະຈາກບໍ່ໄດ້ຂອງການ ເສັງເຂົ້າລັດຖະກອນພາກຄວາມຮູ້ທົ່ວໄປໃນເບື່ອງຕົ້ນແມ່ນອາດມີບຸກຄົນ ຫຼືການຈັດຕັ້ງຈຳນວນໜຶ່ງບໍ່ເຂົ້າໃຈເຖິງຈຸດປະສົງ, ເປົ້າໝາຍຂອງການສອບເສັງຜ່ານຄວາມຮູ້ທົ່ວໄປ, ອາດຄິດວ່າເປັນພຽງຂັ້ນຕອນ ສ້າງຄວາມຍຸງຍາກໃຫ້ແກ່ຜູ້ສະໝັກເຂົ້າ ສອບເສັງ ແລະ ການຈັດຕັ້ງແລະ ພາຍຫຼັງສຳເລັດການຈັດຕັ້ງສອບເສັງດັ່ງກ່າວໃນ 2-3 ປີຂ້າງໜ້າເຊື້ອວ່າບຸກຄົນ ແລະ ການ ຈັດຕັ້ງທີ່ບໍ່ເຂົ້າໃຈກໍ່ຈະເຂົ້າໃຈແຈ້ງເຖິງຈຸດປະສົງ, ເປົ້າໝາຍ ແລະ ຜົນປະໂຫຍດໃນຕໍ່ໜ້າ,ໃນ ການປະຕິບັດແນວທາງ ນະໂຍບາຍຂອງພັກ ແລະ ລັດຖະບານໃນການສືບຕໍ່ປະຕິບັດພາລະກິດການປ່ຽນແປງໃໝ່ຂອງປະເທດເຮົາ.